Jonas 4:6 - Mbeti ti Nzapa - Tënë so amu fini

⁶ KOTA GBIA Nzapa asara si mbeni kete keke asigigi ayo ahon li ti Jonas titene Jonas aduti na gbe ni si lâ asu lo pepe. Nzapa asara tongaso titene be ti Jonas ade. Be ti Jonas anzere ahon ndoni ndali ti kete keke so.

Jonas 4:6 Iomraidhean Croise

Esther 5:9

Gi na lango ni so, Haman asigigi na da ti Esther, wali ti gbia, ti gue na nzerengo tere nga na kota ngia na be ti lo. Me gi so lo si na yanga ti yangbo ni, lo baa so Mardochée aye ti londo pepe, wala lo ye ti ne lo pepe; tongaso be ti lo asi na ngonzo na tere ti Mardochée.

Mbeti ti Job 7:2

Zo ayeke tongana ngbaa so ayeke na le ti lâ si lo yeke gi gbe ti de; lo yeke tongana senge zo ti kua so ayeke ku futa ti lo.

Amato 23:5

Gi so le ti mo ayeke ti na ndö ti mosoro ni tongaso, lo hon ti lo awe. Biani, nginza aleke *akpangi ti lo wani so lo yeke huru na ni na le ti nduzu ti hon tongana *ngoalo.

Ésaïe 39:2

Tere ti Ezekias anzere mingi ndali ti gango ti alembe ni. Lo fa na ala ada so lo yeke bata amosoro ti lo daa, wen ti nginza, lôro, yombo na mafuta ti yombo. Lo fa nga na ala ndo so lo yeke bata aye ti bira ti lo daa, nga na aye so kue ayeke na ya ti kubu so a bata amosoro ti lo daa. Ezekias afa aye ti yangbo ti lo kue na aye ti kodro ti lo kue na ala; lo honde mbeni ye oko pepe.

Amos 6:13

Ala yeke sara ngia, ngbanga ti so ala so benda na Lo-Dabar, gbata so ayeke ye oko pepe so. Na pekoni, ala yeke tene: “Ndali ti ngangu ti e laa e mu gbata ti Karnaim, ngangu gbata so!”

Jonas 4:5

Jonas asigigi na ya ti gbata ni ti duti na mbage ti To. Lo sara mbeni kpangba ti duti na gbe ni si lâ asu lo pepe. Lo duti kâ ti baa ye so ayeke si ande na ya ti gbata ni.

Jonas 4:7

Me lango oko na pekoni, na yanga ti ndaperere, Nzapa atokua mbeni kete kete nyama ti ga ti kpo keke ni si keke ni ahole.

Nzoni Tënë so Luc asu na mbeti 10:20

Ayeke nzoni tere ti ala anzere ndali ti so asioni yingo ama yanga ti ala pepe; me tere ti ala anzere, ngbanga ti so a su iri ti ala awe na ya ti mbeti na yayu.”

1 Korente 7:30

Azo so ayeke toto, alingbi ala duti tongana ti so ala yeke toto fade pepe. Azo so be ti ala ayeke na ngia, alingbi ala duti tongana ti so be ti ala ayeke fade na ngia pepe. Azo so ayeke vo ye, alingbi ala duti tongana ti so ala yeke fade na ye pepe.