Jonas 4:10 - Mbeti ti Nzapa - Tënë so amu fini

¹⁰ Tongaso KOTA GBIA atene na Jonas: “Ma mbi si! Keke so, mo laa mo sara si asigigi si akono pepe; mo sara nga mbeni kua daa pepe; keke ni asigigi na bi oko si gi na bi oko ahole. Tënë ti keke ni aso be ti mo tongaso ngbanga ti nyen?”

Jonas 4:10 Iomraidhean Croise

Tongo nda ti aye 17:12

Fade a yeke fâ amolenge ti ala ti koli kue na ganza lango miombe na peko ti dungo ala. Ala sara tongaso na lege ti molongo ti dungo azo ni oko oko kue. Angbaa ti ala so a du ala na da ti ala, na ala so a vo ala vongo na nginza si ala yeke azo ti mara ti ala pepe so, alingbi a fâ nga ala na ganza.

Jonas 4:11

Ti mo, mo ye fade titene mbi baa mawa ti azo ti Ninive pepe? Ninive, kota gbata so wungo ti azo ti ya ni ahon saki ngbangbo oko na baleuse, azo ni ahinga ti kangbi popo ti ye ti nzoni na ye ti sioni pepe; anyama nga ayeke na ya ni gbani gbani.

Jonas 4:9

Nzapa atene na Jonas: “So mo yeke sara ngonzo ndali ti keke so, ayeke na legeni laa?” Jonas akiri tënë: “Een, ayeke na legeni so mbi sara ngonzo ngbii si mbi ye ti kui so.”

1 Samuel 20:31

Tongana molenge ti Yese angba na fini, fade mo yeke duti nzoni oko pepe; mo yeke ga nga gbia pepe. Mo tokua azo fafadeso ti gbu lo, ti ga na lo na mbi, ngbanga ti so lo lingbi na kuâ.”