Jonas 3:9 - Mbeti ti Nzapa - Tënë so amu fini

⁹ E hinga pepe, fade Nzapa ayeke zia lege ti ye so lo leke na be ti lo ti sara; e hinga pepe, fade ngonzo so agbu lo mingi so akai si e kui pepe.”

Jonas 3:9 Iomraidhean Croise

2 Samuel 12:22

David atene: “So lani molenge ni angba na fini, mbi ke ti te kobe si mbi toto, ngbanga ti so mbi tene na be ti mbi, mbi tene: ‘Mbi hinga pepe, wala KOTA GBIA ayeke baa mawa ti mbi si molenge ni ayeke kui pepe.’

Abia (Psaumes) 106:45

lo dabe ti lo na tënë ti mbuki ti lo na ala; ndali ti kota nzoni be ti lo, lo zia lege ti ye so lo ye ti sara na ala.

Abia (Psaumes) 85:3

Mo zi sioni ti azo ti mo awe, mo zi siokpari ti ala kue na li ti ala awe. Luti kete

Abia (Psaumes) 90:13

*KOTA GBIA, ngonzo ti mo ayeke ngba ngbii asi lawa? Kiri na mbage ti e, baa mawa ti e, azo ti kua ti mo!

Jérémie 26:13

Ti fadeso, ala sara si lege ti dutingo ti ala na sarango ye ti ala akiri aga nzoni; ala ma yanga ti KOTA GBIA Nzapa ti ala! Tongaso, sioni kpale so lo tene tënë ti tokuango ni na ndö ti ala, lo yeke zia lege ni.

Daniel 4:27

Lo mu tënë si lo tene: “So Babilone pepe? Kota gbata so mbi sara ni titene aga ndo ti lango ti gbia so! Mbi sara ni na lege ti ngangu ti mbi ti gbia. Mbi sara ni titene azo agonda iri ti mbi.”

Amos 5:15

Ala ke ye ti sioni, ala ye ye ti nzoni. Na le ti ngbanga, ala kiri afâ ngbanga na lege ti ndia; e hinga pepe, fade KOTA GBIA, Nzapa so ayeke na ndö ti dunia kue ayeke baa mawa ti tanga ti azo ti sewa ti Joseph.

Jonas 1:15

Na pekoni, ala mu Jonas abi lo na ya ti kota ngu-ingo si le ti ngu so ayeke yingi ngangu so akai kpoo.

Jonas 1:6

Kapita ti mangboko ni asi na tere ti lo si atene na lo: “Ee mo! Nyen laa mo yeke sara so? Mo yeke lango? Londo! Mo dekongo, mo iri nzapa ti mo. E hinga pepe, fade lo yeke baa mawa ti e si e kui pepe.”

Jonas 4:2

Lo sambela *KOTA GBIA, lo tene: “Âa! KOTA GBIA, tënë so lani mbi tene na be ti mbi na ndembe so mbi yeke na kodro ti mbi so, ni laa asi so pepe? Mbi hinga lani mbi tene, mo yeke Nzapa so mo yeke sara nzoni be na zo si mo yeke baa mawa ti lo; mo yeke sara ngonzo hio hio pepe si nzoni be ti mo asi singo. Mo yeke lakue nduru ti zia lege ti sioni so mo ye ti sara na zo. Ndani laa, mbi londo lani ti kpe hio ti gue na Tarsis.

Sofonii 2:3

Ala asenge zo kue ti sese so, ala gi KOTA GBIA; ala so ayeke sara ye na lege ti ndia ti lo, ala gi lege ti sara ye ti mbirimbiri, ala gi lege ti sara tere ti ala kete na dawa ti Nzapa. E hinga pepe, fade ala yeke soo fini ti ala na lango so KOTA GBIA ayeke sara ngonzo.

1 Samuel 6:5

Fade ala sara alimo ti aka ti sanzo nga na limo ti adeku so ayeke buba kodro ti ala. Na pekoni, ala gonda Nzapa ti Israel. E hinga pepe, fade lo yeke zia ti sara ngangu na ala, na anzapa ti ala nga na kodro ti ala.