Jonas 3:6 - Mbeti ti Nzapa - Tënë so amu fini

⁶ So gbia ti Ninive ama tënë ti ye so asi, lo londo na ndö ti mbata ti lo ti gbia, lo zi bongo ti gbia na tere ti lo, lo yu bongo ti mua si lo duti na ya ti mburu ti wâ.

Jonas 3:6 Iomraidhean Croise

1 Agbia 21:27

So Akab ama atënë so Élie atene, lo suru bongo na tere ti lo, lo yu bongo ti mua si lo ke kobe ti sambela. Na bi, lo yeke lango na bongo ti mua ni na tere ti lo si lo yeke tambula gi yeke-yeke.

Mbeti ti Job 2:8

Job aduti na ya ti mburu ti wâ, lo mu fango ta si lo yeke kpaka na tere ti lo.

Mbeti ti Job 42:6

Ndani laa, be ti mbi aso ndali ti tënë so lani mbi tene. Mbi hinga so tënë ni ayeke na legeni pepe; mbi duti na ya ti fuku ti sese, na ya ti mburu ti wâ.

Ésaïe 15:3

Na ndö ti abalabala, azo ayu bongo ti mua. Na li ti ada nga na ndo so gba ti azo ayeke wara tere daa, azo kue ayeke he abia ti demango tere si ala yeke toto.

Jérémie 13:18

Tene na gbia nga na kota gbia-wali, mo tene: “Ala duti na sese! Biani, pendere kpoto ti ala ti gbia alondo na li ti ala ati awe.

Jérémie 36:13

Mika atene na ala peko ti atënë so kue lo ma na ndembe so Baruk adiko na mê ti azo kue, atënë so a su na le ti rulo ni.

Jérémie 36:24

Gbia na akota zo ti yangbo ti lo kue ama atënë so kue nzoni; me atënë ni azia mbeto na be ti ala oko pepe, ala suru bongo ti ala pepe.

Jérémie 6:26

“Ala azo ti mbi, ayeke nzoni ala yu bongo ti mua, ala rule tere ti ala na ya ti fuku ti sese, ala sara aye so kue zo ayeke sara na ngoi ti mua, ala toto na ngu ti le tongana ti so zo ayeke toto ndali ti oko molenge ti lo ti koli so akui. Biani, gi hio tongaso, wato ayeke ga ti hunzi e kue!”

Abia ti demango tere 2:10

*Akangba ti gbata ti Sion aduti gi na sese, tënë ahunzi na yanga ti ala awe; ala yu abongo ti mua, ya ti li ti ala kue gi na fuku ti sese. Amaseka-wali ti gbata ti Sion aduti aba li ti ala na sese.

Abia ti demango tere 3:29

Ayeke nzoni lo yoro yanga ti lo na ya ti fuku sese. E hinga pepe, fade lo lingbi ti wara nzoni ye so lo yeke ku.

Ezekiel 26:16

Amakonzi ti azo so alango na yanga ti kota ngu-ingo ayeke londo na ndö ti ambata ti ala, ala yeke zi akota bongo ti ala, ala yeke zi apendere bongo ti ala. Mbeto ayeke hon ndö ti ala si ala yeke duti na sese. Tere ti ala ayeke do na mbeto lakue, ye ayeke hon ndö ti ala ndali ti mo.

Daniel 9:3

Mbi yo le ti mbi na nduzu ti baa ndo na mbage ti KOTA GBIA ti sambela lo, ti voro tere ti mbi na lo. Mbi ke kobe, mbi yu bongo ti mua si mbi tuku mburu ti wâ na li ti mbi.

Mishe 1:10

Ala fa tënë ni na Gat pepe, ala toto pepe! Ala rule tere ti ala na ya ti fuku ti sese na Bet-Leafra.

Matthieu 11:21

Lo tene na ala: “Mawa na mo, gbata ti Korazen! Mawa na mo, gbata ti Betsaida! Biani, tongana aye ti kpene so asi na ndo ti ala so asi ando na sese ti Tir na ti Sidon, ka azo ni ayu bongo ti mua, ala tuku mburu ti wâ na li ti ala aninga awe ti fa atene, ala zia ngbene lege ti sarango ye ti ala awe!

Nzoni Tënë so Luc asu na mbeti 10:13

“Mawa na mo, gbata ti Korazen! Mawa na mo, gbata ti Betsaida! Tongana aye ti kpene so asi na ndo ti ala so asi ando na sese ti Tir na ti Sidon, ka azo ni ayu bongo ti mua, ala duti na ya ti mburu ti wâ aninga awe ti fa atene, ala zia ngbene lege ti sarango ye ti ala awe!