Jonas 3:4 - Mbeti ti Nzapa - Tënë so amu fini

⁴ Na ya ti lango oko, Jonas atambula na ya ti gbata ni si lo yeke dekongo, lo tene: “Angba lango baleosio titene Ninive abuba biani biani.”

Jonas 3:4 Iomraidhean Croise

2 Agbia 20:1

Na ngoi ni so, tere ti Ezekias aso nduru na kuâ. Wayanga-Nzapa Ésaïe, molenge ti Amoz aga abaa lo si atene na lo: “Tënë so *KOTA GBIA atene ayeke so: Mo leke tënë ti aye ti da ti mo biani, ngbanga ti so mo yeke kui, mo yeke ngba na fini pepe.”

2 Agbia 20:6

Mbi yeke zia ngu baleoko na oku na ndö ti lango ti fini ti mo. Fade mbi yeke zi mo nga na gbata so na maboko ti gbia ti Asirii. Mbi yeke bata gbata so ndali ti mbi nga ndali ti David, zo ti kua ti mbi.’ ”

Ésaïe 30:18

Me *KOTA GBIA ayeke ku mbeni ngoi ti sara nzoni be na ala, lo yeke londo ti baa mawa ti ala. Biani, KOTA GBIA ayeke Nzapa ti mbirimbiri. Ti ala nzoni, azo so kue azia be ti ala na ndö ti lo!

Jérémie 42:10

‘Tongana ala yeda ti ngba na ya ti kodro so, fade mbi yeke kiri ti leke ala na nduzu, mbi yeke kiri ti kungbi ala na sese pepe; mbi yeke kiri ti lu ala tongana ti so a yeke lu keke, mbi yeke kiri ti gboto ala pepe. Fade mbi yeke zia lege ti sioni ye so mbi sara na ala.

Jonas 3:10

Nzapa abaa aye so kue azo ti Ninive asara ti fa atene, ala zia sioni lege ti sarango ye ti ala awe. Tongaso sioni ye so Nzapa atene tënë ti sarango ni na ala so, lo zia ti sarango ni.

Matthieu 12:41

Na lango ti fango ngbanga, fade azo ti Ninive ayeke londo ti luti na le ti azo ti fadeso ti fâ ngbanga na li ti ala, ngbanga ti so na ndembe so azo ti Ninive ama tënë ti Nzapa so Jonas afa, ala zia ngbene lege ti sarango ye ti ala. Mbeni zo ayeke ge so ayeke kota ahon Jonas!

Nzoni Tënë so Luc asu na mbeti 11:30

Legeoko tongana ti so Jonas ayeke ando mbeni ye ti kpene ndali ti azo ti Ninive, fade *Molenge ti Zo ayeke duti mbeni ye ti kpene ndali ti azo ti fadeso.

Nzoni Tënë so Luc asu na mbeti 11:32

Na lango ti fango ngbanga, fade azo ti Ninive ayeke londo ti luti na le ti azo ti fadeso ti fâ ngbanga na li ti ala, ngbanga ti so azo ti Ninive akiri na lege ti Nzapa. Na ndembe so azo ti Ninive ama tënë so Jonas afa, ala zia ngbene lege ti sarango ye ti ala. Mbeni zo ayeke ge so ayeke kota ahon Jonas!”

Ndia ti fani use ni 18:22

Tongana wayanga-Nzapa ni atene mbeni tënë na iri ti KOTA GBIA si peko ti tënë asi alingbi na ni pepe, wala aga taa-tënë pepe, andaa tënë ti lo ni alondo na KOTA GBIA pepe. Wayanga-Nzapa ni atene tënë ti li ti lo wani. Alingbi ala, azo ti Israel, ala sara mbeto ti wayanga-Nzapa ni pepe!