Jonas 3:3 - Mbeti ti Nzapa - Tënë so amu fini

³ Ti so ni, Jonas asara ye alingbi na tënë ti KOTA GBIA, lo londo, lo gue na Ninive. Andaa Ninive ayeke mbeni gbata so akono ahon ndoni; ti londo na li ti gbata ni ti si na ngbonda ni, zo ayeke tambula lango ota.

Jonas 3:3 Iomraidhean Croise

Tongo nda ti aye 22:3

Na ndaperere so ndo angba kâ, Abraham alondo, lo suru keke ti wâ ti zongo na sandaga. Lo leke lele ti lo; lo mu amaseka-koli use so ayeke sara kua na lo, na molenge ti lo Isaac, na tere ti lo si lo mu lege, lo gue na ndo so Nzapa afa na lo.

Tongo nda ti aye 30:8

Rachel atene: “Mbi tiri ngangu bira na ita ti mbi ti wali si mbi hon ndö ti lo awe”. Lo di iri ti molenge ni Neftali.

Abia (Psaumes) 36:6

KOTA GBIA, ndoye ti mo ague ngbii asi na yayu; batango tënë ti yanga ti mo so mo yeke bata ague ngbii asi na ambinda.

Abia (Psaumes) 80:10

Mo leke ndo nzoni ndali ti keke ni titene agunda ni ali sese si keke ni amu ya ti kodro ni kue.

Ésaïe 37:37

Tongaso Senakerib, gbia ti Asirii alondo na ya ti bâbâ ni, lo kiri na gbata ti Ninive si lo duti kâ.

Jonas 1:2

“Londo, mo gue na Ninive, kota gbata so! Mo dekongo na tënë ti yanga ti mbi na azo ni, mo tene, mbi baa sioni ti ala ahon ndoni awe.”

Jonas 4:11

Ti mo, mo ye fade titene mbi baa mawa ti azo ti Ninive pepe? Ninive, kota gbata so wungo ti azo ti ya ni ahon saki ngbangbo oko na baleuse, azo ni ahinga ti kangbi popo ti ye ti nzoni na ye ti sioni pepe; anyama nga ayeke na ya ni gbani gbani.

2 Timothée 4:11

Gi Luc oko laa angba na tere ti mbi. Mu Marc na tere ti mo si mo na lo aga, ngbanga ti so lo lingbi ti mu na mbi maboko na ya ti kua ti Nzapa.