Jonas 3:2 - Mbeti ti Nzapa - Tënë so amu fini

² “Londo, mo gue na Ninive, kota gbata so! Mo dekongo na azo ni na tënë ti yanga ti mbi so mbi yeke tene na mo.”

Jonas 3:2 Iomraidhean Croise

Esther 9:31

Na ya ti mbeti ni nga, a hunda na azuife titene ala ngba lakue ti sara matanga ti purim ni taa gi na alango ni so Esther, wali ti gbia, na Mardochée afa. Ala wani laa amu alango ni so ndali ti ala na ahale ti ala gi tongana ti so a mu ndia ndali ti kengo kobe na ti demango tere.

Sigingo 4:28

Moïse afa na Aaron atënë so kue KOTA GBIA aye ti tokua lo ngbanga ni. Lo fa nga na lo aye ti kpene so kue KOTA GBIA amu yanga na lo ti sarango ni.

Jérémie 1:17

Ti mo, ayeke nzoni mo leke tere ti mo! Londo, mo tene na ala atënë so kue mbi yeke mu yanga na mo ti tene. Ayeke nzoni mbeto ti ala asara mo pepe; tongaso pepe, mbi yeke sara titene mbeto ti ala agbu mo na dawa ti ala.

Jérémie 1:7

Me KOTA GBIA atene na mbi: “Mo tene pepe: ‘Mbi de maseka mingi.’ Fade mo yeke gue na mbage ti azo so kue mbi yeke tokua mo na ala; mo yeke tene na ala atënë so kue mbi mu yanga na mo ti tene.

Ezekiel 2:7

Fade mo yeke tene na ala atënë ti mbi, ataa ala ma mo, ataa ala ma mo pepe; azo ni ayeke azo ti ngangu li.

Ezekiel 3:17

“Molenge ti zo, mbi zia mo sanziri ndali ti azo ti Israel. Tongana mo ma mbeni tënë na yanga ti mbi, fade mo yeke gboto mê ti ala na iri ti mbi.

Jonas 1:2

“Londo, mo gue na Ninive, kota gbata so! Mo dekongo na tënë ti yanga ti mbi na azo ni, mo tene, mbi baa sioni ti ala ahon ndoni awe.”

Jonas 3:1

Ti fani use, tënë ti KOTA GBIA asi na Jonas, atene:

Jonas 3:3

Ti so ni, Jonas asara ye alingbi na tënë ti KOTA GBIA, lo londo, lo gue na Ninive. Andaa Ninive ayeke mbeni gbata so akono ahon ndoni; ti londo na li ti gbata ni ti si na ngbonda ni, zo ayeke tambula lango ota.

Matthieu 3:8

Ala sara ye so afa atene, ala zia ngbene lege ti sarango ye ti ala awe!

Jean 5:14

Na pekoni, Jésus atengbi na koli ni na ya ti kota da ti Nzapa si lo tene na lo: “Tere ti mo aga nzoni fadeso awe. Kiri mo sara siokpari pepe, ngbanga ti fade mbeni ye ti sioni asi na mo ahon ti kozo.”