Jonas 2:8 - Mbeti ti Nzapa - Tënë so amu fini

⁸ So mbi ga nduru na kuâ, be ti mbi ati na ndö ti mo, KOTA GBIA. Mbi sambela mo si mo ma sambela ti mbi na ya ti kota da ti mo so ayeke nde si ayeke nzoni kue so.

Jonas 2:8 Iomraidhean Croise

2 Agbia 17:15

Ala ke andia ti KOTA GBIA, ala ke tënë ti *mbuki so lo sara na akotara ti ala, ala ke awango so lo mu na ala. Ala mu peko ti afungo nzapa si ala wani aga ye so afun awe. Ala mu peko ti sarango ye ti amara so alango nduru na ala, ataa so KOTA GBIA ake na azo ti Israel titene ala sara ye pepe tongana ti amara so.

Abia (Psaumes) 142:4

Na ndembe so be ti mbi awoko kue, mo laa mo hinga ndo so mbi yeke gue daa. Na ndö ti lege so mbi yeke hon daa, azo azia kuku ti gbu na mbi.

Abia (Psaumes) 31:6

Mbi zia fini ti mbi na maboko ti mo. KOTA GBIA, mo so mo yeke taa Nzapa so, mo laa mo zi mbi na ya ti kuâ.

Abia (Psaumes) 69:14

Ti mbi, O *KOTA GBIA, mbi sambela gi mo: ngoi titene mo yeda na sambela ni alingbi awe. Nzapa, na lege ti kota nzoni be ti mo, kiri tënë na mbi! Biani, mo laa mo yeke soo mbi na kuâ.

Jérémie 10:8

Ala kue kue kue, ala yeke azo so li ti ala ayeke daa pepe, ala yeke abuba zo. Ayanda ni alingbi ti fa ye oko pepe, ala yeke gi keke senge.

Jérémie 16:19

*KOTA GBIA, mo yeke ngangu ti mbi, mo yeke tongana ngangu gbagba na tere ti mbi, mo yeke ndo so mbi kpe daa ti bata tere ti mbi na ngoi ti ye ti ngangu. Fade amara nde ayeke londo na nda ti sese kue ti ga na mbage ti mo. Ala yeke tene: “Ye so akotara ti e awara ti ga ye ti ala, ye ni ayeke gi ye ti mvene; mbeni senge buba ye so alingbi ti sara kua oko pepe.

Jérémie 2:13

Azo ti mbi asara asioni ye use: ala do mbi azia, mbi so mbi yeke li ti ngu so ayeke mu fini na zo; ala gue ti zi du ti ngu ndali ti ala wani; andaa du ti ngu ni akoro korongo; du ni alingbi ti bata ngu pepe.”

Mishe 1:2

Ala amara kue, ala ma si! Mo, sese na aye so kue ayeke na ndö ti mo, ala dingi mê ti ala, ala ma si! Ti londo na da ti lo so ayeke nde si ayeke nzoni kue, Kota Gbia NZAPA ayeke ga ti bi tënë na li ti ala.

1 Samuel 12:21

Ala gue yongoro na lo pepe; tongaso pepe, fade ala yeke gue na peko ti anzapa so ayeke asenge ye, anzapa so alingbi nga ti zi ala na ya ti ye ti ngangu pepe, ngbanga ti so anzapa ni ayeke asenge ye.