Jonas 2:4 - Mbeti ti Nzapa - Tënë so amu fini

⁴ Mo bi mbi na gbe ti kota ngu-ingo; mo bi mbi taa na be ti kota ngu-ingo ni. Kota ngu-ingo amene mbi kue, *amapo so kue mo sara na le ti ngu ayeke hon na ndö ti mbi, ayeke hon na ndö ti mbi.

Jonas 2:4 Iomraidhean Croise

1 Agbia 8:42

– biani, azo ni ayeke ma tënë ti kota iri ti mo, tënë ti ngangu ti maboko ti mo, maboko ti mo so mo yoro – tongana lo ga na mbage ti kota da so ti sambela mo,

1 Agbia 8:48

tongana ala kiri na mbage ti mo na be ti ala kue, na yingo ti ala kue na ya ti kodro so awato ti ala agbu ala si ague na ala daa, tongana ala baa ndo na mbage ti kodro so mo mu ando na akotara ti ala, wala ala baa ndo na mbage ti gbata so mo soro nga na mbage ti da so mbi sara ndali ti mo, tongana ala sambela mo,

1 Agbia 9:7

fade mbi yeke zi ala, azo ti Israel, na sese so mbi mu na ala. Kota da so mbi zia ni nde ndali ti mbi, fade mbi yeke bi ni yongoro na le ti mbi si azo ti Israel aga mbeni ye ti *mato nga na ye so azo kue ayeke he na ngia.

2 Mbai 6:38

tongana ala kiri na mbage ti mo na be ti ala kue, na yingo ti ala kue na ya ti kodro so a gbu ala si a gue na ala daa, tongana ala baa ndo na mbage ti kodro so mo mu ando na akotara ti ala, wala ala baa ndo na mbage ti gbata so mo soro nga na mbage ti da so mbi sara ndali ti mo, tongana ala sambela mo,

Abia (Psaumes) 31:22

Mbi mu singila na KOTA GBIA! Mbi yeke lani tongana gbata so azo aye ti mu ni na lege ti bira; me nzoni be ti lo asara aye ti kpene ndali ti mbi.

Abia (Psaumes) 42:8

Mo sara si ngu so asua atoto ngangu. *Amapo ti ngu ni ayeke iri ambeni mapo ni. Amapo so kue mo sara na le ti ngu ni ayeke hon na ndö ti mbi, ayeke hon na ndö ti mbi.

Abia (Psaumes) 5:7

Mo yeke fâ azo ti tenengo mvene. KOTA GBIA, be ti mo ake azo ti fango zo na azo ti nzi.

Abia (Psaumes) 88:6

A zia mbi na popo ti akuâ, mbi kpa azo so a fâ ala awe si ala yeke lango na ya ti du ti kuâ; azo so be ti mo agirisa na ala awe si ala kangbi na mo awe so.

Abia (Psaumes) 88:7

Mo zia mbi na ya ti du so ali mingi, na ndo so avuko pitipiti, na ya ti du so zo alingbi ti baa ngbonda ni pepe.

Ésaïe 38:17

Vundu ti be ti mbi akiri aga siriri. Biani, mo ye mbi mingi, nilaa mo sara si mbi li na du ti kuâ pepe; mo bi asiokpari ti mbi kue yongoro na peko ti mo.

Ésaïe 49:14

*Sion atene: “*KOTA GBIA ado mbi azia awe! Be ti Kota Gbia ti mbi agirisa na mbi awe!”

Jérémie 15:1

*KOTA GBIA atene na mbi: “Ataa Moïse na Samuel aluti fade na dawa ti mbi ti sambela ndali ti mara so, ka tënë ti azo ti mara so ayeke so be ti mbi oko pepe. Mo tumba azo ni na dawa ti mbi, ala hon!

Jérémie 7:15

Mbi yeke tumba ala yongoro na le ti mbi tongana ti so mbi tumba a-ita ti ala, azo ti mara ti Efraim so.”

Abia ti demango tere 3:54

Ngu asuku si amene mbi kue, mbi tene: “Azo, mbi kui awe!”

Ezekiel 37:11

Na pekoni, KOTA GBIA atene na mbi: “Molenge ti zo, abio so ayeke limo ti azo ti Israel kue laa. Azo ti Israel atene: ‘E yeke tongana akuru bio, mbeni ye titene e zia be ti e ti ku ayeke daa pepe; ti e ahunzi awe!’

Daniel 6:10

Tongaso, gbia Darius asu maboko ti lo na gbe ti kota mbela ni.

Jonas 2:7

Mbi linda ngbii, mbi si na gere ti ahoto, yanga ti sese akanga na ndö ti mbi, akanga na ndö ti mbi biani biani; me, mo KOTA GBIA, Nzapa ti mbi, mo kiri mo mu mbi na gbe ni kâ si mo sigigi na mbi na fini.