Jonas 1:9 - Mbeti ti Nzapa - Tënë so amu fini

⁹ Jonas akiri tënë na ala, atene: “Mara ti mbi ayeke hebro; mbi yeke voro KOTA GBIA, Nzapa so ayeke na yayu, lo so asara kota ngu-ingo nga na sese.”

Jonas 1:9 Iomraidhean Croise

Tongo nda ti aye 1:10

Nzapa adi iri ti holengo ndo ni “sese” si lo di iri ti gba ti angu ni “akota ngu-ingo”. Nzapa abaa so ye ni ayeke nzoni.

Tongo nda ti aye 14:13

Mbeni zo akpe na maboko ti azo ni si lo ga lo tene tënë ni na Abram, zo ti mara ti Hebro so ayeke duti na ndo so akeke ti shene ti Mamre ayeke daa. Mamre ayeke zo ti mara ti Amori. Lo yeke ita ti Eshekol na Aner. Ala na Abram ayeke *ambuki.

Tongo nda ti aye 24:7

KOTA GBIA, Nzapa ti yayu, asara si mbi zia da ti babâ ti mbi, na kodro so a du mbi daa. Lo sara tënë na mbi si lo deba yanga ti lo na mbi, lo tene: ‘Mbi yeke mu kodro so na *ahale ti mo’. Lo wani laa lo yeke tokua ande *ange ti lo kozo ti mo. Kâ si mo yeke mu mbeni wali na molenge ti mbi.

Tongo nda ti aye 39:14

wali ni airi azo ti kua ti lo si lo tene na ala: “Ala baa awe! A mu zo ti mara ti Hebro so a ga na lo titene lo he e na ngia! Lo ga titene lo lango na mbi si mbi dekongo ngangu.

2 Agbia 17:25

So ala si na Samarii, ala voro *KOTA GBIA pepe. Nilaa KOTA GBIA atokua abamara na tere ti ala si abamara ni afâ azo mingi na popo ti ala.

2 Agbia 17:28

Mbeni wayango-sandaga oko so a gbu lo si a gue na lo na Samarii, ague, aduti na gbata ti Betel. Lo yeke fa lege ti vorongo KOTA GBIA na azo.

Esdras 1:2

“Tënë so mbi Sirus, gbia ti Perse, mbi tene ayeke so: KOTA GBIA, Nzapa ti yayu azia na gbe ti mbi akodro-gbia kue ti sese. Lo mu yanga na mbi ti leke na lo da na Jérusalem, na sese ti Juda.

Esdras 5:11

Ala kiri tënë na e, atene: ‘E yeke azo ti kua ti Nzapa ti yayu na ti sese. E yeke leke kota da so mbeni kota gbia ti Israel asara ni ando si kua ni ahunzi aninga ngu mingi fadeso awe.

Néhémie 1:4

So mbi ma atënë so, mbi duti na sese, mbi toto; na ya ti ambeni lango, mbi sara mawa, mbi ke kobe, mbi sambela Nzapa ti yayu,

Néhémie 2:4

Gbia atene na mbi: “Mo ye nyen?” Mbi sambela Nzapa ti yayu.

Néhémie 9:6

Mo laa mo yeke KOTA GBIA, gi mo oko! Mo sara yayu so akono ahon ndoni nga na atongoro kue. Mo sara sese na aye so kue ayeke na ndö ni. Mo sara akota ngu-ingo na aye so kue ayeke na ya ni. Mo yeke bata aye so kue na fini; aye so kue ayeke na yayu ayeke kuku na gbe ti mo.

Mbeti ti Job 1:9

Me Satan akiri tënë na KOTA GBIA: “Senge laa Job ayeke kpe mbeto ti Nzapa?

Abia (Psaumes) 136:26

Ala mu singila na Nzapa ti yayu! – Biani, nzoni be ti lo angba kpu na kpu!

Sigingo 1:15

Ambeni wali use so ayeke mu amolenge na tere ti awali ti ahebro ayeke daa: iri ti mbeni ayeke Shifra si iri ti mbeni ayeke Pua. Gbia ti Ezipte amu yanga na ala, atene:

Sigingo 2:13

Lango oko na pekoni, lo kiri lo gue si lo baa ahebro use so ayeke tiri na popo ti ala. Lo tene na zo ti gingo tënë ni, atene: “Mo yeke pika mba ti mo ngbanga ti nyen?”

Daniel 2:44

Na ngoi ti agbia ni, fade Nzapa so ayeke na yayu ayeke sara mbeni kodro so ayeke buba laoko pepe; kodro ni ayeke ti na gbe ti azo ti ambeni mara nde pepe. Fade kodro ni ayeke fâ si ayeke nika ambeni kodro ni kue; gi kodro oko so laa ayeke ngba ti lo lakue lakue.

Osée 3:5

Na pekoni, azo ti Israel ayeke kiri ti gi KOTA GBIA, Nzapa ti ala nga na David, gbia ti ala. Gbanda, fade ala yeke do na mbeto si ala yeke kiri na mbage ti KOTA GBIA ti wara anzoni ye ti lo.

Awatokua 14:15

“Azo! Ala yeke sara ye so ngbanga ti nyen? E yeke gi azo tongana ala! E ga ge ti fa Nzoni Tënë titene ala zia lege ti abuba ye so ala yeke voro so, ala mu be ti ala na Nzapa so ayeke na fini, lo so asara yayu, na sese na kota ngu-ingo na aye so kue ayeke na ya ni.

Awatokua 27:23

Na bi so, mbeni *ange ti Nzapa ti mbi, so mbi yeke sara na lo, asi na mbi

Filipe 3:5

Mbi yeke taa zo ti mara ti Israel, zo ti mara ti Benjamin, akotara ti mbi kue ayeke azuife. Lango miombe na peko ti so a du mbi, a fâ mbi na ganza. Na lege ti batango ndia, mbi yeke taa *farizien.

Aye so Nzapa afa 11:13

Gi na ndembe ni so sese ayingi ngangu; mbeni mbage oko na popo ti ambage baleoko ti gbata ni ati, azo saki mbarambara akui na ya ti ye ti ngangu so. Kota mbeto agbu tanga ti azo so angba na fini so si ala gonda Nzapa so ayeke na yayu.

Aye so Nzapa afa 15:4

Kota Gbia, zo wa laa ayeke kpe mbeto ti mo pepe? Zo wa laa ayeke gonda iri ti mo pepe? Biani, gi mo oko laa mo yeke nde si mo yeke nzoni kue. Fade amara kue ayeke ga ti kuku na gbe ti mo, ndali ti so ala kue abaa fadeso lege so mo yeke fâ na ngbanga ti mo awe.”

Aye so Nzapa afa 16:11

Azo ni azonga Nzapa so ayeke na yayu ndali ti pasi so ala yeke baa, nga ndali ti asioni ka so ayeke na tere ti ala. Me ala zia lege ti sarango asioni ye ti ala pepe.