Jonas 1:8 - Mbeti ti Nzapa - Tënë so amu fini

⁸ Tongaso ala hunda lo, atene: “Fa na e: ndali ti zo wa laa ye so asi na e so? Kua ti mo ayeke nyen? Mo londo na ndo wa? Mo yeke zo ti kodro wa? Mara ti mo ayeke nyen?”

Jonas 1:8 Iomraidhean Croise

Tongo nda ti aye 47:3

Faraon ahunda ala, atene: “Kua ti ala ayeke nyen?” Ala kiri tënë na lo, atene: “Gbia, e azo ti gbe ti mo, e yeke awabatango-nyama, tongana akotara ti e.

Jacques 5:16

Ala fa siokpari ti ala na gigi na amba ti ala, ala sambela ndali ti amba ti ala si kobela ti ala akai. Sambela ti zo ti mbirimbiri ayeke na ngangu mingi ti sara ye.

Josué 7:19

Josué atene na Akan: “Molenge ti mbi, gonda KOTA GBIA, Nzapa ti Israel, tene taa-tënë. Fa na mbi ye so mo sara, honde ye oko na mbi pepe.”

1 Samuel 14:43

Saul atene na Jonatan: “Fa na mbi peko ti ye so mo sara so.” Jonatan afa na lo peko ti ye ni, atene: “Mbi mu kete mafuta ti wotoro na yanga ti keke so lani ayeke na maboko ti mbi so si mbi tara ni. Mbi laa! Mbi yeke nduru ti kui fafadeso.”

1 Samuel 30:13

David ahunda lo, atene: “Wa ti mo ayeke zo wa? Mo londo na ndo wa?” Lo kiri tënë: “Mbi yeke zo ti Ezipte, mbi yeke ngbaa ti mbeni zo ti Amalek. Wa ti mbi azia mbi ahon asara laso lango ota, ngbanga ti so tere ti mbi aso.