Jonas 1:6 - Mbeti ti Nzapa - Tënë so amu fini

⁶ Kapita ti mangboko ni asi na tere ti lo si atene na lo: “Ee mo! Nyen laa mo yeke sara so? Mo yeke lango? Londo! Mo dekongo, mo iri nzapa ti mo. E hinga pepe, fade lo yeke baa mawa ti e si e kui pepe.”

Jonas 1:6 Iomraidhean Croise

2 Samuel 12:22

David atene: “So lani molenge ni angba na fini, mbi ke ti te kobe si mbi toto, ngbanga ti so mbi tene na be ti mbi, mbi tene: ‘Mbi hinga pepe, wala KOTA GBIA ayeke baa mawa ti mbi si molenge ni ayeke kui pepe.’

Esther 4:16

“Gue mo bongbi azuife so kue ayeke na Suze, mo tene na ala titene ala ke kobe ti sambela ndali ti mbi; bi na lâ na ya ti lango ota, ala te kobe pepe, ala nyon ngu pepe. Mbi nga, mbi na azo ti kua ti mbi ti wali, e yeke sara ande tongaso. Na pekoni, mbi yeke gue na tere ti gbia, ataa so ndia agbanzi lege ni; ti kuâ ni, mbi yeke kui!”

Abia (Psaumes) 107:6

Tongaso na ya ti ye ti ngangu so asi na ala, ala dekongo na KOTA GBIA si lo zi ala na ya ti mbeto ti ala.

Abia (Psaumes) 78:34

Lakue tongana Nzapa ayeke fâ ambeni, atanga ni ayeke gi lo, ala yeke kiri na mbage ti lo;

Ésaïe 3:15

Ala yeke nika azo ti mbi ngbanga ti nyen? Ala yeke sara ngangu na awayere ngbanga ti nyen? So tënë ti yanga ti Kota Gbia NZAPA so ayeke na ndö ti dunia kue laa!”

Ezekiel 18:2

“Na sese ti Israel, azo ayeke tene mato so lakue: ‘Ababâ ate akpi-kpi le ti *vinye, me pembe ti amolenge laa akui.’ Ala yeke tene ni ngbanga ti nyen?

Joël 2:11

Na dawa ti aturugu ti lo, KOTA GBIA asara si azo ama go ti lo. Aturugu so ayeke ma yanga ti lo ayeke gbani gbani si ala yeke na ngangu. Biani, lango ti KOTA GBIA ayeke kota lango mingi, lango so ayeke zia kota mbeto na be ti zo. Zo wa laa alingbi ti kanga be ti lo na ni, zo wa?

Amos 5:15

Ala ke ye ti sioni, ala ye ye ti nzoni. Na le ti ngbanga, ala kiri afâ ngbanga na lege ti ndia; e hinga pepe, fade KOTA GBIA, Nzapa so ayeke na ndö ti dunia kue ayeke baa mawa ti tanga ti azo ti sewa ti Joseph.

Jonas 3:8

Azo na anyama ayu bongo ti mua, ala sambela Nzapa ngangu. Zo oko oko azia sioni lege ti sarango ye ti lo na aye ti ngangu so lo yeke sara na azo.

Jonas 3:9

E hinga pepe, fade Nzapa ayeke zia lege ti ye so lo leke na be ti lo ti sara; e hinga pepe, fade ngonzo so agbu lo mingi so akai si e kui pepe.”

Awatokua 21:13

Me lo kiri tënë, lo tene: “Ngbanga ti nyen laa ala yeke toto si ala yeke gi lege ti zi nzara ti tambula ni na be ti mbi so? Mbi yeke ti mbi nduru gi titene a kanga mbi pepe, me titene a fâ mbi na Jérusalem ndali ti iri ti *Kota Gbia Jésus!”

Rome 13:11

Ala sara tongaso, ndali ti so ala hinga ngoi so e yeke daa fadeso awe: ngoi titene ala zingo na lango alingbi awe! Fadeso, ngoi titene Nzapa asoo e na kuâ aga nduru awe ahon ti lani so e ma na be.

Efeze 5:14

ngbanga ti so ye so a fa ni na gigi polele aga ye so ayeke na ya ti lumiere. Ndani laa, a tene: “Mo zingo, mo so mo yeke lango. Mo londo na popo ti akuâ, fade Christ aza lumiere ti lo na ndö ti mo.”