Jonas 1:5 - Mbeti ti Nzapa - Tënë so amu fini

⁵ Mbeto asara azo ti kua ti mangboko ni. Nilaa, zo oko oko ayeke dekongo ti iri nzapa ti lo. Na pekoni, ala tuku akungba so ayeke na ya ti mangboko ni na ya ti ngu titene mangboko ni ayapu. Andaa Jonas azu ti lo na mbeni ndo so ayeke na ya ti mangboko ni, na mbage ti gbeni si lo kui na lango.

Jonas 1:5 Iomraidhean Croise

1 Agbia 18:26

Awayanga ti nzapa Baal amu bagara so a mu na ala si ala leke lo ti mu na *sandaga. Na pekoni, ala sambela Baal, ti londo na ndaperere ngbii asi na bekombite, ala tene: “Baal, mo kiri tënë na e!” Me ala ma mbeni go oko pepe, zo oko akiri tënë na ala pepe. Ala yeke dodo na tere ti gbalaka so ala leke so.

Mbeti ti Job 2:4

Me Satan akiri tënë na KOTA GBIA: “Ayeke na legeni. Zo kue ayeke mu ye ti kiri ti wara ye na pekoni. Ye so kue zo ayeke na ni, lo yeke mu ni ti soo na fini ti lo.

Abia (Psaumes) 107:25

Gi so lo tene tënë, kota pupu alondo ti ya, pupu ni asara si *amapo alondo.

Abia (Psaumes) 148:8

Ala wâ na *pembe ti bekpa, *neze na guru ti le ti ngu, ala sepela lo! Ala, na kota pupu so ayeke sara ye na peko ti yanga ti lo, ala sepela lo!

Zo ti bongbingo azo 3:6

Ngoi ti gingo ye ayeke daa, ngoi ti girisango ye ayeke daa; ngoi ti batango ye ayeke daa, ngoi ti bingo ye ayeke daa.

Ésaïe 45:20

Ala, amara nde so angba na fini, ala bongbi tere ti ala, ala ga! Ala ga legeoko. Azo so ayeke yo ayanda ti ala ti keke, ala so ayeke sambela nzapa so alingbi ti soo zo pepe, ala hinga ndo pepe.

Jérémie 2:28

Fade mbi yeke kiri tënë na ala, mbi tene: ‘Anzapa ti ala so ala leke ala so ayeke na ndo wa? Tongana ye ti ngangu asi na ala, ayeke nzoni anzapa ni aga asoo ala ma! Biani, ala azo ti Juda, ala yeke na anzapa gbani gbani alingbi na wungo ti agbata ti ala.’

Osée 7:14

Tongana ala yeke dekongo na mbi, ala yeke sara ni na be ti ala kue pepe. Me na ndö ti gbogbo ti ala, ala yeke dema, ala yeke suru tere ti ala na ka ti wara kobe na fini vin. Na sarango ye tongaso, ala yeke hon yongoro na tere ti mbi.

Jonas 1:14

Tongaso ala dekongo na KOTA GBIA, atene: “KOTA GBIA, e gbu gere ti mo! Sara si e kui ndali ti koli so pepe. Sara si ngbanga ti mene ti mbeni zo ti mbirimbiri ayeke na li ti e pepe. Biani mo, KOTA GBIA, mo yeke sara ye so be ti mo aye.”

Jonas 1:16

Mbeto ti KOTA GBIA ahon ndö ti azo ti mangboko ni, ala mu mbeni *sandaga na lo si ala deba yanga ti ala ti mu mbeni ye na lo.

Jonas 1:6

Kapita ti mangboko ni asi na tere ti lo si atene na lo: “Ee mo! Nyen laa mo yeke sara so? Mo yeke lango? Londo! Mo dekongo, mo iri nzapa ti mo. E hinga pepe, fade lo yeke baa mawa ti e si e kui pepe.”

Matthieu 25:5

So koli ni asi hio pepe, ala kue awoko si ala lango.

Matthieu 26:43

Lo kiri lo ga na mbage ti adisiple ni si lo wara ala na lango, ngbanga ti so lango ahon ndö ti ala.

Matthieu 26:45

Lo kiri lo ga na mbage ti adisiple si lo tene na ala: “Ala ngba ti lango? Ala ngba ti wu tere ti ala? Ngbonga ni aga nduru awe; a yeke mu *Molenge ti Zo ti zia lo na maboko ti azo ti siokpari.

Awatokua 27:38

So ala kue ate kobe si ya ti ala asi awe, ala mu tanga ti ale ti *ble ni atuku na ya ti ngu titene mangboko ni ayapu.

Awafango-ngbanga 16:19

Lo woko Samson na lango na ndö ti gere ti lo. Lo iri mbeni koli si koli ni akio kua ti li ti Samson so a sara na pete mbarambara so. Tongaso Samson ato nda ti woko nda si ngangu ti lo asigigi na ya ti tere ti lo.

1 Samuel 24:3

Saul amu akpengba turugu saki ota na popo ti aturugu ti Israel kue si lo gue ti gi David na azo ti lo na ndo so abaa le na ndo so a iri ni Têne-ti-angasa-ti-ngonda.