Jonas 1:4 - Mbeti ti Nzapa - Tënë so amu fini

⁴ Me KOTA GBIA atokua mbeni kota pupu na le ti kota ngu-ingo. Kota pupu ni ayeke ya ngangu si ya ti mangboko ni aye ti fâ.

Jonas 1:4 Iomraidhean Croise

Abia (Psaumes) 135:6

Ye so kue be ti KOTA GBIA aye, lo yeke sara ni na yayu nga na sese, na ya ti akota ngu-ingo nga na ya ti akota du so ali mingi.

Abia (Psaumes) 135:7

Lo sara si ambinda alondo kâ na nda ti sese si ague na nduzu; lo sara wâ ti bekpa titene ngu-Nzapa apika, lo sigigi na pupu na ndo so lo bata ni daa.

Abia (Psaumes) 148:8

Ala wâ na *pembe ti bekpa, *neze na guru ti le ti ngu, ala sepela lo! Ala, na kota pupu so ayeke sara ye na peko ti yanga ti lo, ala sepela lo!

Sigingo 10:13

Moïse ayoro keke ti lo na ndö ti Ezipte si KOTA GBIA atokua mbeni pupu ti To na ndö ti kodro ni. Pupu ni aya na kota lâ kue nga na bi kue. Na ndaperere, pupu ti To ni aga na agbadola awe.

Sigingo 10:19

KOTA GBIA asara si ngangu pupu ti Do aya, ahon na agbadola ni si atuku ala na ya ti kota ngu-ingo ti Asosongo. Gbadola oko angba na sese ti Ezipte pepe.

Sigingo 14:21

Moïse ayoro maboko ti lo na ndö ti kota ngu-ingo. KOTA GBIA atokua mbeni kota pupu ti To so aga aya na ndö ti kota ngu-ingo na bi ni kue si akangbi ya ti kota ngu-ingo ni. Lege azi na ya ni, ndo ni aga kuru sese.

Sigingo 15:10

Me mo KOTA GBIA, mo huru pupu si kota ngu-ingo akanga ndö ti ala. Ala li na gbe ti kota ngu tongana nengo wen.

Jérémie 51:16

So lo dekongo awe, gba ti angu abongbi tere na yayu, lo sara si angbongboro mbinda alondo na nda ti sese kue si ayeke ma na nduzu, lo sara si wâ ti bekpa amu lege na ngu-Nzapa ti pika; lo sara si pupu alondo na ndo so lo bata ala daa ti sigigi.

Amos 4:13

Biani, lo laa lo sara akota hoto, lo sara pupu, lo yeke fa na zo aye so lo leke na be ti lo ti sara. Lo yeke sara si lumiere ti ndaperere aga vukongo ndo, lo yeke tambula na ndö ti akota hoto ti sese so: iri ti lo ayeke KOTA GBIA, Nzapa so ayeke na ndö ti dunia kue.

Wungo ti azo 11:31

*KOTA GBIA atokua mbeni pupu so alondo na mbage ti kota ngu-ingo si amu adodoro atuku ala na ya ti bâbâ, angoro ni kue. Adodoro ni ayeke na ndö ti tere, na ndö ti tere ayo metere oko si ala mu ndo na tere ti bâbâ ni ague ngbii alingbi na tambula ti lango oko.