Jonas 1:3 - Mbeti ti Nzapa - Tënë so amu fini

³ Me Jonas alondo ti lo ti kpe ti gue na Tarsis, yongoro na le ti KOTA GBIA. Lo gue, lo si na Zafa. Kâ, lo wara mbeni mangboko so ayeke gue na Tarsis. Lo futa mangboko ni si lo na azo ti ya ni kue alondo ti gue na Tarsis, yongoro na le ti KOTA GBIA.

Jonas 1:3 Iomraidhean Croise

Tongo nda ti aye 3:8

Na lakui, na ndembe so pupu ayeke ya kete kete, ala ma go ti KOTA GBIA Nzapa so lo yeke fono na ya ti yaka ni. Koli ni na wali ti lo ahonde tere ti ala na popo ti akeke ti yaka ni ndali ti KOTA GBIA Nzapa abaa ala.

Tongo nda ti aye 4:16

Tongaso Kain ague yongoro na le ti KOTA GBIA, lo sara kodro na sese ti Nod, na mbage ti To ti Eden.

1 Agbia 19:3

Mbeto agbu Élie si lo kpe, lo gue na mbeni ndo titene lo soo fini ti lo. Lo si na Bersheba, na sese ti Juda si lo zia zo ti kua ti lo kâ.

1 Agbia 19:9

So Élie asi na hoto ti Horeb awe, lo li na ya ti mbeni kota du ti têne si lo lango daa. Kâ, tënë ti *KOTA GBIA asi na lo, atene: “Élie, nyen laa mo yeke sara ge, nyen?”

2 Mbai 2:15

Ti e, fade e yeke de akeke ti hoto ti Liban so kue be ti mo aye; e yeke kanga ni na gba ni, na gba ni si e yeke ga na ni na mo na le ti kota ngu-ingo ngbii asi na gbata ti Zafa. Kâ, mo yeke yo ni ti gue na ni na Jérusalem.”

2 Mbai 2:16

Salomon adiko wungo ti awande so kue ayeke na Israel, ala so babâ ti lo David adiko ala lani awe so; wungo ti ala kue ayeke 153 600.

2 Mbai 9:21

Biani, gbia ayeke na amangboko so ayeke gue na Tarsis; azo ti gbia Hiram laa ayeke kpe na ni. Lakue na peko ti ngu ota ota, amangboko ti Tarsis ayeke yo gba ti lôro, wen ti nginza, pembe ti doli, amakako nga na apendere ndeke ti ga na ni.

Esdras 3:7

Ala mu nginza na azo ti dengo tere ti têne nga na asarapande. Ala mu kobe ti tengo ni, ye ti nyongo ni nga na mafuta na azo ti Sidon na ti Tir titene ala tokua ndo si a mu akeke ti sedre ti Liban aga na ni na le ti kota ngu-ingo ngbii asi na Zafa. Ala sara tongaso, ngbanga ti so Sirus, gbia ti Perse amu lege na ala.

Mbeti ti Job 1:12

Tongaso KOTA GBIA atene na Satan: “Nzoni! Aye so kue lo yeke na ni, mbi zia na maboko ti mo. Gi ye oko, mo ndu tere ti lo pepe.” Na pekoni, Satan alondo na dawa ti KOTA GBIA ahon.

Mbeti ti Job 2:7

Tongaso Satan alondo ahon na le ti KOTA GBIA. Na pekoni, lo pika Job na sioni kobela ti ka ti sanzo. Ka ni amu tere ti lo kue, alondo na gbe ti gere ti lo ngbii asi na li ti lo.

Abia (Psaumes) 107:23

Ambeni atambula na mangboko na le ti kota ngu-ingo, ala yeke sara kua na le ti kota ngu.

Ésaïe 2:16

Lo yeke fâ ngbanga na li ti akota mangboko ti Tarsis nga na li ti apendere mangboko.

Ésaïe 23:1

Nengo tënë na ndö ti Tir. “Ala amangboko ti Tarsis, ala he bia ti demango tere! Biani, a buba ndo ti lutingo ti amangboko ti Tir awe, ada ayeke daa mbeni pepe.” So ala londo na zoa ti Shipre, ala kiri laa ala ma tënë ni.

Ésaïe 23:10

Mo Tir, mo fâ yaka na sese ti mo, tongana ti so a yeke sara na tere ti *bale ti Nil, ngbanga ti so ndo ti lutingo ti amangboko ayeke daa mbeni pepe.

Ésaïe 23:6

Ala fâ kota ngu-ingo ni ngbii ala si na Tarsis; ala azo so ayeke lango na tere ti ngu so, ala he bia ti demango tere!

Ésaïe 60:9

Biani, akodro so ayeke na ya ti azoa azia be ti ala ti ku mbi. Amangboko ti Tarsis ahon kozo, ala londo yongoro si ayeke ga na amolenge ti mo; ala yeke ga na wen ti nginza nga na lôro. Ala ga ti gonda KOTA GBIA, Nzapa ti mo, Nzapa ti Israel so ayeke nde si ayeke nzoni kue, Nzapa so amu nengo na mo.

Jérémie 10:9

A mu wen ti nginza so a pika ni pikango na Tarsis si a ga na ni; a mu nga lôro so alondo na Ufaz si a sara na ayanda ni. Zo ti sarango ye na kode laa aleke ni, wakode-kua ti lôro abaa lege ni. Na pekoni, ala yu na ayanda ni bongo so nzoroko ni akpa le ti nduzu, wala bongo so abe bengo. Andaa wakode-kua laa asara aye so kue.

Ezekiel 2:8

“Ti mo, molenge ti zo, mo ma tënë so mbi yeke tene na mo. Mo sara ngangu li tongana ti azo ti mara ti ngangu li so pepe. Mo zi yanga ti mo, mo te ye so mbi yeke mu na mo.”

Ezekiel 27:12

“Mo na azo ti Tarsis ayeke de buze ti amosoro ndenge na ndenge, gbani gbani. Ala yeke vo akungba ti mo na wen ti nginza, wen, eten nga na plon.

Ezekiel 3:14

Tongaso yingo so fade ayo mbi na nduzu so ahon na mbi. Maboko ti KOTA GBIA agbu mbi si ayeke ngangu ahon mbi. Tongaso mbi hon, be ti mbi na vundu, be ti mbi ayeke so songo.

Jonas 1:10

Na pekoni, Jonas afa na azo ni peko ti ye so asi na lo. So ala hinga atene, Jonas ayeke kpe yongoro na le ti KOTA GBIA, be ti ala kue afun si ala hunda lo, atene: “Mo sara mara ti ye tongaso ngbanga ti nyen?”

Jonas 4:2

Lo sambela *KOTA GBIA, lo tene: “Âa! KOTA GBIA, tënë so lani mbi tene na be ti mbi na ndembe so mbi yeke na kodro ti mbi so, ni laa asi so pepe? Mbi hinga lani mbi tene, mo yeke Nzapa so mo yeke sara nzoni be na zo si mo yeke baa mawa ti lo; mo yeke sara ngonzo hio hio pepe si nzoni be ti mo asi singo. Mo yeke lakue nduru ti zia lege ti sioni so mo ye ti sara na zo. Ndani laa, mbi londo lani ti kpe hio ti gue na Tarsis.

Nzoni Tënë so Luc asu na mbeti 9:62

Me Jésus atene na lo: “Zo so agbu masini ti fango na yaka si lo baa ndo na peko, lo lingbi ti ga zo ti *Kodro-gbia ti Nzapa pepe.”

Awatokua 15:38

me ti be ti Paul, alingbi ala mu Jean Marc na tere ti ala pepe, ngbanga ti so lo do ala, lo zia ala na Panfilii, lo mu peko ti ala pepe na ya ti kua ti ala.

Awatokua 26:19

“Ndani laa, gbia Agripa, ye so alondo na yayu si asi na mbi na ya ti mbeni ye tongana bango-li so, mbi ke ti sara ye ti peko ni pepe.

Awatokua 9:36

Na gbata ti Zope, mbeni wali ayeke daa so ayeke disiple ti Jésus, iri ti lo ayeke Tabita. Iri ti lo na yanga ti greke ayeke Dorkas, nda ni atene “Dengbe”. Lo mu ngoi ti lo kue ti sara anzoni ye na azo, ti mu maboko na azo ti mawa.

Awatokua 9:38

Gbata ti Zope ayo na gbata ti Lida pepe. So adisiple ti Zope ama a tene, Pierre ayeke na Lida, ala tokua azo use na lo, atene: “Mo ga hio na e ge si!”

Awatokua 9:42

Tënë ni amu ya ti Zope kue si azo mingi ama na be na Kota Gbia.

Awatokua 9:43

Pierre angba na Zope aninga, na da ti mbeni zo so a iri lo Simon; lo yeke zo ti sarango kua ti poro ti nyama.

1 Korente 9:16

Ndali ti fango Nzoni Tënë so mbi yeke fa, mbi lingbi ti pika kate ti mbi pepe. Fango Nzoni Tënë ayeke ye so Nzapa amu na mbi yanga ti sara. Mawa na mbi tongana mbi fa Nzoni Tënë ni pepe!

2 Tesalonike 1:9

Ngbanga so a yeke fâ na li ti azo ni ayeke so: Nzapa ayeke buba ande ala lakue lakue, ala yeke duti yongoro na le ti Kota Gbia nga na kota gonda ti lo

Josué 19:46

ngu ti Yarkon, Rakon na sese so ayeke na tere ti Zafa.