Jonas 1:16 - Mbeti ti Nzapa - Tënë so amu fini

¹⁶ Mbeto ti KOTA GBIA ahon ndö ti azo ti mangboko ni, ala mu mbeni *sandaga na lo si ala deba yanga ti ala ti mu mbeni ye na lo.

Jonas 1:16 Iomraidhean Croise

Tongo nda ti aye 28:20

Jacob amu zendo, atene: “Tongana Nzapa ayeke na mbi si lo bata mbi na lege so mbi yeke tambula daa so, tongana lo mu na mbi kobe ti tengo ni na abongo ti yungo ni,

Tongo nda ti aye 8:20

Noe aleke mbeni gbalaka ndali ti KOTA GBIA. Na popo ti anyama so kue ayeke *nzoni, na andeke so kue ayeke *nzoni, lo mu oko na ya ti mara oko oko ti mu na *sandaga so a yeke gbi ni kue na wâ na KOTA GBIA na ndö ti gbalaka ni.

2 Agbia 5:17

Naaman atene: “Ndali ti so mo ke awe, ayeke nzoni mo zia lege titene a mu na mbi, zo ti kua ti mo mbeni sese ti kodro so mbi gue na ni. Mbi yeke zia ni na ndö ti ambarata use titene ala yo ni. Biani, *sandaga so a yeke gbi ni kue na wâ wala sandaga ti beoko, mbi yeke kiri ti mu ni na ambeni nzapa nde pepe, gi na KOTA GBIA oko.

Mbeti ti Job 37:24

Ndani laa, alingbi azo akpe mbeto ti lo; me azo so abaa tere ti ala azo ti ndara, ngbanga ti lo ayeke na ala pepe.

Abia (Psaumes) 107:22

Ayeke nzoni ala ya na lo *sandaga ti mungo singila, ala dekongo na ngia ti fa tënë ti aye so lo sara.

Abia (Psaumes) 116:14

Mbi yeke sara ye so mbi deba yanga ti mbi ti sarango ni na KOTA GBIA, na le ti azo ti lo kue.

Abia (Psaumes) 50:14

Ayeke nzoni mo mu singila na mbi, Nzapa; singila ni ayeke nzoni sandaga so mo mu na mbi. Sara ye alingbi na zendo so mo mu na mbi, Nzapa so ayeke na yayu kâ na ndö ti aye kue.

Zo ti bongbingo azo 5:4

Tongana mo mu zendo pepe, so ayeke nzoni ahon titene mo mu zendo si mo sara ye ni pepe.

Ésaïe 26:9

Na bi, be ti mbi ayeke na nzara ti mo, mbi yeke gi mo na be ti mbi kue. Tongana mo fâ ngbanga ti mo na li ti azo ti sese so, azo ti dunia ayeke manda ti sara ye ti mbirimbiri.

Jérémie 5:22

Ala kpe mbeto ti mbi pepe? So tënë ti yanga ti KOTA GBIA laa. Tere ti ala ado na dawa ti mbi pepe? Mbi laa mbi zia mbutu ti sara si kota ngu-ingo angba na ndo so ayeke daa. So ayeke katikati so angba kpu na kpu; kota ngu-ingo ni ayeke hon ni pepe. Ataa *amapo ti ngu ni alondo tongana nyen, ngu ni alingbi ti hon ndö ni pepe.

Daniel 6:26

Na pekoni gbia Darius asara mbeti si lo tokua na azo nde nde kue, azo ti amara nde nde kue na azo ti ayanga ti kodro nde nde kue so asara kodro na ndö ti sese kue; lo tene: “Ayeke nzoni siriri asi ala singo!

Jonas 1:10

Na pekoni, Jonas afa na azo ni peko ti ye so asi na lo. So ala hinga atene, Jonas ayeke kpe yongoro na le ti KOTA GBIA, be ti ala kue afun si ala hunda lo, atene: “Mo sara mara ti ye tongaso ngbanga ti nyen?”

Jonas 1:14

Tongaso ala dekongo na KOTA GBIA, atene: “KOTA GBIA, e gbu gere ti mo! Sara si e kui ndali ti koli so pepe. Sara si ngbanga ti mene ti mbeni zo ti mbirimbiri ayeke na li ti e pepe. Biani mo, KOTA GBIA, mo yeke sara ye so be ti mo aye.”

Marc 4:31

Kodro-gbia ti Nzapa ayeke tongana le ti keke so iri ni mutarde si a lu na sese; le ni ayeke kete kete ahon ale ti kobe ti dunia kue.

Awatokua 5:11

Azo ti *Eglize ni kue na azo so kue ama tënë ti ye so, mbeto agbu ala mingi.

Awafango-ngbanga 13:16

Ange ti KOTA GBIA akiri tënë na Manoa: “Ataa mbi ngba, mbi yeke te kobe ti mo ni pepe; me tongana mo ye ti mu *sandaga so a yeke gbi ni kue na wâ na KOTA GBIA, mo lingbi ti mu ni senge.” Manoa ahinga fade pepe atene, ange ti KOTA GBIA laa ayeke tene tënë na lo so.