Jonas 1:14 - Mbeti ti Nzapa - Tënë so amu fini

¹⁴ Tongaso ala dekongo na KOTA GBIA, atene: “KOTA GBIA, e gbu gere ti mo! Sara si e kui ndali ti koli so pepe. Sara si ngbanga ti mene ti mbeni zo ti mbirimbiri ayeke na li ti e pepe. Biani mo, KOTA GBIA, mo yeke sara ye so be ti mo aye.”

Jonas 1:14 Iomraidhean Croise

Tongo nda ti aye 9:6

Zo so atuku mene ti mba ti lo, fade gi mba ti lo zo laa ayeke tuku mene ti lo, ngbanga ti so Nzapa asara zo si zo ni akpa gi lo Nzapa.

Abia (Psaumes) 107:28

Tongaso na ya ti ye ti ngangu so asi na ala, ala dekongo na KOTA GBIA si lo zi ala na ya ti mbeto ti ala.

Abia (Psaumes) 115:3

Nzapa ti e ayeke na yayu, lo yeke sara ye so kue be ti lo aye.

Abia (Psaumes) 135:6

Ye so kue be ti KOTA GBIA aye, lo yeke sara ni na yayu nga na sese, na ya ti akota ngu-ingo nga na ya ti akota du so ali mingi.

Ésaïe 26:16

KOTA GBIA, na ya ti ye ti ngangu, e baa ndo na mbage ti mo. Na ndembe so mo pika e, e yeke sambela mo na gbe ti go ti e.

Jonas 1:13

Azo ti kua ti mangboko ni ayeke sara ngangu ti si na yanga ti ngu, me ala sara gbaa, ngbanga ti so amapo so ayeke ga na ndö ti ala ayeke londo gi londongo ngangu ti gue na ni.

Jonas 1:16

Mbeto ti KOTA GBIA ahon ndö ti azo ti mangboko ni, ala mu mbeni *sandaga na lo si ala deba yanga ti ala ti mu mbeni ye na lo.

Jonas 1:5

Mbeto asara azo ti kua ti mangboko ni. Nilaa, zo oko oko ayeke dekongo ti iri nzapa ti lo. Na pekoni, ala tuku akungba so ayeke na ya ti mangboko ni na ya ti ngu titene mangboko ni ayapu. Andaa Jonas azu ti lo na mbeni ndo so ayeke na ya ti mangboko ni, na mbage ti gbeni si lo kui na lango.

Jonas 3:8

Azo na anyama ayu bongo ti mua, ala sambela Nzapa ngangu. Zo oko oko azia sioni lege ti sarango ye ti lo na aye ti ngangu so lo yeke sara na azo.

Matthieu 11:26

Biani Babâ, ye ni ayeke tongaso, ngbanga ti so mo yeda.

Awatokua 28:4

So azo ti zoa ni abaa ngbo ni na tere ti maboko ti Paul, ala tene na popo ti ala: “Koli so ayeke mbeni zo ti fango zo biani. Ataa so lo soo kuâ na le ti ngu, nzapa ti mbirimbiri aye titene lo ngba na fini pepe.”

Efeze 1:11

Na lege ti gango so e ga oko na Christ, Nzapa asoro e kozoni titene e ga azo ti lo alingbi na ye so lo leke na be ti lo, lo sara ye so kue tongana ti so be ti lo aye.

Efeze 1:9

Ye so lo leke na be ti lo si angba na hondengo ni, lo sara si e hinga ni: so ti tene, ye so lo leke kozoni na lege ti nzoni be ti lo ti sara ni na lege ti Christ.

Ndia ti fani use ni 21:8

KOTA GBIA, mo zi tënë na li ti azo ti Israel, azo ti mo so mo zi ala na gbe ti ngba so; mo sara si ngbanga ti mene aga na li ti Israel pepe so ayeke azo ti mo, ndali ti zo so asara sioni ye pepe si a fâ lo so.” Tongaso fade KOTA GBIA ayeke zi tënë ni na li ti ala.