Jonas 1:12 - Mbeti ti Nzapa - Tënë so amu fini

¹² Jonas akiri tënë na ala, atene: “Ala mu mbi, abi mbi na ya ti ngu si fade amapo ti le ti kota ngu-ingo ni akai. Mbi hinga, mbi tene, ndali ti mbi laa kota pupu so ayeke yingi ala so.”

Jonas 1:12 Iomraidhean Croise

2 Samuel 24:17

So David abaa ange so ayeke fâ azo ni, lo tene na KOTA GBIA: “Mbi laa mbi sara siokpari ni! Mbi laa mbi sara sioni ni! Me asenge zo so, nyen laa ala sara, nyen? Mbi gbu gere ti mo, ayeke nzoni mo pika gi mbi na asewa ti mbi.”

1 Mbai 21:17

David atene na Nzapa: “Mbi laa mbi mu yanga titene a diko wungo ti azo ni pepe? Mbi laa mbi sara siokpari ni si mbi sara sioni; me asenge zo so, nyen laa ala sara, nyen? KOTA GBIA, Nzapa ti mbi, mbi gbu gere ti mo, ayeke nzoni mo pika gi mbi na asewa ti mbi; me mo pika azo ti mo na sioni kobela so pepe.”

Mbeti ti Job 35:8

Ataa mo sara sioni-oo, ataa mo sara nzoni-oo, sioni ni na nzoni ni kue mo sara ni gi na amba ti mo zo.

Zo ti bongbingo azo 9:18

Ndara ayeke nzoni ahon aye ti bira; me zo ti siokpari oko alingbi ti buba anzoni ye mingi.

Jonas 1:11

So *amapo ti le ngu ni ayeke londo gi londongo ngangu ti gue na ni, ala hunda lo, atene: “Fade e sara nyen na mo titene amapo ni akai na tere ti e so?”

Jonas 1:13

Azo ti kua ti mangboko ni ayeke sara ngangu ti si na yanga ti ngu, me ala sara gbaa, ngbanga ti so amapo so ayeke ga na ndö ti ala ayeke londo gi londongo ngangu ti gue na ni.

Jean 11:50

Ala gbu li ti ala si! Ayeke nzoni zo oko akui ndali ti azo ni si a buba mara ni kue pepe.”

Awatokua 27:24

si lo tene na mbi: ‘Paul, mbeto asara mo pepe! Alingbi mo gue, mo si na gbe ti kota gbia ti Rome titene lo fâ ngbanga ti mo. Ndali ti mo, fade Nzapa ayeke bata azo so kue ayeke na ya ti mangboko ni.’

Josué 7:12

Ndani laa, fade azo ti Israel alingbi ti gbu le ni na awato ti ala pepe, ala yeke kpe na le ti awato ti ala ni. Biani, azo ti Israel ayeke ga azo so a zia ala titene a fâ ala kue ti hunzi ala. Aye so mbi ke na ala ti mu, tongana ala buba ni pepe, fade mbi yeke ngba na popo ti ala pepe.