Jonas 1:10 - Mbeti ti Nzapa - Tënë so amu fini

¹⁰ Na pekoni, Jonas afa na azo ni peko ti ye so asi na lo. So ala hinga atene, Jonas ayeke kpe yongoro na le ti KOTA GBIA, be ti ala kue afun si ala hunda lo, atene: “Mo sara mara ti ye tongaso ngbanga ti nyen?”

Jonas 1:10 Iomraidhean Croise

Tongo nda ti aye 3:13

KOTA GBIA Nzapa ahunda wali ni, atene: “Nyen laa mo sara tongaso?” Wali ni akiri tënë na lo, atene: “Ngbo ahanda mbi si mbi te le ti keke ni.”

2 Samuel 24:3

Yoab akiri tënë na gbia: “Ayeke nzoni KOTA GBIA, Nzapa ti mo asara titene azo ni awu fani ngbangbo oko ahon so si mo baa ni na le ti mo wani! Me gbia, mo ye ti sara ye so ngbanga ti nyen?”

Mbeti ti Job 27:22

Nzapa ayeke tokua ale ti kokora na tere ti zo ti sioni; lo yeke baa mawa ti lo pepe. Lo sara kue ti kpe na maboko ti zo ti bingo ale ti kokora ni.

Jonas 1:11

So *amapo ti le ngu ni ayeke londo gi londongo ngangu ti gue na ni, ala hunda lo, atene: “Fade e sara nyen na mo titene amapo ni akai na tere ti e so?”

Jonas 1:3

Me Jonas alondo ti lo ti kpe ti gue na Tarsis, yongoro na le ti KOTA GBIA. Lo gue, lo si na Zafa. Kâ, lo wara mbeni mangboko so ayeke gue na Tarsis. Lo futa mangboko ni si lo na azo ti ya ni kue alondo ti gue na Tarsis, yongoro na le ti KOTA GBIA.

Jean 19:8

So Pilate ama tënë so, mbeto agbu lo ahon ndoni.

Josué 7:25

Josué atene na Akan: “Mo sara si kpale ati na ndö ti e ngbanga ti nyen? Ayeke nzoni KOTA GBIA asara si kpale ni ati na ndö ti mo laso.” Tongaso azo ti Israel kue abo Akan na têne si afâ lo. Ala bo nga asewa ti lo na têne si ala gbi ala na wâ.