Joël 3:2 - Mbeti ti Nzapa - Tënë so amu fini

² Na ya ti alango ni so, ataa azo ti kua ti koli na ti wali, mbi yeke sara titene Yingo ti mbi aga na ndö ti ala.

Joël 3:2 Iomraidhean Croise

2 Mbai 20:26

Na lango osio ni, ala bongbi tere ti ala na popo-hoto ti Beraka titene ala mu singila na KOTA GBIA. Ndani laa azo angba ti iri ndo ni so Beraka ngbii asi laso.

Ésaïe 66:16

KOTA GBIA ayeke ga ti fâ ngbanga ti azo na lege ti wâ nga na lege ti yongoro zeme. Azo mingi ayeke kui.

Ésaïe 66:18

*KOTA GBIA atene: “Mbi hinga ye so ala yeke sara nga na tënë ti be ti ala. Lango ni alingbi awe ti bongbi amara kue na azo ti ayanga ti kodro kue. Ala yeke ga ti baa gonda ti mbi.

Jérémie 12:14

Tënë so KOTA GBIA atene ayeke so: “Asioni zo so ayeke lango nduru na azo ti mbi, ala ndu ye so aga ye ti mbi, ala ndu sese so mbi mu ando na Israel, azo ti mbi. Fade mbi yeke gboto azo ni na ndö ti sese ti ala tongana ti so a yeke gboto pere; mbi yeke gboto nga azo ti Juda na popo ti ala.

Jérémie 25:31

Totongo ti lo ni asi na nda ti sese kue. KOTA GBIA ayeke na ngbanga na amara nde, lo iri azo kue ti ga na ya ti ngbanga ti lo. Ti azo so ngbanga ati na li ti ala, lo yeke zia ala titene a fâ ala na yongoro zeme; so tënë ti yanga ti KOTA GBIA laa.”

Jérémie 49:1

Tënë na ndö ti azo ti mara ti Amon. Tënë so *KOTA GBIA atene ayeke so: “Israel ayeke na molenge-koli pepe? Israel ayeke na mbeni zo ti wara aye na peko ti lo pepe? Ngbanga ti nyen si nzapa Milkom amu sese ti Gad si aga ti lo so? Ngbanga ti nyen si azo ti Milkom amu gbata ti Gad si ayeke lango daa so?

Jérémie 50:17

Israel ayeke lani tongana taba so agirisa si abamara ayeke tumba peko ti lo. Kozo bamara so ate Israel ayeke gbia ti Asirii. Na pekoni Nabukodonosor, gbia ti Babilone aga, lo kungbi abio ti lo.

Ezekiel 25:8

“Tënë so mbi Kota Gbia NZAPA, mbi tene ayeke so: Azo ti Moab na ti Seir atene: ‘Ye so asi na azo ti Juda ayeke tongana ti tanga ti amara kue.’

Ezekiel 34:6

Ataba ti mbi ahon kirikiri na ndö ti akota hoto kue nga na ndö ti akete hoto kue; ataba ti mbi akangbi kirikiri, mbage na mbage na ndö ti sese kue. Zo oko ti baa tënë ti ala ayeke daa pepe; zo oko ti gi ala ayeke daa pepe.

Ezekiel 35:10

“Mo tene: ‘Amara use so, Israel na Juda, asese use so ayeke ga ti mbi, e yeke mu ni ti ga ye ti e; andaa KOTA GBIA ayeke na ndo so.’

Ezekiel 36:1

“*Molenge ti zo, tene peko ti tënë ti yanga ti mbi na tere ti ahoto ti Israel, mo tene: Ala ahoto ti Israel, ala ma tënë ti *KOTA GBIA!

Ezekiel 36:5

tënë so mbi Kota Gbia NZAPA, mbi tene ayeke so: Mbi deba yanga ti mbi! Na lege ti ngonzo ti mbi so alondo tongana wâ, mbi tene tënë so na tere ti amara nde nga na tere ti Edom kue, ngbanga ti so ala mu sese ti mbi ti ga ye ti ala. Be ti ala asi singo lani na ngia, ala baa kodro ti mbi tongana mbumbuse ye si ala nzi ando so anyama ayeke te pere daa.

Ezekiel 38:22

Mbi yeke fâ ngbanga na li ti mo na lege ti sioni kobela ti bubango kodro nga na lege ti tukungo mene. Mbi yeke tokua ngangu ngu-Nzapa, *pembe ti bekpa, wâ nga na *sufre na ndö ti mo, na ndö ti aturugu ti mo nga na ndö ti gba ti amara so ayeke na tere ti mo.

Ezekiel 39:11

“Na lango ni so, fade mbi yeke mu na Gog mbeni ndo na Israel titene a lu kuâ ti lo daa. Ndo ni ayeke na popo-hoto ti Azo-ti-hongo-na-lege, na mbage ti To ti kota ngu ti Gba-ti-ingo. Ndo ni ayeke kanga lege na azo so ayeke hon na lege. A yeke lu kuâ ti Gog na ti gba ti azo ti lo kâ. A yeke di iri ti ndo ni ‘Popo-hoto ti Gba-ti-azo-ti-Gog’.

Amos 1:11

Tënë so KOTA GBIA atene ayeke so: “Mbi yeke na tënë na azo ti Edom ndali ti asioni ye ota, wala osio so ala sara: ala mu yongoro zeme si ala tumba peko ti a-ita ti ala, azo ti Israel, ala baa mawa ti a-ita ti ala ni oko pepe. Na ya ti ngonzo ti ala, ala ngba ti fâ a-ita ti ala ni, ala bata ala na be lakue. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Mishe 4:12

Tënë so ayeke na be ti KOTA GBIA, azo ni ahinga ni oko pepe; ye so lo leke na be ti lo ti sarango ni, ala hinga ni oko pepe: lo ye ti bongbi ala tongana ti so a yeke bongbi ale ti kobe na le ti lakere titene a pika ni so.

Sofonii 3:8

So tënë ti yanga ti KOTA GBIA laa: Ala ku mbi! Ala ku lango so mbi yeke ga ti sigigi na nda ti ala. Mbi leke na be ti mbi ti bongbi amara kue, ti bongbi akodro ti agbia kue, ti fâ ngbanga na li ti azo ni, ti tuku ngonzo ti mbi ti wâ na ndö ti ala. Biani, mbanda ti mbi so ayeke londo tongana wâ ayeke gbi sese kue.”

Aye so Nzapa afa 11:18

Amara nde asara ngonzo, me ndembe ti ngonzo ti mo asi awe, ndembe titene a fâ ngbanga na li ti azo so akui awe. So ayeke ndembe ti mungo futa na azo ti kua ti mo, awayanga-Nzapa, ala na azo ti mo so ayeke kpe mbeto ti mo, akete zo na akota zo. So ayeke ndembe ti bubango azo ti bubango sese.”

Aye so Nzapa afa 16:14

Ayingo so ayeke asioni yingo so ayeke sara aye ti kpene. Ala gue ti wara agbia ti dunia kue ti bongbi ala na ndo oko ngbanga ti bira so ayeke ti ande na kota lango ti Nzapa so ngangu ti lo ahon angangu kue.

Aye so Nzapa afa 16:16

Ayingo ni abongbi agbia ni na ndo so a iri ni na yanga ti hebro “Harmagedon”.

Aye so Nzapa afa 16:6

Biani, ndali ti so azo ni atuku ando mene ti azo ti mo na ti awayanga-Nzapa, mo mu na ala mene ti nyon. Ye so alingbi na ala laa.”

Aye so Nzapa afa 20:8

Lo yeke hon ti gue ti handa amara so ayeke na ndangoro osio ti sese kue, so ti tene Gog na Magog. Satan ayeke bongbi ala ndali ti bira. Wungo ti ala ayeke tongana wungo ti mbutu ti yanga ti kota ngu-ingo.