Joël 2:26 - Mbeti ti Nzapa - Tënë so amu fini

²⁶ Fade ala yeke te kobe, ya ti ala asi, ala yeke sepela KOTA GBIA, Nzapa ti ala, lo so lo sara akota ye ndali ti ala so. Kamene ayeke kiri ti gbu le ti azo ti mbi laoko pepe.

Joël 2:26 Iomraidhean Croise

Tongo nda ti aye 33:11

Tongaso, ayeke nzoni mo yeda ti mu kadoo so mbi tokua na mo, ngbanga ti so Nzapa laa asara nzoni be na mbi si lo mu na mbi aye so kue alingbi na mbi.” Lo voro Ezau ngbii si Ezau ayeda ti mu aye ni.

Néhémie 9:25

Ala mu agbata so ngangu gbagba ayeke na tere ni, asese so ayeke du akobe mingi, ada so asi singo na mara ti amosoro nde nde, adu ti ngu so a zi ni awe, ayaka ti *vinye na ti olive nga na gba ti akeke so ayeke le mingi. Ndali ti nzoni be ti mo, ala te ye, ya ti ala asi, ala kono, ala duti na ngia.

Abia (Psaumes) 103:5

Lo sara si na lango ti fini ti mbi kue, anzoni ye asi singo na mbi; lo sara si mbi kiri mbi wara ngangu tongana ti maseka si mbi duti na ngangu tongana *ngoalo.

Abia (Psaumes) 116:7

Ayeke nzoni be ti mbi akiri aduti na siriri, ngbanga ti so KOTA GBIA asara anzoni ye mingi na mbi awe.

Abia (Psaumes) 13:6

Ti mbi, mbi zia be ti mbi na ndö ti mo ndali ti nzoni be ti mo. Ayeke nzoni be ti mbi aduti na ngia ndali ti so mo soo mbi awe. KOTA GBIA, mbi ye ti he bia na mo ndali ti anzoni ye so kue mo sara na mbi.

Abia (Psaumes) 22:26

KOTA GBIA, ndali ti mo, mbi lingbi ti gonda mo, mbi gonda mo na ya ti kota bongbi ti azo ti mo. Ye so mbi deba yanga ti mbi ti sarango ni, mbi yeke sara ni na le ti azo so akpe mbeto ti mo:

Abia (Psaumes) 37:19

Na ngoi ti ye ti vundu, fade kamene ayeke gbu le ti ala pepe. Na ngoi ti kota nzara, fade ala yeke te kobe, ya ti ala asi.

Abia (Psaumes) 67:5

Ayeke nzoni amara nde ahe bia ti fa ngia ti be ti ala, ngbanga ti so mo yeke fâ ngbanga ti azo kue mbirimbiri, mo yeke fa lege na amara nde na ndö ti sese so. Luti kete

Abia (Psaumes) 72:18

Singila na *KOTA GBIA, Nzapa ti Israel, gi lo oko si lo yeke sara aye ti kpene!

Amato 13:25

Zo ti mbirimbiri ayeke te kobe, ya ti lo asi; me zo ti sioni ayeke kui nzara.

B. ti abia 5:1

Ita ti mbi ti wali, mo so mo yeke ga wali ti mbi so, mbi yeke li na yaka ti mbi, mbi yeke ko *mire ti mbi nga na yombo ti mbi, mbi yeke te da ti wotoro ti mbi, mbi yeke su mafuta ti wotoro ti mbi; mbi yeke nyon vin ti mbi, na ngu ti me ti mbi. A-ita, ala te ye, ala nyon ye, ala sule ndali ti yengo tere.

Ésaïe 25:1

*KOTA GBIA, mo yeke Nzapa ti mbi, mbi yeke ya iri ti mo, mbi yeke sepela iri ti mo, ngbanga ti so mo sara aye ti dongo be. Mo leke tënë ti aye ni na be ti mo ngbene ye aninga, aluti ngangu si akpengba.

Ésaïe 29:22

Ndani laa, tënë so KOTA GBIA atene na azo ti Jacob, lo so lo soo Abraham ayeke so: “Fadeso, kamene ayeke kiri ti sara azo ti Jacob pepe, kamene ayeke kiri ti gbu le ti ala pepe.

Ésaïe 45:17

Me KOTA GBIA asoo azo ti Israel, lo soo ala ndali ti lakue lakue. Fade kamene ayeke sara ala pepe, kamene ayeke gbu le ti ala pepe lakue lakue, kpu na kpu.

Ésaïe 49:23

Agbia ayeke ga ababâ ti batango ala, amolenge ti agbia ti wali ayeke ga amama ti batango ala. Agbia ni ayeke kuku, akpo li ti ala na sese na dawa ti mo, ala yeke su sese so ayeke na tere ti gere ti mo. Tongaso fade mo yeke hinga, mo tene: mbi yeke KOTA GBIA; azo so azia be ti ala na ndö ti mbi, kamene ayeke gbu le ti ala pepe.”

Ésaïe 54:4

Sara mbeto pepe, ngbanga ti so kamene ayeke kiri ti sara mo pepe. Sara kamene pepe, ngbanga ti so azo ayeke kiri ti zonga mo pepe. Kamene so ando mo ngba maseka si ayeke sara mo so, fade mo yeke girisa ni. So lani mo yeke wali-mua si azo ayeke zonga mo so, fade mo yeke girisa zongango ndo ni.

Ésaïe 55:2

Ndani nyen si ala yeke buba nginza ndali ti ye so ayeke kobe pepe so? Ndani nyen si ala yeke baa pasi ndali ti ye so ayeke si ya ti zo pepe so? Ala ma mbi nzoni, fade ala yeke duti na nzoni kobe ti tengo ni, ala yeke te anzerengo kobe.

Awayango-sandaga 25:19

Sese ti kodro ni ayeke du ale ti kobe mingi, ala yeke te kobe, ya ti ala asi, mbeni ye ti sioni ti sara ala ayeke daa pepe.

Awayango-sandaga 26:26

Mbi yeke gbanzi na ala kobe; awali baleoko alingbi ti to kobe ti ala na ya ti duke oko; awali ni ayeke mu kobe ni gi kete kete ti ga na ni na ala, ala yeke te ni, me ya ti ala ayeke si pepe.

Awayango-sandaga 26:5

Na ndo ti ala, fade ala yeke ngba ti pika ale ti kobe ngbii asi na ngoi ti fango ale ti *vinye; ala yeke ngba ti fâ ale ti vinye ngbii asi na ngoi ti lungo ale ti kobe. Ala yeke te kobe, ya ti ala asi si mbeni ye ti sioni ti sara ala ayeke daa pepe.

Mishe 6:14

Ala yeke te kobe, me ya ti ala ayeke si pepe; kota nzara ayeke koro ya ti ala. Ala yeke bata ye, me ye ni ayeke ngba pepe. Ataa mbeni ye angba, fade mbi yeke sara titene ye ni abuba na lege ti bira.

Sofonii 3:11

“Na lango ni so, ala azo ti mbi, asioni ye so kue ala sara, aye so ala sara ti ke mbi, fade kamene ni ayeke kiri ti sara ala pepe. Biani, na lango ni so, azo ti kirikiri so baba ahon ndö ti ala, mbi yeke zi ala na popo ti ala, azo ti mbi. Tongaso si ala zia lege ti sarango kuru baba na ndö ti hoto ti mbi so ayeke nde si ayeke nzoni kue.

Zakarii 9:15

Fade KOTA GBIA so ayeke na ndö ti dunia kue ayeke bata azo ti lo. Azo ti lo ni ayeke kinda awato ti ala tongana ti so zo ayeke zia têne na ya ti *mvingi ti bi ni; ala yeke nyon mene ti awato ti ala tongana ti so zo ayeke nyon vin; mene ni ayeke si ya ti ala tongana mene ti anyama so a tuku na ya ti kopo si a yeke fi na ndö ti adidi osio ti gbalaka.

Zakarii 9:17

So nzoni dutingo na ala ande! So pendere na ala! Fade ale ti *ble ayeke mu ngangu na amaseka-koli, fini vin ayeke mu ngangu na amaseka-wali.

Rome 10:11

Mbeti ti Nzapa atene: “Zo so ama na be na lo, fade kamene ayeke sara lo pepe.”

Rome 5:5

Ye so e zia be ti e ti ku ni, e yeke ku ni gbaa pepe, ngbanga ti so Nzapa azia ndoye ti lo na be ti e na lege ti Yingo-Vuru so lo mu na e.

Rome 9:33

tongana ti so Mbeti ti Nzapa atene: “Baa, mbi zia na ya ti gbata ti *Sion mbeni têne so asara si zo aye ti ti; kota têne so ayeke kinda zo. Me zo so ama na be na lo, fade kamene ayeke sara lo pepe.”

Ndia ti fani use ni 11:15

Fade lo yeke sara si fini pere asigigi na ya ti ngonda titene anyama ti ala ate. Ti ala, fade ala yeke te kobe, ya ti ala asi.

Ndia ti fani use ni 12:12

Kâ na ya ti da ti KOTA GBIA Nzapa ti ala, fade be ti ala ayeke si singo na ngia, ala na amolenge ti ala ti koli na ti wali, na azo ti kua ti ala ti koli na ti wali nga na azo ti mara ti Lévi so ayeke duti na ya ti agbata ti ala. Biani, azo ti mara ti Lévi awara sese pepe ti ga ti ala tongana ti so ala, atanga ti azo ti mara ti Israel, awara ni.

Ndia ti fani use ni 12:18

Fade ala yeke te aye ni so gi na dawa ti KOTA GBIA Nzapa ti ala, na ndo so lo yeke soro ni ande. Ala, na amolenge ti ala ti koli na ti wali, na azo ti kua ti ala ti koli na ti wali, na azo ti mara ti Lévi so ayeke duti na ya ti agbata ti ala ayeke te ni. Kâ, na dawa ti KOTA GBIA Nzapa ti ala, fade be ti ala ayeke si singo na ngia ndali ti anzoni ye so ala wara na lege ti akua so kue ala sara.

Ndia ti fani use ni 12:7

Kâ na ya ti da ti KOTA GBIA Nzapa ti ala laa ala yeke te ande kobe ti amatanga, ala na asewa ti ala; be ti ala ayeke si singo na ngia ndali ti anzoni ye so ala wara na lege ti akua so kue ala sara, ngbanga ti so fade KOTA GBIA Nzapa ti ala ayeke sara tufa na ndö ti ala.

Ndia ti fani use ni 8:10

Ala yeke te kobe alingbi na nzara ti ala si ala yeke mu singila na KOTA GBIA Nzapa ti ala ndali ti nzoni sese so lo mu na ala.

1 Timothée 6:17

Mo mu yanga na azo ti mosoro ti dunia so titene ala pika kate ti ala pepe. Amosoro so ayeke ninga pepe, ala zia be ti ala na ndö ni pepe, me ala zia be ti ala na ndö ti Nzapa. Lo laa lo yeke mu na e anzoni ye ahon ndoni si e wara lege ti duti nzoni.

1 Jean 2:28

Tongaso, amolenge ti mbi, ala ngba ti duti oko na Christ, tongaso si na lango ti gango ti lo, be ti e ado pepe, e duti yongoro na lo pepe si kamene agbu e na lango ni so pepe.