Joël 2:22 - Mbeti ti Nzapa - Tënë so amu fini

²² Ala anyama ti ngonda, ala sara mbeto pepe; apere ti ngonda ayeke sigigi, akeke ayeke le, akeke ti fige na ayaka ti *vinye ayeke le mingi.

Joël 2:22 Iomraidhean Croise

Tongo nda ti aye 4:12

Tongana mo de sese ti lu kobe daa, sese ni ayeke le kobe mingi pepe. Fade da ti li ti mo ayeke duti daa pepe; mo yeke tambula gi kirikiri na ndö ti sese.”

Abia (Psaumes) 36:6

KOTA GBIA, ndoye ti mo ague ngbii asi na yayu; batango tënë ti yanga ti mo so mo yeke bata ague ngbii asi na ambinda.

Abia (Psaumes) 65:12

Na hunzingo ti ngu oko oko, mo sara si e wara anzoni ye ahon ndoni; ndo so kue mo yeke hon daa, anzoni ye ayeke sua suango daa.

Abia (Psaumes) 65:13

Ando so anyama ayeke te pere daa na benyama asi singo na anzoni ye ni, mo sara si akete hoto asi singo na ngia.

Abia (Psaumes) 67:6

Nzapa, ayeke nzoni azo amu singila na mo, ayeke nzoni azo kue legeoko amu singila na mo!

Ésaïe 51:3

KOTA GBIA abaa mawa ti *Sion, lo baa mawa ti aye ti lo so kue abuba. Ndo ti lo so ayeke tongana benyama, lo yeke sara si aga tongana yaka ti Eden; ndo ti lo so ngu ayeke daa pepe, lo yeke sara si aga yaka ti KOTA GBIA. Na ya ti gbata ni, fade azo ayeke duti na ngia si ala yeke sara ngia, ala yeke he bia ti gondango Nzapa si ala yeke pika mozoko.

Ezekiel 36:30

Mbi yeke sara titene akeke ti ala na akobe ti yaka ti ala ale gbani gbani. Tongaso si kamene ayeke kiri ti sara ala pepe ndali ti nzara na popo ti amara nde.

Ezekiel 36:35

Fade azo ayeke tene: ‘Sese so lani abuba so, akiri aga tongana yaka ti Eden. Agbata so lani aga ndo ti gba ti atêne, abuba, a kungbi ni na sese, a kiri asara ngangu gbagba na tere ni si azo alango daa.’

Ezekiel 36:8

Ti ala, ahoto ti Israel, fade amaboko ti akeke ti ala ayeke sigigi, akeke ni ayeke le ndali ti azo ti Israel so ayeke azo ti mbi. Biani, ala ga nduru ti kiri na sese ti ala awe.

Jonas 4:11

Ti mo, mo ye fade titene mbi baa mawa ti azo ti Ninive pepe? Ninive, kota gbata so wungo ti azo ti ya ni ahon saki ngbangbo oko na baleuse, azo ni ahinga ti kangbi popo ti ye ti nzoni na ye ti sioni pepe; anyama nga ayeke na ya ni gbani gbani.

Aggée 2:16

nyen laa asi na ala, nyen? Mbeni zo abaa ti lo atene, ni yeke gue ti mu sakpa ti kobe baleuse na ya ti gogoro, me lo wara gi sakpa baleoko. Mbeni zo apete vin ti lo na ya ti du, lo baa ti lo, lo tene, ni yeke wara litere baleoku, me lo wara gi litere baleuse.

Zakarii 8:12

Biani, fade mbi yeke sara si siriri amu ndö ti sese kue, akeke ti *vinye ayeke le, sese ayeke du ale ti kobe, yayu ayeke tokua ngu-Nzapa. Mbi yeke mu anzoni ye so na tanga ti azo ti Israel so angba titene aga ye ti ala.

1 Korente 3:7

Tongaso, zo so alu ye ayeke ye pepe, zo so atuku ngu na ndö ni ayeke nga ye pepe; me kota ye ni ayeke Nzapa so asara titene ye ni amai.