Joël 2:2 - Mbeti ti Nzapa - Tënë so amu fini

² Lango ni ayeke lango ti vukongo ndo, lango so ndo avuko pitipiti; lango ti ambinda na lango ti vuko mbinda. Baa, agbadola gbani gbani ayeke ga, ala yeke na ngangu, ala yeke tongana vukongo ndo so ayeke mu ndö ti ahoto kue. Ade zo abaa mara ti ye tongaso laoko pepe, zo ayeke kiri ti baa ni laoko pepe, ngbii asi na azo so ayeke du ala gbanda na peko, yongoro kâ.

Joël 2:2 Iomraidhean Croise

Abia (Psaumes) 10:6

Lo tene na be ti lo, lo tene: “Nyen laa ayeke sara mbi, nyen? Mbeni ye ti sioni ayeke si na mbi laoko pepe.”

Abia (Psaumes) 97:2

Vukongo ndo na mbinda angoro lo kue, gere ti mbata ti lo ti gbia aluti na ndö ti ye ti mbirimbiri nga na ndö ti fango ngbanga na legeni.

Sigingo 10:14

Agbadola ni amu ya ti Ezipte kue, ala duti na ndo kue. Ala wu ahon ndoni: kozoni, azo ti Ezipte ade ti baa mara ti gba ti agbadola tongaso laoko pepe; ala yeke kiri ti baa mara ni tongaso laoko pepe.

Sigingo 10:6

Ala yeke si singo na ya ti ayangbo ti mo, na ya ti ada ti azo ti gbe ti mo kue nga na ya ti ada ti azo ti Ezipte kue. Ye ni ayeke duti mbeni kota kpale so, ngbene ye na ngoi ti akotara ti mo ngbii asi fadeso, zo ade ti baa ni laoko pepe.’ ” Na pekoni, Moïse alondo na ndo ti Faraon, asigigi.

Sigingo 20:21

Azo ni aluti yongoro, me Moïse ague nduru na tere ti mbinda so avuko vukongo si Nzapa ayeke daa so.

Ésaïe 5:30

Me na lango ni so, mbeni toto ayeke londo ti ga na tere ti ala tongana toto ti kota ngu-ingo. Tongana zo abaa ndo na ndö ti sese, fade lo yeke baa gi vukongo ndo na ye ti ngangu; angbongboro mbinda ayeke kanga sungo ti lâ.

Ésaïe 8:22

Na pekoni, ala yeke baa ndo na sese: gi ye ti ngangu na vukongo ndo, vukongo ndo so ayeke zia kota mbeto na be ti zo, vukongo ndo so avuko pitipiti.

Jérémie 13:16

Ala gonda KOTA GBIA, Nzapa ti ala kozo titene lo tokua vukongo ndo, kozo titene ala pika gere ti ala na li ti ahoto so ndo avuko daa. Ala yeke ku vurungo ndo, me KOTA GBIA asara si vurungo ndo ni aga ndo so avuko pitipiti; lo sara si aga vuko mbinda.

Jérémie 13:6

Aninga na pekoni, KOTA GBIA atene na mbi: “Gue na Fara, mo mu kamba ti ndö ti bongo so lani mbi mu yanga na mo ti honde ni kâ so.”

Abia ti demango tere 1:12

Ala ga abaa, ala azo so kue ayeke hon na lege so, ayeke nzoni amara ti ye tongaso asi na ala pepe! Pasi ti mbi alingbi na pasi ti mbeni zo-oo? Pasi so KOTA GBIA azia mbi na ya ni so ayeke ngangu mingi; KOTA GBIA azia pasi ni na tere ti mbi na lango so ngonzo ti lo alondo tongana wâ.

Ezekiel 32:7

Na ndembe so fini ti mo ayeke hunzi, mbi yeke kanga le ti nduzu, mbi yeke sara si le ti atongoro avuko, mbi yeke sara si mbinda akanga le ti lâ si nze akiri ti su pepe.

Ezekiel 34:12

Legeoko tongana ti so mbeni wabatango-taba ayeke na popo ti ataba ti lo so akangbi kirikiri, lo yeke baa ndo na ndö ti ala, mbi nga, fade mbi yeke baa ndo na ndö ti ataba ti mbi. Mbi yeke zi ala na ando so kue ala kangbi kirikiri daa, na lango so mbinda asara si ndo avuko vukongo.

Ezekiel 38:9

Mo na aturugu ti mo kue nga na gba ti amara so ayeke na tere ti mo, ala yeke ga ti tiri bira na azo ni; ala yeke ti na ndö ti azo ni tongana kota pupu; ala yeke kanga ndö ti kodro ti ala tongana gba ti mbinda.

Daniel 12:1

“*Ange ni akiri atene na mbi: ‘Na ngoi ni kâ, Michel, kota makonzi ti a-ange so ayeke bata azo ti mara ti mo ayeke si. Fade ngoi ni ayeke duti ngoi ti ngangu. Ti londo na ngoi so amara nde abaa gigi ngbii asi na lâ ni kâ, mara ti ngoi so ade ti duti daa laoko pepe. Na ngoi ni so, fade azo ti mara ti mo, ala so a su iri ti ala na mbeti ti fini, ayeke soo kuâ.

Daniel 9:12

Atënë so mo tene ando na ndö ti e na amakonzi so ayeke na li ti e, mo sara si aga taa-tënë: kota sioni kpale so mo sara si ati na ndö ti e na Jérusalem, ade mara ni asi na mbeni ndo laoko pepe na dunia so.

Joël 1:6

Agbadola gbani gbani amu ya ti kodro ti e kue; ala yeke ngangu mingi, zo alingbi ti diko wungo ti ala pepe. Pembe ti ala ayeke tongana ti bamara, bio ti ngbangba ti ala ayeke tongana ti mama ti bamara.

Joël 2:25

KOTA GBIA atene: “Lani mbi tokua gba ti akete nyama ti bubango ye na tere ti ala si ala te akobe ti ala: angadi, akinda-gozo, akete gbadola na akota gbadola. Fadeso mbi yeke kiri na ala aye so anyama ni abuba na ya ti angu so ahon so.

Joël 2:5

Ala yeke huru na ndö ti ahoto si toto ti hurungo ti ala ni ayeke tongana toto ti apusu ti mbarata; tongana toto ti menga ti wâ so ayeke gbi holengo pere. Ala yeke londo ti ga tongana angangu turugu so aleke tere ti ala na molongo ti tiri bira.

Joël 3:4

lâ ayeke ga vukongo ndo, nze ayeke ga bengba tongana mene. Na pekoni, fade *lango ti KOTA GBIA ayeke si, kota lango, lango so ayeke zia mbeto na be ti zo.”

Amos 4:13

Biani, lo laa lo sara akota hoto, lo sara pupu, lo yeke fa na zo aye so lo leke na be ti lo ti sara. Lo yeke sara si lumiere ti ndaperere aga vukongo ndo, lo yeke tambula na ndö ti akota hoto ti sese so: iri ti lo ayeke KOTA GBIA, Nzapa so ayeke na ndö ti dunia kue.

Sofonii 1:7

Ala azo, ala kai kpoo na dawa ti Kota Gbia NZAPA, ngbanga ti so *lango ti KOTA GBIA aga nduru awe. KOTA GBIA aleke mbeni *sandaga awe, lo iri azo ti tengo kobe ti sandaga ni si ala leke tere ti ala awe.

Zakarii 14:6

Na lango ni so, aye so ayeke su na le ti nduzu ayeke kiri ti su pepe, de ayeke kiri ti sara pepe, *glase ayeke kiri ti duti daa pepe.

Matthieu 24:21

ngbanga ti so, fade pasi ni ayeke duti kota mingi. Ngbene ye na tongo nda ti dunia ngbii asi fadeso, zo ade ti baa mara ti pasi tongaso laoko pepe. Na pekoni, fade zo ayeke kiri ti baa mara ti pasi so oko pepe.

Marc 13:19

ngbanga ti so, na ya ti alango ni so, fade pasi ayeke hon ndoni. Ngbene ye na tongo nda ti dunia so Nzapa asara ngbii asi fadeso, zo ade ti baa mara ti pasi tongaso laoko pepe. Na pekoni, fade zo ayeke kiri ti baa mara ti pasi so oko pepe.

Ndia ti fani use ni 32:7

Ala dabe ti ala na ngoi ti giriri, ala gbu li ti ala na ndö ti angu so ahon awe so, ngu na ngu. Ala hunda tënë na ababâ ti ala nga na ambakoro, fade azo ni ayeke tene na ala peko ti aye so asi ando so.

Ahebro 12:18

Lani so ala ga nduru na Nzapa, ala ga nduru pepe na tere ti hoto so zo alingbi ti ndu ni na maboko, so ti tene hoto ti Sinai: na ndö ti hoto ni, wâ so ayeke gbi, ndo so avuko pitipiti, kota pupu so aya ngangu ayeke daa.

Jude 1:13

Ala yeke tongana asioni *mapo ti le ti kota ngu-ingo so pupu ayeke yingi ni kirikiri, aye ti kamene ti ala ni ayeke sara tongana *afuru ti ngu. Ala yeke nga tongana ambeni tongoro so ayeke tambula kirikiri; ndo so a leke ndali ti azo ni titene ala duti daa kpu na kpu ayeke na ndo so avuko pitipiti.

Aye so Nzapa afa 9:2

Lo zi yanga ti kota du ni, mbeni guru alondo na ya ni si ayeke sigigi; guru ni akpa guru ti mbeni kota wâ, asara si le ti nduzu na le ti lâ avuko.