Joël 2:19 - Mbeti ti Nzapa - Tënë so amu fini

¹⁹ Lo kiri tënë na azo ti lo, lo tene: “Baa, mbi yeke kiri ti mu na ala *ble, fini vin nga na nzoni mafuta. Ala yeke wara ni gbani gbani alingbi na ala. Mbi yeke kiri ti sara si amara nde azia kamene na le ti ala pepe.

Joël 2:19 Iomraidhean Croise

Jérémie 31:12

Fade ala yeke ga, ala yeke dekongo na ngia na ndö ti hoto ti *Sion; yanga ti ala ayeke na ngia ti wara anzoni ye so KOTA GBIA ayeke mu na ala: ble, fini vin, mafuta, ataba, angasa na abagara. Fini ti ala ayeke duti tongana yaka so a tuku ngu daa; ala yeke kiri ti woko pepe.

Ezekiel 34:29

Mbi yeke mu na ala yaka so azo ama sango ni ndali ti nzoni lengo ti lo. Na ya ti kodro ni, fade azo ayeke kiri ti kui nzara pepe; amara nde ayeke kiri ti zia kamene na le ti ala pepe.

Ezekiel 36:15

Mbi yeke sara titene azo akiri ti zia kamene na le ti mo pepe, mo yeke kiri ti ma azongango ndo ti amara nde pepe. Mo yeke sara titene azo ti mara ti mo akiri ati pepe. So tënë ti yanga ti Kota Gbia NZAPA laa.”

Ezekiel 36:29

Mbi yeke zi ala na ya ti *asioni ti ala kue. Mbi yeke kiri ti tokua nzara na ya ti kodro ti ala pepe, me mbi yeke sara titene le ti kobe asigigi si ale gbani gbani.

Ezekiel 36:30

Mbi yeke sara titene akeke ti ala na akobe ti yaka ti ala ale gbani gbani. Tongaso si kamene ayeke kiri ti sara ala pepe ndali ti nzara na popo ti amara nde.

Ezekiel 39:29

Mbi yeke kiri ti honde le ti mbi na ala pepe, ngbanga ti so mbi tokua yingo ti mbi na ndö ti azo ti Israel awe. So tënë ti yanga ti Kota Gbia NZAPA laa.”

Osée 2:15

Mbi yeke ga ti kiri peko ti sioni na lo ndali ti ye so lo sara na ngoi so lo yeke zö dukani na anzapa *Baal, lo yeke yu bage na aye ti mê na aye ti go si lo yeke kpe na peko ti andeko ti lo ni; me ti mbi, be ti lo ayeke girisa na mbi. – So tënë ti yanga ti KOTA GBIA laa.

Osée 2:21

Fade mo yeke duti wali so mbi mu mo titene mo ga wali ti mbi kpu na kpu. Ye so mbi yeke ka na peko ti mo ayeke ye ti mbirimbiri nga na ndia, yengo tere nga na nzoni be.

Osée 2:22

Biani, ye so mbi yeke ka na peko ti mo ayeke batango tënë ti yanga ti mbi. Tongaso fade mo yeke hinga so mbi yeke KOTA GBIA.

Joël 1:10

Ayaka abuba kue awe, sese ayeke na mawa. *Ble abuba kue awe, fini vin ayeke daa mbeni pepe, nzoni mafuta ahunzi awe.

Joël 2:24

Fade ya ti agogoro ayeke si singo na ble, akota tawa ayeke si singo na fini vin nga na nzoni mafuta.

Awayango-sandaga 26:5

Na ndo ti ala, fade ala yeke ngba ti pika ale ti kobe ngbii asi na ngoi ti fango ale ti *vinye; ala yeke ngba ti fâ ale ti vinye ngbii asi na ngoi ti lungo ale ti kobe. Ala yeke te kobe, ya ti ala asi si mbeni ye ti sioni ti sara ala ayeke daa pepe.

Zakarii 8:12

Biani, fade mbi yeke sara si siriri amu ndö ti sese kue, akeke ti *vinye ayeke le, sese ayeke du ale ti kobe, yayu ayeke tokua ngu-Nzapa. Mbi yeke mu anzoni ye so na tanga ti azo ti Israel so angba titene aga ye ti ala.

Matthieu 6:33

Ala gi lege ti *Kodro-gbia ti Nzapa kozoni, ala sara nga ye so ayeke mbirimbiri na le ti lo; fade lo yeke mu na ala tanga ti aye kue na ndö ni.

Ndia ti fani use ni 11:14

fade lo yeke sara titene ngu-Nzapa apika na ndö ti sese ti ala na ngoi ni so alingbi: ngu-Nzapa ti kozo ngoi na ngu-Nzapa ti ndangba ngoi. Tongaso, fade ala yeke wara anzoni le ti kobe, *ble, fini vin na mafuta.

Ruth 1:6

Kâ na sese ti Moab, Noemi ama a tene, *KOTA GBIA aga ti sara nzoni na azo ti lo si ala wara kobe ti tengo ni. Tongaso, Noemi na awali ti amolenge ti lo aleke tere ti ala ti zia sese ti Moab, ti kiri na sese ti Juda.