Joël 2:16 - Mbeti ti Nzapa - Tënë so amu fini

¹⁶ ala bongbi azo ti kodro, ala iri azo ti bongbi ndali ti Nzapa. Ala bongbi ambakoro, ala bongbi amaseka nga na akete molenge so angba ti nyon me. Ayeke nzoni koli na wali so amu tere fini ni alondo na ya ti kubu ti ala asigigi.

Joël 2:16 Iomraidhean Croise

2 Mbai 20:13

Azo ti Juda kue aluti na dawa ti KOTA GBIA, ala na awali ti ala na amolenge ti ala.

2 Mbai 29:5

Lo tene na ala, lo tene: “Ala azo ti mara ti Lévi, ala ma mbi si! Fadeso, ala zia tere ti ala nde ndali ti Nzapa, ala zia nga kota da ti KOTA GBIA, Nzapa ti akotara ti ala nde ndali ti Nzapa. Aye so kue ayeke *sioni na ya ti da so ayeke nde si ayeke nzoni kue so, ala zi ni.

2 Mbai 30:17

Na ya ti bongbi ti azo ni, azo mingi ade ti *sukula sioni ti ala pepe. Tongaso ala lingbi pepe ti zia ambeni sandaga nde ndali ti KOTA GBIA. Nilaa azo ti mara ti Lévi afâ anyama ni ndali ti matanga ti Pake na plase ti azo so ayeke *nzoni pepe so.

2 Mbai 30:19

azo so kue azia be ti ala ti gi mo Nzapa, KOTA GBIA, Nzapa ti akotara ti ala, ataa so ala sukula sioni ti ala pepe ti zia aye nde ndali ti mo.”

2 Mbai 35:6

Alingbi ala fâ anyama ndali ti matanga ti Pake; nilaa alingbi ala *sukula sioni ti ala si ala leke anyama ni ndali ti a-ita ti ala, azo ti Israel; ala sara ye alingbi na tënë ti KOTA GBIA, tënë so lo tene na lege ti Moïse.”

Mbeti ti Job 1:5

Tongana amatanga ni ahunzi awe, Job ayeke iri amolenge ti lo ni ti ga titene lo *sukula sioni ti ala. Na ndade ni, lo yeke londo na kota ndaperere si lo mu *sandaga so a yeke gbi ni kue na wâ ndali ti zo oko oko. Lo yeke tene na be ti lo, lo tene: “Mbi hinga pepe, amolenge ti mbi asara siokpari, wala ala zonga Nzapa na be ti ala.” Ye so Job ayeke sara lakue laa!

Abia (Psaumes) 19:5

Me fango ye ti ala ague, asi na azo ti sese kue, tënë ti ala ague ngbii asi na azo ti dunia kue. Kâ na nduzu, Nzapa aleke mbeni ndo titene lâ aduti daa.

Sigingo 19:10

KOTA GBIA akiri atene na Moïse: “Gue na mbage ti azo ni, mo tene na ala titene ala *sukula sioni ti ala laso nga na kekereke; ala sukula nga abongo ti ala.

Sigingo 19:15

Na pekoni, lo tene na azo ni, lo tene: “Ala leke tere ti ala ndali ti ota lango ni. Ala bongbi na wali ti ala pepe.”

Sigingo 19:22

Ataa awayango-sandaga so ayeke ga nduru na tere ti mbi, ayeke nzoni ala sukula sioni ti ala si. Tongaso pepe, fade mbi yeke sara titene azo mingi na popo ti ala akui.”

Joël 1:14

Ala mu yanga titene azo azia mbeni lango nde ti ke kobe ti sambela Nzapa; ala iri azo ti bongbi ti voro Nzapa; ala bongbi *akangba na azo ti kodro kue na ya ti da ti *KOTA GBIA, Nzapa ti ala, ala dekongo na lo.

Matthieu 21:16

Ala tene na Jésus: “Mo ma tënë so ala yeke tene so?” Jésus akiri tënë na ala: “Mbi ma ni. Ala de ti diko tënë so Mbeti ti Nzapa atene so pepe? Mbeti ti Nzapa atene: ‘Mo sara si abia ti gondango mo asigigi na yanga ti akete molenge nga na yanga ti ala so angba ti nyon me.’”

Matthieu 9:15

Jésus akiri tënë na ala: “Azo so a tisa ala na matanga ti mungo tere ti koli na wali, fade ala lingbi ti duti na vundu na ndembe so koli ni ade na popo ti ala? Oko pepe! Me ambeni lango ayeke ga so fade a yeke mu koli ni na popo ti ala, a hon na lo; na ngoi ni so laa fade ala yeke ke kobe.

1 Korente 7:5

Ala gbanzi tere ti ala na ndö ti gbogbo pepe, gi tongana ala ma tere na ya ti mbeni kete ngoi ti sambela. Na pekoni, ala kiri ti duti tongana ti kozo; tongaso pepe, fade ala yeke na ngangu ti kangango nzara ti tere pepe si Satan awara lege ti handango ala.

Josué 7:13

Londo, mo leke azo ni titene ala zia tere ti ala nde ndali ti Nzapa. Fade mo tene na ala: ‘Ala zia tere ti ala nde ndali ti Nzapa ti ku na lango ti kekereke. Biani, tënë so KOTA GBIA, Nzapa ti Israel atene ayeke so: Aye so mbi ke na ala ti mu so ayeke na popo ti ala. Ala lingbi ti gbu le ni na awato ti ala pepe, ngbii ala zi aye ni na popo ti ala si.

Josué 8:35

Josué adiko atënë ti Ndia ti Moïse na dawa ti bongbi ti azo ti Israel kue, na awali, amolenge nga na awande so ayeke na popo ti ala; lo girisa mbeni tënë oko daa pepe.

1 Samuel 16:5

Samuel akiri tënë: “Een, mbi ga ti mu sandaga na KOTA GBIA. Ala zia tere ti ala nde ndali ti Nzapa, ala ga, e gue, e mu sandaga ni.” Samuel azia Yese na amolenge ti lo nde ndali ti Nzapa si lo iri ala titene ala ga aduti na matanga ti mungo sandaga ni.