Joël 2:15 - Mbeti ti Nzapa - Tënë so amu fini

¹⁵ Ala huru didi na ndö ti hoto ti *Sion, ala mu yanga titene azo azia mbeni lango nde ti ke kobe ti sambela Nzapa; ala iri azo ti bongbi ti voro Nzapa,

Joël 2:15 Iomraidhean Croise

1 Agbia 21:12

Ala to mbela na ya ti gbata ni titene azo ake kobe ti sambela. Ala zia Nabot aduti na li ni na ya ti bongbi ni.

1 Agbia 21:9

Tënë ti ya ti ambeti ni ayeke so: “Ala bongbi azo ti gbata ni titene ala ke kobe ti sambela. Ala mu Nabot, ala zia lo titene lo duti na li ni na ya ti bongbi ni.

2 Agbia 10:20

Ndani laa Yehu atene: “Ayeke nzoni ala iri kota bongbi so a zia ni nde ndali ti nzapa Baal.” Azo ni airi bongbi ni

Ésaïe 1:13

Ala zia mbi na abuba sandaga ti ala ni; be ti mbi ake dukani ti ala mingi. Amatanga ti fini nze, amatanga ti wungo tere na abongbi nde nde, mbi ye ti kiri ti ma tënë ni na mê ti mbi pepe. Sarango amatanga na sarango siokpari, ala bongbi ni kue gi oko, mbi lingbi ti yeda na ni tongana nyen?

Jérémie 36:9

Biani, na nze gumbaya ni, na ngu oku ni so Yoakim, molenge ti Yosias, ayeke gbia ti Juda, a to mbela na azo ti Jérusalem kue nga na azo so kue alondo na ya ti agbata ti Juda si aga na Jérusalem ti ke kobe na dawa ti KOTA GBIA.

Joël 1:14

Ala mu yanga titene azo azia mbeni lango nde ti ke kobe ti sambela Nzapa; ala iri azo ti bongbi ti voro Nzapa; ala bongbi *akangba na azo ti kodro kue na ya ti da ti *KOTA GBIA, Nzapa ti ala, ala dekongo na lo.

Joël 2:1

Ala huru didi na ndö ti hoto ti *Sion, ala dekongo ngangu na ndö ti hoto ti mbi so ayeke nde si ayeke nzoni kue so! Ala azo ti kodro, ayeke tere ti ala ado, ngbanga ti so *lango ti KOTA GBIA ayeke ga, lango ni aga nduru awe.

Wungo ti azo 10:3

Tongana a huru atatalita use kue, bongbi ti azo ti Israel kue ayeke bongbi na tere ti mo, nduru na yanga ti da ti bongo so KOTA GBIA na azo ti lo ayeke wara tere daa.