Joël 2:11 - Mbeti ti Nzapa - Tënë so amu fini

¹¹ Na dawa ti aturugu ti lo, KOTA GBIA asara si azo ama go ti lo. Aturugu so ayeke ma yanga ti lo ayeke gbani gbani si ala yeke na ngangu. Biani, lango ti KOTA GBIA ayeke kota lango mingi, lango so ayeke zia kota mbeto na be ti zo. Zo wa laa alingbi ti kanga be ti lo na ni, zo wa?

Joël 2:11 Iomraidhean Croise

Abia (Psaumes) 18:14

Na yayu kâ, KOTA GBIA asara si bekpa asungba; Nzapa so ayeke na yayu kâ na ndö ti aye kue asara si go ti lo atoto ngangu, apembe ti bekpa na ale ti wâ atuku kirikiri.

Abia (Psaumes) 46:6

Nzapa ayeke na ya ti gbata ni; mbeni ye alingbi ti kinda ni oko pepe. Na ndaperere, kozoni si lâ asigigi, Nzapa ayeke ga ti mu maboko na azo ti gbata ni.

Abia (Psaumes) 68:18

Apusu ti mbarata ti Nzapa ayeke kutu mingi. Kota Gbia ayeke na popo ti ala, lo yeke na ndo ti lo so ayeke nde si ayeke nzoni kue, tongana ti so lo yeke lani na hoto ti Sinai.

Ésaïe 13:4

Ala ma go ti azo na ndö ti hoto, go ni ayeke tongana go ti gba ti azo. Ala ma wusuwusu na ya ti akodro-gbia, amara nde so abongbi ayeke sara wusuwusu. KOTA GBIA so ayeke na ndö ti dunia kue ayeke hon ti baa aturugu ti lo oko na oko so ayeke gue ti tiri bira.

Ésaïe 42:13

KOTA GBIA ayeke sigigi tongana kpengba turugu; lo yeke tongana zo ti tiringo bira so nzara ti tiringo bira ayeke kporo kporongo na be ti lo. Lo dekongo ti bira, lo dekongo ngangu si lo hon ndö ti awato ti lo.

Ésaïe 7:18

Na lango ni so, fade *KOTA GBIA ayeke huru yanga ti lo ti iri avuma so ayeke yongoro kâ, na ndo so kota *bale ti Ezipte ayeke tuku na ya ti kota ngu-ingo; lo yeke iri nga awotoro so ayeke na sese ti Asirii.

Jérémie 25:30

KOTA GBIA akiri atene na mbi: “Mo tene peko ti atënë ti yanga ti mbi so kue na ala, mo tene: Na nduzu kâ, KOTA GBIA atoto ngangu tongana bamara; na ya ti da so a zia nde ndali ti lo, lo sara si azo ama go ti lo. Lo yeke toto tongana bamara na ndö ti sese so ayeke ti lo. Lo yeke dekongo na ndö ti azo ti kodro ni kue tongana azo so ayeke ko ale ti *vinye ti sara na vin.

Jérémie 30:7

So ye ti vundu ti nyen! So ayeke kota lango mingi; mbeni lango ti lingbi na ni ayeke daa pepe! So ayeke lango ti kota vundu ndali ti *ahale ti Jacob! Me fade ala yeke soo kuâ.”

Jérémie 50:34

Me wagbungo-koko ti ala ayeke ngangu; iri ti lo ayeke ‘KOTA GBIA so ayeke na ndö ti dunia kue’. Fade lo yeke gbu koko ti ala ngangu ti sara si sese ni awara siriri si azo ti Babilone ado na mbeto.”

Ezekiel 22:14

Na lango so mbi yeke londo ti ga na tere ti ala, fade ala yeke kanga be ti ala? Ala yeke gbu le ni? Mbi KOTA GBIA, mbi tene tënë awe; mbi yeke sara ye ni.

Joël 1:15

Ae! So lango ti nyen? *Lango ti KOTA GBIA aga nduru awe, lango ni ayeke tongana mbeni kota kpale so ayeke buba ndo kue; alondo na lo so ngangu ti lo ahon angangu kue.

Joël 1:6

Agbadola gbani gbani amu ya ti kodro ti e kue; ala yeke ngangu mingi, zo alingbi ti diko wungo ti ala pepe. Pembe ti ala ayeke tongana ti bamara, bio ti ngbangba ti ala ayeke tongana ti mama ti bamara.

Joël 2:1

Ala huru didi na ndö ti hoto ti *Sion, ala dekongo ngangu na ndö ti hoto ti mbi so ayeke nde si ayeke nzoni kue so! Ala azo ti kodro, ayeke tere ti ala ado, ngbanga ti so *lango ti KOTA GBIA ayeke ga, lango ni aga nduru awe.

Joël 2:2

Lango ni ayeke lango ti vukongo ndo, lango so ndo avuko pitipiti; lango ti ambinda na lango ti vuko mbinda. Baa, agbadola gbani gbani ayeke ga, ala yeke na ngangu, ala yeke tongana vukongo ndo so ayeke mu ndö ti ahoto kue. Ade zo abaa mara ti ye tongaso laoko pepe, zo ayeke kiri ti baa ni laoko pepe, ngbii asi na azo so ayeke du ala gbanda na peko, yongoro kâ.

Joël 2:25

KOTA GBIA atene: “Lani mbi tokua gba ti akete nyama ti bubango ye na tere ti ala si ala te akobe ti ala: angadi, akinda-gozo, akete gbadola na akota gbadola. Fadeso mbi yeke kiri na ala aye so anyama ni abuba na ya ti angu so ahon so.

Amos 1:2

Amos atene: “Ti londo na hoto ti *Sion, KOTA GBIA ayeke toto tongana bamara; ti londo na Jérusalem, lo dekongo ngangu. Apere ti awabatango-nyama ahole kue awe, ndö ti hoto ti Karmel ahole kasakasa.”

Amos 5:18

Mawa na ala, azo so ayeke ku *lango ti KOTA GBIA! Nzoni ye ti nyen laa ala yeke wara na lango ti KOTA GBIA ni nyen? Lango ni ayeke duti lango ti vukongo ndo, me lango ti lumiere pepe.

Amos 5:20

Lango ti KOTA GBIA ni ayeke duti ande lango ti lumiere? – Oko pepe! Me ayeke duti lango ti vukongo ndo, lango so ndo avuko pitipiti, lango so lumiere ayeke daa kete pepe!

Abdias 1:15

Biani, lango ni aga nduru awe, lango so *KOTA GBIA ayeke fâ ngbanga na li ti amara kue. Ye so mo sara na azo, gi ni laa a yeke sara ande na mo. Fade asioni sarango ye ti mo ayeke kiri na li ti mo wani.”

Nahum 1:6

Tongana lo sara ngonzo, zo wa laa ayeke luti na le ti lo, zo wa? Tongana ngonzo ti lo alondo tongana wâ, zo wa laa ayeke ngba na fini, zo wa? Ngonzo ti lo ayeke gbi ye kue tongana ti so kota wâ ayeke gbi ye kue; ya ti akota têne ayeke suru na dawa ti lo.

Malashii 3:2

Zo wa laa alingbi ande ti kanga be ti lo na lango ti gango ti lo, zo wa? Zo wa laa alingbi ti ngba na nduzu na ndembe ti singo ti lo, zo wa? Biani, lo yeke tongana wâ ti matawa wala tongana mokpakpa ti zo ti sukulango bongo.

Wungo ti azo 24:23

Ti hunzi na ni, Balaam adiko bia so, lo tene: “Ae azo! Tongana Nzapa ayeke londo ti sara ye, zo wa laa alingbi ti ngba na fini, zo wa?

1 Tesalonike 4:16

Fade Nzapa ayeke mu yanga na kota go, azo ayeke ma go ti makonzi ti *a-ange nga na tatalita ti Nzapa. Tongaso, Kota Gbia wani ayeke londo na yayu ti zu. Azo so ama na be na Christ si akui so, ala laa ayeke zingo na kuâ kozo.

Aye so Nzapa afa 18:8

Ndani laa, gi na ya ti lango oko, fade aye ti sioni so a leke ndali ti lo ayeke si na lo: kuâ, mua na kota nzara. Fade wâ ayeke gbi lo, ngbanga ti so Kota Gbia, Nzapa so ayeke na ngangu afâ ngbanga na li ti lo awe.”

Aye so Nzapa afa 6:17

Biani, kota lango ti ngonzo ti ala asi awe; zo wa laa alingbi ti ngba na fini, zo wa?”