Joël 1:8 - Mbeti ti Nzapa - Tënë so amu fini

⁸ Ala azo, ala dema tere ti ala tongana maseka-wali so ayu bongo ti mua si lo yeke toto kuâ ti koli ti lo ti maseka.

Joël 1:8 Iomraidhean Croise

Amato 2:17

Lo do koli ti lo ti maseka, lo zia; tongaso lo buba lege ti *mbuki na Nzapa ti lo.

Ésaïe 22:12

Na lango ni so, Kota Gbia, NZAPA so ayeke na ndö ti dunia kue, airi ala ti toto, ti dema tere, ti kio kua ti li ti ala, ti yu bongo ti mua.

Ésaïe 32:11

Ala awali so ye ti songo ala ayeke daa pepe so, alingbi ala do na mbeto. Ala awali so abaa tere ti ala atene, ala lingbi awe so, alingbi tere ti ala ado, ala zi bongo na tere ti ala, tere ti ala angba ndumbu, ala kanga bongo ti mua na ngbonda ti ala.

Jérémie 3:4

Ti fadeso, kamene asara mo pepe ti iri mbi: “Babâ ti mbi, mo so mbi mu be ti mbi na mo na ndembe so mbi de molenge!

Abia ti demango tere 1:4

Alege ti guengo na *Sion ade dengo; ala kue ayeke na mua; zo ti gue na matanga ti Nzapa ayeke daa pepe. Ayanga ti gbagba ti gbata ni abuba kue; awayango-sandaga ayeke dema gi demango. Amaseka-wali ti gbata ni angba na vundu; be ti azo ti gbata ni afâ si ala duti na ya ti kota mawa.

Amos 8:10

Fade mbi yeke sara si amatanga ti ala aga ngoi ti vundu; abia ti ala ayeke ga abia ti totongo kuâ. Fade mbi yeke sara si azo kue ayeke yu bongo ti mua si ala yeke kio kua ti li ti ala; mbi yeke sara si ala yeke sara mua tongana ti so a yeke sara mua ndali ti oko molenge ti ya ti sewa so akui. Na lango ni so, fade aye so kue ayeke hunzi na ya ti mawa.”

Malashii 2:15

Mbeni zo so li ti lo ayeke daa kete asara mara ti ye tongaso pepe. Gi mbeni zo oko si asara ando ni; me lo sara ni ngbanga ti nyen? Lo sara ni ngbanga ti so lo yeke gi ti wara molenge so Nzapa atene tënë ti mungo lo na lo so. Ala sara hange! Ala bata fini ti ala. Zo oko abuba lege ti mbuki ti lo na wali ti lo ti maseka pepe!

Jacques 5:1

Ala azo ti mosoro, ala ma si! Ala dekongo, ala toto ndali ti pasi so ayeke ga ande na ndö ti ala!