Joël 1:7 - Mbeti ti Nzapa - Tënë so amu fini

⁷ Ala sara si akeke ti *vinye ti e ahole kue kue kue, ala buba akeke ti fige ti e kue. Ala zi poro ti tere ti akeke ni kue, ala kinda akeke ni na sese, amaboko ni ahole kue.

Joël 1:7 Iomraidhean Croise

Abia (Psaumes) 105:33

Lo buba ayaka ti vinye na akeke ti fige ti ala, lo kungbi akeke so ayeke na sese ti ala.

Sigingo 10:14

Agbadola ni amu ya ti Ezipte kue, ala duti na ndo kue. Ala wu ahon ndoni: kozoni, azo ti Ezipte ade ti baa mara ti gba ti agbadola tongaso laoko pepe; ala yeke kiri ti baa mara ni tongaso laoko pepe.

Sigingo 10:15

Agbadola ni amu ndö ti sese kue si ndö ti sese ni avuko vukongo. Ala te apere ti kodro ni kue nga na ale ti keke so kue angba na peko ti pembe ti bekpa. Na ya ti kodro ti Ezipte kue, mbeni kugbe oko angba na li ti akeke pepe, na ndo kue; mbeni kugbe ti kasa oko angba na yaka pepe.

Ésaïe 24:7

Fini vin ayeke na mua, keke ti *vinye ahole kue; azo so kue be ti ala ayeke lani na ngia, ala yeke dema fadeso.

Ésaïe 32:12

Ala zia maboko na ndö ti go ti ala ti fa vundu ti be ti ala, ala toto ndali ti apendere yaka ti ala, ndali ti akeke ti vinye so lani ayeke le mingi so,

Ésaïe 5:6

Fade mbi yeke zia yaka ni aga ngonda; zo ti fango *aguruma ni ayeke daa pepe, zo ti sukulango gbe ni ayeke daa pepe; aki na asioni kamba ti aki ayeke suku amu ndö ni kue. Fade mbi yeke mu yanga na ambinda ti gbanzi ngu ti pika na ndö ti yaka ni.”

Jérémie 8:13

“So tënë ti yanga ti KOTA GBIA laa: Mbi yeke fâ ala ti hunzi ala; ale ti *vinye ayeke na tere ti keke ti vinye mbeni pepe; ale ti fige ayeke na tere ti keke ti fige mbeni pepe; akugbe ni ahole awe. Ye so mbi mu lani na ala, ala do na gbe ti gere ti ala.”

Osée 2:12

Fadeso, mbi yeke fa tere ti lo so angba ndumbu so na le ti andeko ti lo; zo oko ti zi lo na maboko ti mbi ayeke daa pepe.

Joël 1:12

Akeke ti vinye ahole awe, akeke ti fige akui awe; keke ti grenade, keke ti mburu na keke ti pome, akeke ti yaka kue ahole awe. Ngia ahunzi awe na popo ti azo.

Amos 4:9

“Mbi tokua asioni kobela na tere ti ale ti kobe ti ala; ale ti kobe ni ahole gi na nduzu si afun. Akete yaka ti ala kue na ayaka ti *vinye ti ala, ayaka ti fige ti ala na ayaka ti olive ti ala, agbadola ate ni kue. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Habakuk 3:17

Biani, akeke ti fige akiri ale pepe, akeke ti *vinye akiri adu alengo ni pepe, akeke ti olive akiri adu alengo ni pepe, ayaka akiri amu kobe ti tengo ni na azo pepe. Na ya ti gbagba, ataba ayeke daa mbeni pepe, na ya ti gbagba ti batango abagara, abagara ayeke daa mbeni pepe.

Malashii 3:11

Fade mbi yeke kanga lege na akete nyama so ayeke te akobe ti yaka ti ala titene anyama ni abuba akobe ti ala pepe; mbi yeke kanga lege si akeke ti *vinye ti ala so ayeke le pepe so, akiri ale. Tënë so KOTA GBIA so ayeke na ndö ti dunia kue atene laa.