Joël 1:4 - Mbeti ti Nzapa - Tënë so amu fini

⁴ Ye so ngadi azia, kinda-gozo ate ni kue; ye so kinda-gozo azia, kete gbadola ate ni kue; ye so kete gbadola azia, kota gbadola ate ni kue.

Joël 1:4 Iomraidhean Croise

1 Agbia 8:37

“Tongana kota nzara ati na ya ti kodro, tongana sioni kobela ti bubango kodro asi, tongana akobe ti yaka ahole si abuba kue, tongana agbadola na angadi atuku na ya ti kodro, tongana awato angoro agbata ti azo ti mo, azo ti Israel, ti mu na bira, wala mara ti sioni ye wa, wala mara ti kobela wa ati na ya ti kodro,

2 Mbai 6:28

“Tongana kota nzara ati na ya ti kodro, tongana sioni kobela ti bubango kodro asi, tongana akobe ti yaka ahole si abuba kue, tongana agbadola na angadi atuku na ya ti kodro, tongana awato angoro agbata ti azo ti mo, azo ti Israel ti mu na bira, wala mara ti sioni ye wa, wala mara ti kobela wa ati na ya ti kodro,

2 Mbai 7:13

Tongana mbi kanga le ti nduzu si ngu-Nzapa apika pepe, tongana mbi mu yanga na agbadola ti te aye ti kodro ni kue, wala mbi tokua sioni kobela ti bubango kodro na tere ti azo ti mbi,

Abia (Psaumes) 105:34

Nzapa amu yanga si angadi aga nga na agbadola so zo alingbi ti diko wungo ti ala pepe.

Abia (Psaumes) 78:46

Lo tokua angadi ti te ale ti kobe ti ala, lo tokua agbadola ti te aye ti peko ti kua ti ala.

Sigingo 10:4

Tongana mo ngba ti ke, kekereke, mbi yeke tokua agbadola na ndö ti sese ti mo.

Sigingo 10:5

Ala yeke mu ndö ti sese kue, asara si zo alingbi ti kiri ti baa sese ni pepe. Ala yeke te tanga ti akobe ti yaka so angba; akobe so *pembe ti bekpa abuba ni pepe so. Ala yeke te akugbe ti akeke so kue asigigi na yaka.

Ésaïe 33:4

Tongaso, azo ayeke ro aye na peko ti bira tongana ti so akete gbadola ayeke ro aye. Azo ayeke tuku na ndö ti aye ni tongana ti so agbadola ayeke tuku na ndö ti aye.

Jérémie 51:14

KOTA GBIA so ayeke na ndö ti dunia kue adeba na iri ti lo wani na Babilone, atene: “Mbi yeke sara si azo asi singo na ndo ti mo; ala duti gbani gbani tongana agbadola. Azo ni ayeke dekongo tongana azo so ayeke ko ale ti *vinye ti sara na vin.”

Jérémie 51:27

Ala azo, ala yo mbeni bendere na nduzu na ya ti kodro ni, ala huru didi na popo ti amara nde! Ala bongbi amara ti ga na tere ti Babilone; ala iri azo ti akodro-gbia ti Arara, ti Mini na ti Ashekenaz ti ga na tere ti lo. Ala mu ambeni turugu ti kota kamba azia ala titene ala mu aturugu na kua, tongaso si ala tiri bira na Babilone. Ala tokua ambarata gbani gbani tongana agbadola ti gue ti tiri bira na lo.

Joël 2:25

KOTA GBIA atene: “Lani mbi tokua gba ti akete nyama ti bubango ye na tere ti ala si ala te akobe ti ala: angadi, akinda-gozo, akete gbadola na akota gbadola. Fadeso mbi yeke kiri na ala aye so anyama ni abuba na ya ti angu so ahon so.

Amos 4:9

“Mbi tokua asioni kobela na tere ti ale ti kobe ti ala; ale ti kobe ni ahole gi na nduzu si afun. Akete yaka ti ala kue na ayaka ti *vinye ti ala, ayaka ti fige ti ala na ayaka ti olive ti ala, agbadola ate ni kue. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Amos 7:1

Ye so Kota Gbia NZAPA afa na mbi si mbi baa ni ayeke so: lo ngba ti leke gba ti agbadola. Andaa na ngoi ni so pere ato nda ti sigingo ni na peko ti so azo afâ kozo pere ni ti mu na gbia.

Malashii 3:11

Fade mbi yeke kanga lege na akete nyama so ayeke te akobe ti yaka ti ala titene anyama ni abuba akobe ti ala pepe; mbi yeke kanga lege si akeke ti *vinye ti ala so ayeke le pepe so, akiri ale. Tënë so KOTA GBIA so ayeke na ndö ti dunia kue atene laa.

Ndia ti fani use ni 28:38

Fade ala fâ yaka si ala lu ale ti kobe daa mingi, me ala yeke wara ale ti kobe ni gi kete, ngbanga ti so agbadola ate ni kue awe.

Ndia ti fani use ni 28:42

Fade agbadola ayeke te akeke ti ala kue nga na akobe ti ayaka ti ala kue.