Joël 1:2 - Mbeti ti Nzapa - Tënë so amu fini

² Ala *akangba, ala ma tënë so! Ala azo so alango na Juda, ala zi mê ti ala, ala ma tënë so si! Mara ti ye tongaso asi na ngoi ti ala, wala na ngoi ti akotara ti ala awe?

Joël 1:2 Iomraidhean Croise

Mbeti ti Job 12:12

Ndara ayeke ye ti ambakoro; hingango nda ti ye ayeke ti azo so ate gigi aninga.”

Mbeti ti Job 15:10

Na popo ti e ge, mbeni kangba ayeke daa; mbeni mbakoro ayeke daa so ngu ti lo ahon ngu ti babâ ti mo!

Mbeti ti Job 21:7

Azo ti sioni angba ti duti na fini ngbanga ti nyen? Ala yeke ga mbakoro si komandema ti ala ayeke gue guengo na nduzu ngbanga ti nyen?

Mbeti ti Job 8:8

Mo hunda azo so ayeke kozo ti e; mo dingi mê ti mo, mo ma ye so akotara ti ala asara ando.

Abia (Psaumes) 49:1

Bia ti azo ti Kore; bia so ayeke ndali ti makonzi-bia.

Ésaïe 34:1

Ala amara nde, ala ga nduru ge, ala ma tënë! Ala azo ti dunia kue, ala dingi mê ti ala, ala ma tënë! Ayeke nzoni sese na aye so kue ayeke na ndö ni ama tënë, dunia na aye so kue ayeke sigigi daa ama tënë.

Ésaïe 7:17

Ti mo, na azo ti mo na azo ti sewa ti mo, fade KOTA GBIA ayeke sara titene ambeni lango ti kpale aga na ndö ti ala. Alango ni ayeke duti ande alango so zo ade abaa ni laoko pepe, ti londo na ngoi so Israel na Juda akangbi. Ye so aye ti sara tënë ti gbia ti Asirii.”

Jérémie 30:7

So ye ti vundu ti nyen! So ayeke kota lango mingi; mbeni lango ti lingbi na ni ayeke daa pepe! So ayeke lango ti kota vundu ndali ti *ahale ti Jacob! Me fade ala yeke soo kuâ.”

Jérémie 5:21

Ala ma tënë so, ala abuba zo so li ti ala ayeke daa pepe so. Ala yeke na le, me ala baa ndo pepe; ala yeke na mê, me ala ma ndo pepe.

Daniel 12:1

“*Ange ni akiri atene na mbi: ‘Na ngoi ni kâ, Michel, kota makonzi ti a-ange so ayeke bata azo ti mara ti mo ayeke si. Fade ngoi ni ayeke duti ngoi ti ngangu. Ti londo na ngoi so amara nde abaa gigi ngbii asi na lâ ni kâ, mara ti ngoi so ade ti duti daa laoko pepe. Na ngoi ni so, fade azo ti mara ti mo, ala so a su iri ti ala na mbeti ti fini, ayeke soo kuâ.

Osée 4:1

Azo ti Israel, ala ma tënë ti *KOTA GBIA: KOTA GBIA ayeke na ngbanga na azo ti kodro, ngbanga ti so na ya ti kodro ni, tenengo taa-tënë ayeke daa pepe, ndoye ayeke daa pepe, hingango Nzapa ayeke daa pepe.

Osée 5:1

*KOTA GBIA atene: “Ala awayango-sandaga, ala ma tënë so, ala azo ti Israel, ala duti kpoo, ala ma tënë so, ala asewa ti gbia, ala dingi mê ti ala, ala ma tënë so: ala laa alingbi fade ti fâ ngbanga mbirimbiri, me kâ na Mispa, ala ga tongana kuku, ala ga tongana gbanda so a zia na ndö ti hoto ti Tabor;

Joël 1:14

Ala mu yanga titene azo azia mbeni lango nde ti ke kobe ti sambela Nzapa; ala iri azo ti bongbi ti voro Nzapa; ala bongbi *akangba na azo ti kodro kue na ya ti da ti *KOTA GBIA, Nzapa ti ala, ala dekongo na lo.

Joël 2:2

Lango ni ayeke lango ti vukongo ndo, lango so ndo avuko pitipiti; lango ti ambinda na lango ti vuko mbinda. Baa, agbadola gbani gbani ayeke ga, ala yeke na ngangu, ala yeke tongana vukongo ndo so ayeke mu ndö ti ahoto kue. Ade zo abaa mara ti ye tongaso laoko pepe, zo ayeke kiri ti baa ni laoko pepe, ngbii asi na azo so ayeke du ala gbanda na peko, yongoro kâ.

Amos 3:1

Ala azo ti Israel, ala azo ti sewa so *KOTA GBIA asara si ala sigigi na Ezipte, ala ma tënë so lo tene na tere ti ala, lo tene:

Amos 4:1

Ala awali ti gbata ti Samarii, ala so akono tongana amama ti bagara ti Bashan so, ala ma tënë so: ala yeke te ye ti azo ti mawa na mbana, ala yeke sara pasi na awayere. Na pekoni, ala yeke tene na akoli ti ala: “Ala ga na samba, e nyon-oo!”

Amos 5:1

Azo ti Israel, ala ma tënë so: mbi ye ti he bia ti totongo kuâ so na ndö ti ala.

Mishe 1:2

Ala amara kue, ala ma si! Mo, sese na aye so kue ayeke na ndö ti mo, ala dingi mê ti ala, ala ma si! Ti londo na da ti lo so ayeke nde si ayeke nzoni kue, Kota Gbia NZAPA ayeke ga ti bi tënë na li ti ala.

Mishe 3:1

Nilaa mbi tene: “Ala amakonzi ti *ahale ti Jacob, ala azo so ayeke na li ti azo ti Israel, ala ma si! Ala laa alingbi fade ti hinga fango ngbanga na lege ti ndia pepe?

Mishe 3:9

Ala amakonzi ti *ahale ti Jacob, ala azo so ayeke na li ti azo ti Israel, ala ma tënë so! Be ti ala ke tënë ti fango ngbanga ti mbirimbiri, ala yeke buba tënë ti fango ngbanga na lege ti ndia.

Matthieu 13:9

Jésus akiri atene: “Zo so ayeke na mê ti mango ndo, ayeke nzoni lo ma tënë so!”

Matthieu 24:21

ngbanga ti so, fade pasi ni ayeke duti kota mingi. Ngbene ye na tongo nda ti dunia ngbii asi fadeso, zo ade ti baa mara ti pasi tongaso laoko pepe. Na pekoni, fade zo ayeke kiri ti baa mara ti pasi so oko pepe.

Aye so Nzapa afa 2:7

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize! “Zo so aso benda, fade mbi yeke mu na lo lege ti te le ti keke so ayeke mu fini na zo si ayeke na ya ti *paradi ti Nzapa.”