Joël 1:18 - Mbeti ti Nzapa - Tënë so amu fini

¹⁸ Anyama ayeke dema mingi! Abagara atomboka kirikiri, ngbanga ti so ala wara pere ti tengo ni pepe. Ataa ataba, ala yeke baa nga pasi.

Joël 1:18 Iomraidhean Croise

1 Agbia 18:5

Akab atene na Obadia: “Ga, e fono na ya ti kodro ni, e baa ali ti ngu kue, e baa nga ando so kue ngu ayeke sua daa. E hinga pepe, fade e yeke wara pere ndali ti ambarata na *apâkârâ ti e, tongaso si e bata ala si e fâ ambeni nyama ni pepe.”

1 Agbia 8:5

Gbia Salomon na azo ti Israel so kue abongbi na tere ti lo na dawa ti sanduku ni, amu gba ti ataba na angasa nga na gba ti abagara na *sandaga; zo alingbi ti diko ala pepe wala ti hinga wungo ti ala pepe.

Jérémie 12:4

Kodro ni ayeke ngba na mua ngbii asi lawa? Apere ti ayaka kue ayeke ngba ti hole ngbii asi lawa? Ndali ti sioni ti azo ti kodro ni, anyama na andeke ayeke kui kue. Azo ni ayeke tene: “Jérémie ayeke hunzi kozo ti e.”

Osée 4:3

Ndani laa fade ndo ayeke hole kue na ya ti kodro ni, azo ti kodro ni kue ayeke nge ngengo, ala, na anyama ti ngonda na andeke ti nduzu; ataa asusu ti kota ngu-ingo ayeke hunzi kue.

Joël 1:20

Ataa anyama ti ngonda abaa ndo na mbage ti mo, ngbanga ti so ngu so ayeke sua ahole kue awe; wâ agbi apere kue ti ngonda.

Amos 1:2

Amos atene: “Ti londo na hoto ti *Sion, KOTA GBIA ayeke toto tongana bamara; ti londo na Jérusalem, lo dekongo ngangu. Apere ti awabatango-nyama ahole kue awe, ndö ti hoto ti Karmel ahole kasakasa.”

Habakuk 3:17

Biani, akeke ti fige akiri ale pepe, akeke ti *vinye akiri adu alengo ni pepe, akeke ti olive akiri adu alengo ni pepe, ayaka akiri amu kobe ti tengo ni na azo pepe. Na ya ti gbagba, ataba ayeke daa mbeni pepe, na ya ti gbagba ti batango abagara, abagara ayeke daa mbeni pepe.

Aggée 1:10

Ndani laa ngu-Nzapa ake ti pika si sese ake ti mu ale ti kobe.

Rome 8:22

Biani, e hinga so laso, aye ti dunia so kue Nzapa asara ayeke baa pasi si ala yeke dema tongana wali so ayeke du molenge.