Joël 1:15 - Mbeti ti Nzapa - Tënë so amu fini

¹⁵ Ae! So lango ti nyen? *Lango ti KOTA GBIA aga nduru awe, lango ni ayeke tongana mbeni kota kpale so ayeke buba ndo kue; alondo na lo so ngangu ti lo ahon angangu kue.

Joël 1:15 Iomraidhean Croise

Abia (Psaumes) 37:13

Me Kota Gbia ayeke he zo ti sioni na ngia, ngbanga ti so lo hinga lo tene, lango so alingbi na zo ti sioni aga nduru awe.

Jérémie 30:7

So ye ti vundu ti nyen! So ayeke kota lango mingi; mbeni lango ti lingbi na ni ayeke daa pepe! So ayeke lango ti kota vundu ndali ti *ahale ti Jacob! Me fade ala yeke soo kuâ.”

Jérémie 46:10

Me ti Kota Gbia NZAPA so ayeke na ndö ti dunia kue, lango ni so ayeke lango ti kiringo peko ti sioni na azo; lango so lo yeke kiri peko ti sioni na awato ti lo. Yongoro zeme aga tongana mbeni sioni nyama; lo yeke fâ azo ngbii nzara ni ahunzi, lo yeke nyon mene ti ala ngbii asara lo tongana samba. Na kodro ti Banga, na tere ti bale ti Efrate, so *sandaga na Kota Gbia NZAPA so ayeke na ndö ti dunia kue!

Ezekiel 30:3

Biani, lango ni ayeke ga, *lango ti KOTA GBIA aga nduru awe; lango ni ayeke duti lango so mbinda asara si ndo avuko vukongo. So ngoi ndali ti amara nde laa.

Joël 2:11

Na dawa ti aturugu ti lo, KOTA GBIA asara si azo ama go ti lo. Aturugu so ayeke ma yanga ti lo ayeke gbani gbani si ala yeke na ngangu. Biani, lango ti KOTA GBIA ayeke kota lango mingi, lango so ayeke zia kota mbeto na be ti zo. Zo wa laa alingbi ti kanga be ti lo na ni, zo wa?

Abdias 1:15

Biani, lango ni aga nduru awe, lango so *KOTA GBIA ayeke fâ ngbanga na li ti amara kue. Ye so mo sara na azo, gi ni laa a yeke sara ande na mo. Fade asioni sarango ye ti mo ayeke kiri na li ti mo wani.”

Sofonii 1:7

Ala azo, ala kai kpoo na dawa ti Kota Gbia NZAPA, ngbanga ti so *lango ti KOTA GBIA aga nduru awe. KOTA GBIA aleke mbeni *sandaga awe, lo iri azo ti tengo kobe ti sandaga ni si ala leke tere ti ala awe.

Jacques 5:9

A-ita, ala dema na iri ti amba ti ala pepe, tongaso si Nzapa afâ ngbanga na li ti ala pepe. Ala baa, wafango-ngbanga ayeke luti na yanga ti da!

Aye so Nzapa afa 6:17

Biani, kota lango ti ngonzo ti ala asi awe; zo wa laa alingbi ti ngba na fini, zo wa?”