Joël 1:14 - Mbeti ti Nzapa - Tënë so amu fini

¹⁴ Ala mu yanga titene azo azia mbeni lango nde ti ke kobe ti sambela Nzapa; ala iri azo ti bongbi ti voro Nzapa; ala bongbi *akangba na azo ti kodro kue na ya ti da ti *KOTA GBIA, Nzapa ti ala, ala dekongo na lo.

Joël 1:14 Iomraidhean Croise

2 Agbia 10:20

Ndani laa Yehu atene: “Ayeke nzoni ala iri kota bongbi so a zia ni nde ndali ti nzapa Baal.” Azo ni airi bongbi ni

2 Mbai 20:13

Azo ti Juda kue aluti na dawa ti KOTA GBIA, ala na awali ti ala na amolenge ti ala.

Néhémie 8:18

Na ya ti alango ni so oko oko kue, ti londo na kozo lango ti matanga ni ngbii asi na ndangba lango ni, mbeni zo ayeke diko mbeti ti Ndia ti Nzapa. Matanga ni asara lango mbarambara. Na lango miombe ni, ala sara mbeni kota bongbi ti hunzi na matanga ni tongana ti so ndia afa.

Esther 4:16

“Gue mo bongbi azuife so kue ayeke na Suze, mo tene na ala titene ala ke kobe ti sambela ndali ti mbi; bi na lâ na ya ti lango ota, ala te kobe pepe, ala nyon ngu pepe. Mbi nga, mbi na azo ti kua ti mbi ti wali, e yeke sara ande tongaso. Na pekoni, mbi yeke gue na tere ti gbia, ataa so ndia agbanzi lege ni; ti kuâ ni, mbi yeke kui!”

Jérémie 14:2

“Kodro ti Juda ayeke na mua, agbata ti lo ayeke ti tingo. Azo ni ayeke sara mua, ala duti na sese. Demango tere ti Jérusalem ague ngbii asi na yayu.

Jérémie 36:9

Biani, na nze gumbaya ni, na ngu oku ni so Yoakim, molenge ti Yosias, ayeke gbia ti Juda, a to mbela na azo ti Jérusalem kue nga na azo so kue alondo na ya ti agbata ti Juda si aga na Jérusalem ti ke kobe na dawa ti KOTA GBIA.

Joël 1:2

Ala *akangba, ala ma tënë so! Ala azo so alango na Juda, ala zi mê ti ala, ala ma tënë so si! Mara ti ye tongaso asi na ngoi ti ala, wala na ngoi ti akotara ti ala awe?

Awayango-sandaga 23:36

Na ya ti lango oko oko ti yenga ni, ala yeke ya na mbi KOTA GBIA *sandaga so a yeke zö ni kue na wâ. Na lango miombe ni, ala yeke bongbi ti voro mbi si ala yeke ya na mbi sandaga so a yeke zö ni kue na wâ. So ndangba lango ti matanga ni laa; kua so ala yeke sara lakue, ala yeke sara ni pepe.

Jonas 3:5

Azo ti Ninive ayeda na tënë ti Nzapa. Ti londo na azo ti mosoro asi na azo ti mawa, ala leke be ti ala kue ti ke kobe, ala yu bongo ti mua.

Jonas 3:8

Azo na anyama ayu bongo ti mua, ala sambela Nzapa ngangu. Zo oko oko azia sioni lege ti sarango ye ti lo na aye ti ngangu so lo yeke sara na azo.

Sofonii 2:1

Ala azo ti mara so kamene ayeke sara ala pepe so, ala bongbi tere ti ala, ala gbu li ti ala