Joël 1:12 - Mbeti ti Nzapa - Tënë so amu fini

¹² Akeke ti vinye ahole awe, akeke ti fige akui awe; keke ti grenade, keke ti mburu na keke ti pome, akeke ti yaka kue ahole awe. Ngia ahunzi awe na popo ti azo.

Joël 1:12 Iomraidhean Croise

Abia (Psaumes) 4:7

Ala yeke mingi, ala so ayeke toto tere ti ala, atene: “Zo wa laa ayeke sara si e duti nzoni? KOTA GBIA, baa e na nzoni le maa!”

Abia (Psaumes) 92:12

Mbi baa na le ti mbi tingo ti awato ti mbi, mbi ma na mê ti mbi tënë ti azo ti sioni so aga ti tiri na mbi.

B. ti abia 2:3

Tongana keke ti pome na popo ti akeke ti gbako, kamba ti be ti mbi ayeke tongaso na popo ti amaseka-koli. Mbi ye ti duti na gbe ti de ti lo; le ti keke ti lo anzere nzerengo na yanga ti mbi.

B. ti abia 4:13

Mo yeke tongana yaka ti *paradi so ade pendere mingi. Anzoni lengo ti keke ayeke daa; akongo so afun nzoni mingi nga na yombo ti nare;

Ésaïe 16:10

Ngia na nzerengo tere ahunzi awe na ya ti ayaka so akeke so a yeke te le ni tengo ayeke daa. Na ya ti ayaka ti vinye, zo ayeke kiri ti ma bia ti ngia pepe, zo ayeke kiri ti ma dekongo na ngia pepe. Zo ayeke kiri ti pete vin pepe na ya ti du so a yeke pete ale ti vinye daa, dekongo na ngia akai awe.

Ésaïe 24:11

Na ndö ti alege, azo ayeke toto tere ti ala, ngbanga ti so vin atia, ngia kue ahunzi awe, nzerengo tere ahon na ya ti kodro ni.

Ésaïe 24:7

Fini vin ayeke na mua, keke ti *vinye ahole kue; azo so kue be ti ala ayeke lani na ngia, ala yeke dema fadeso.

Ésaïe 9:3

Biani, *zuge so lani ane azo ni, keke so a yeke pika na peko ti ala, nduru keke so makonzi ti kua ti ala ayeke pika na ala, mo fâ ya ni tongana ti so mo sara ando na lango so mo kinda azo ti Madian.

Jérémie 48:3

A ma dekongo ti azo na Horonaim, atene: ‘Ye kue abuba awe! So kota kpale ti bubango ndo!’

Jérémie 48:33

Ngia na nzerengo tere ahunzi awe na yaka ti Moab so a lu na ya ni akeke so a yeke te alengo ni. Vin ayeke na ya ti ata mbeni pepe, akoli ti petengo ale ti vinye ayeke daa mbeni pepe; dekongo tongana ti azo so ayeke ko ale ti *vinye ti sara na vin ahunzi awe.

Joël 1:10

Ayaka abuba kue awe, sese ayeke na mawa. *Ble abuba kue awe, fini vin ayeke daa mbeni pepe, nzoni mafuta ahunzi awe.

Joël 1:16

Kobe ti tengo ni ahon gi na le ti e pepe? Ngia na nzerengo tere ahunzi na ya ti kota da ti KOTA GBIA gi na le ti e pepe?

Jonas 4:7

Me lango oko na pekoni, na yanga ti ndaperere, Nzapa atokua mbeni kete kete nyama ti ga ti kpo keke ni si keke ni ahole.

Aggée 2:19

Ale ti kobe angba na ya ti agogoro ti ala? Ataa keke ti vinye, keke ti fige, keke ti grenade nga na keke ti olive ale oko pepe. Ti londo laso ti gue na ni, mbi yeke sara tufa na ndö ti ala.”

Malashii 3:11

Fade mbi yeke kanga lege na akete nyama so ayeke te akobe ti yaka ti ala titene anyama ni abuba akobe ti ala pepe; mbi yeke kanga lege si akeke ti *vinye ti ala so ayeke le pepe so, akiri ale. Tënë so KOTA GBIA so ayeke na ndö ti dunia kue atene laa.

Wungo ti azo 13:23

Ala gue ngbii asi na popo-hoto ti Eshekol. Kâ, ala fâ mbeni maboko ti keke ti *vinye so mbeni kota li ni ayeke na tere ni, ala kanga ni na ndö ti mbeni yongoro keke si akoli use ayo ni. Ala fâ nga ale ti keke ti grenade na ale ti fige.