Joël 1:10 - Mbeti ti Nzapa - Tënë so amu fini

¹⁰ Ayaka abuba kue awe, sese ayeke na mawa. *Ble abuba kue awe, fini vin ayeke daa mbeni pepe, nzoni mafuta ahunzi awe.

Joël 1:10 Iomraidhean Croise

Tongo nda ti aye 4:12

Tongana mo de sese ti lu kobe daa, sese ni ayeke le kobe mingi pepe. Fade da ti li ti mo ayeke duti daa pepe; mo yeke tambula gi kirikiri na ndö ti sese.”

Ésaïe 15:6

Ngu ti Nimrim ahole kue; pere ahole, pere ni akiri asigigi pepe, fini pere ayeke daa mbeni pepe.

Ésaïe 24:11

Na ndö ti alege, azo ayeke toto tere ti ala, ngbanga ti so vin atia, ngia kue ahunzi awe, nzerengo tere ahon na ya ti kodro ni.

Ésaïe 24:7

Fini vin ayeke na mua, keke ti *vinye ahole kue; azo so kue be ti ala ayeke lani na ngia, ala yeke dema fadeso.

Jérémie 12:11

Biani, ala sara si yaka ni aga ngonda. Na le ti mbi, yaka ni ayeke na mua; kodro ni kue aga ngonda, me tënë ni agbu be ti zo oko pepe.”

Jérémie 12:4

Kodro ni ayeke ngba na mua ngbii asi lawa? Apere ti ayaka kue ayeke ngba ti hole ngbii asi lawa? Ndali ti sioni ti azo ti kodro ni, anyama na andeke ayeke kui kue. Azo ni ayeke tene: “Jérémie ayeke hunzi kozo ti e.”

Jérémie 48:33

Ngia na nzerengo tere ahunzi awe na yaka ti Moab so a lu na ya ni akeke so a yeke te alengo ni. Vin ayeke na ya ti ata mbeni pepe, akoli ti petengo ale ti vinye ayeke daa mbeni pepe; dekongo tongana ti azo so ayeke ko ale ti *vinye ti sara na vin ahunzi awe.

Osée 4:3

Ndani laa fade ndo ayeke hole kue na ya ti kodro ni, azo ti kodro ni kue ayeke nge ngengo, ala, na anyama ti ngonda na andeke ti nduzu; ataa asusu ti kota ngu-ingo ayeke hunzi kue.

Osée 9:2

Me ale ti ble so a yeke pika na ndö ti alakere nga na mafuta so a yeke pete na ya ti du ayeke sara si ya ti mo asi pepe; fini vin so mo yeke ku, mo yeke ku ni gbaa.

Joël 1:12

Akeke ti vinye ahole awe, akeke ti fige akui awe; keke ti grenade, keke ti mburu na keke ti pome, akeke ti yaka kue ahole awe. Ngia ahunzi awe na popo ti azo.

Joël 1:5

Ala azo so ayeke angbaa ti samba, ala zingo, ala toto! Ala azo so kue ayeke nyon vin, ala dema tere ti ala, ngbanga ti so a zi fini vin na yanga ti ala awe.

Joël 2:19

Lo kiri tënë na azo ti lo, lo tene: “Baa, mbi yeke kiri ti mu na ala *ble, fini vin nga na nzoni mafuta. Ala yeke wara ni gbani gbani alingbi na ala. Mbi yeke kiri ti sara si amara nde azia kamene na le ti ala pepe.

Awayango-sandaga 26:20

Ala yeke hunzi ngangu ti ala na sarango kua senge senge; sese ti ala ayeke du ale ti kobe oko pepe, akeke ti kodro ni ayeke du alengo ni oko pepe.

Habakuk 3:17

Biani, akeke ti fige akiri ale pepe, akeke ti *vinye akiri adu alengo ni pepe, akeke ti olive akiri adu alengo ni pepe, ayaka akiri amu kobe ti tengo ni na azo pepe. Na ya ti gbagba, ataba ayeke daa mbeni pepe, na ya ti gbagba ti batango abagara, abagara ayeke daa mbeni pepe.

Aggée 1:11

Mbi sara si buru aga na ya ti kodro ni: ndo ahole na li ti ahoto, na ya ti ayaka ti *ble, ayaka ti *vinye, ayaka ti olive nga na tanga ti ayaka ti kobe kue. Azo na anyama abaa pasi mingi ndali ti buru ni si peko ti akua ti maboko ti ala kue angba senge.”

Malashii 2:3

Baa, mbi yeke suku na *ahale ti ala. Me ti ala awayango-sandaga, mbi yeke tuku puru na le ti ala, puru ti anyama so ala fâ ti mu na mbi na *sandaga so. Fade a yeke mu ala na puru ni kue ti hon na ala.