Jérémie 9:7 - Mbeti ti Nzapa - Tënë so amu fini

⁷ Menga ti azo ni ayeke tongana le ti kokora so ayeke fâ zo; atënë ti ala gi atënë ti mvene: nzoni tënë ayeke sigigi na yanga ti ala na tere ti amba ti ala, me na be ti ala kâ, ala leke kuku ti gbu na amba ti ala ni.

Jérémie 9:7 Iomraidhean Croise

2 Samuel 13:26

Absalom atene: “Zia lege na ita ti mbi Amnon, e na lo, e gue ma!” Gbia akiri tënë na lo: “Lo gue na ndo ti mo ngbanga ti nyen?”

2 Mbai 36:15

KOTA GBIA, Nzapa ti akotara ti ala amu ngoi ti lo kue ti tokua azo ti gboto mê ti ala, ngbanga ti so lo baa mawa ti azo ti lo nga na da ti lo wani so ayeke nde si ayeke nzoni kue.

Abia (Psaumes) 120:4

– Ye so KOTA GBIA ayeke bi ande na ndö ti ala ayeke ale ti kokora so yanga ni aza mingi si ale ti wâ ayeke daa.

Abia (Psaumes) 55:22

Tënë ti yanga ti lo anzere tongana mafuta ti wotoro, me tënë ti bira ayeke na be ti lo kâ. Atënë ti yanga ti lo ayeke woko zo ahon mafuta, me atënë ni ayeke kpo zo tongana zeme.

Abia (Psaumes) 62:5

Biani, ala yeke leke tënë na be ti ala ti zi zo ni na kota ndo ti lo; ti ala, gi tenengo mvene laa anzere na ala. Na yanga ti ala, ala yeke sara tufa na ndö ti azo, me na ya ti be ti ala kâ, ala yeke deba azo. Luti kete

Ésaïe 1:25

Jérusalem, fade mbi yeke ga na tere ti mo; mbi yeke *sukula sioni ti mo tongana ti so a yeke kporo wen na ya ti wâ na taa nzoni kode ni ti zi zende na tere ni, mbi yeke zi asioni ti mo kue.

Ésaïe 48:10

Mbi tara ala, me na ya ti wâ pepe tongana ti so a yeke tara wen ti nginza na ya ti wâ ti zi sioni daa. Me mbi tara ala na ya ti wâ ti aye ti vundu.

Ésaïe 59:3

Biani, ya ti maboko ti ala asi singo na mene, ali ti maboko ti ala aga sioni ndali ti sioni ti ala; yanga ti ala ayeke tene atënë ti mvene, menga ti ala ayeke diko atënë ti kirikiri.

Jérémie 31:20

Efraim ayeke molenge ti mbi ti koli so mbi ye lo ahon ndoni; lo yeke molenge so mbi voro lo mingi. Ndani laa, lakue so mbi yeke tene tënë na tere ti lo, lakue mbi yeke dabe ti mbi na lo. Be ti mbi ayeke na ndö ti lo mingi. Biani, mbi baa mawa ti lo ahon ndoni; so tënë ti yanga ti KOTA GBIA laa.

Jérémie 5:1

“Ala tambula na ndö ti alege ti Jérusalem mbage na mbage kue, ala baa ndo, ala hunda ndo, ala gi ndo na ndö ti abalabala ti wara mbeni zo, zo so ayeke sara ye mbirimbiri, zo so ayeke sara ye na legeni. Tongana ala wara mbeni zo oko tongaso, fade mbi yeke zi siokpari na li ti azo ti Jérusalem.”

Jérémie 6:27

“Jérémie, mbi zia mo titene mo ga zo ti tarango azo ti mbi tongana ti so zo ti pikango ndao ayeke tara wen. Fade mo yeke tara sarango ye ti ala si mo hinga ni.”

Osée 4:1

Azo ti Israel, ala ma tënë ti *KOTA GBIA: KOTA GBIA ayeke na ngbanga na azo ti kodro, ngbanga ti so na ya ti kodro ni, tenengo taa-tënë ayeke daa pepe, ndoye ayeke daa pepe, hingango Nzapa ayeke daa pepe.

Zakarii 13:9

Fade mbi yeke mu ota mbage ti azo so angba na fini so, mbi yeke hon na ala na le ti wâ ti zi sioni ye na tere ti ala tongana ti so a yeke kporo wen ti nginza na ya ti wâ ti zi sioni ye na tere ni. Mbi yeke tara ala ti zi sioni ye na tere ti ala tongana ti so a yeke tara lôro na le ti wâ ti zi sioni ye na tere ni. Fade ala yeke iri mbi ti mu maboko na ala; ti mbi, mbi yeke ma ala. Mbi yeke tene: ‘Ala yeke azo ti mbi’, ala yeke tene: ‘KOTA GBIA ayeke Nzapa ti e.’ ”

Malashii 3:3

Fade lo yeke duti tongana matawa so ayeke kporo wen ti nginza ti zi azende na tere ni. Fade lo yeke sara si azo ti mara ti Lévi aga *nzoni tongana ti so a yeke zi azende na tere ti lôro nga na wen ti nginza. Tongaso ala lingbi ti mu *sandaga na KOTA GBIA alingbi na tënë ti ndia.

1 Pierre 1:7

Pasi ni asi na ala ti tara mabe ti ala. Lôro ayeke ye so ayeke buba bubango, me azo ayeke tara ni na wâ. Mabe ayeke kota ye ahon lôro. Ndani laa a yeke tara ni ti baa wala akpengba, tongaso si fade Nzapa ayeke tene nzoni tënë ti ala, lo yeke gonda ala si lo yeke ne ala na ndembe so Jésus Christ ayeke si.

1 Pierre 4:12

A-ita ti mbi so mbi ye ala mingi, li ti ala akpe pepe na wâ ti pasi so ala yeke na ya ni so! Ala baa ni tongana mbeni fini ye pepe.