Jérémie 9:4 - Mbeti ti Nzapa - Tënë so amu fini

⁴ Ala oko oko kue ayeke handa amba ti ala; zo oko ayeke tene taa-tënë pepe. Ala leke menga ti ala ti tene gi atënë ti mvene. Ala sara sioni ngbii awoko ala.

Jérémie 9:4 Iomraidhean Croise

Tongo nda ti aye 32:28

Zo ni ahunda lo, atene: “Iri ti mo ayeke nyen?” Jacob akiri tënë, atene: “Iri ti mbi Jacob.”

Abia (Psaumes) 101:5

Zo ti tenengo mvene na iri ti amba ti lo na hondengo ni, fade mbi yeke kanga yanga ti lo. Zo so abaa amba ti lo tongana mbumbuse ye si baba ahon ndö ti lo, mbi lingbi ti kanga be ti mbi na lo pepe.

Abia (Psaumes) 15:3

Lo yeke du mvene na li ti zo pepe, lo yeke sara mbana na zo pepe, lo yeke zonga nga mba ti lo pepe.

Amato 10:18

Zo so ahonde tënë ti kengo amba ti lo, lo yeke zo ti tenengo mvene; zo so adu mvene na li ti azo, lo yeke zo so li ti lo ayeke daa pepe.

Amato 25:18

Zo so atene mvene na tere ti mba ti lo na le ti ngbanga, lo yeke tongana kota martoo, wala yongoro zeme, wala le ti kokora so yanga ni aza.

Amato 4:16

Biani, azo ni ayeke lango pepe ngbii ala sara sioni si. Lango ayeke gbu le ti ala pepe ngbii ala kinda mbeni zo si.

Amato 4:17

Sarango sioni aga kobe ti ala ti tengo ni; sarango ngangu na azo aga samba so ayeke sara ala.

Amato 6:16

Aye omene ayeke daa so KOTA GBIA ake ni; mbarambara ni ayeke nga daa so ayeke sioni mingi na le ti lo:

Amato 6:19

zo so ayeke na tere ti mbeni tënë, me na pekoni lo tene mvene na le ti ngbanga, nga na zo so ayeke bi tënë ti papa na popo ti a-ita.

Ésaïe 59:13

e ke ndia ti mo, e bere tënë ti mo, e ke ti mu peko ti mo, Nzapa ti e, e tene gi atënë ti sarango ngangu na zo nga na sarango ngangu li. Ye so e leke na be ti e na ye so e gbu li ti e daa ayeke gi atënë ti mvene.

Ésaïe 9:16

Ndani laa KOTA GBIA ayeke baa mawa ti amaseka ti azo ni so pepe; anyindu ti ala nga na awali-mua ti ala, lo yeke baa mawa ti ala pepe. Biani, ala kue ake Nzapa, ala yeke azo ti sarango sioni; atënë ti yanga ti ala kue gi buba tënë. Ataa so kue, ngonzo ti KOTA GBIA akai pepe, maboko ti lo angba gi na nduzu.

Jérémie 12:6

“Biani, ataa azo ti mara ti mo, ataa azo ti da ti mo, ala yeke ka mo; ala yeke bongbi gba ti azo ti sara sioni na mo, me mo hinga pepe. Tongana ala yeke tene anzerengo tënë na mo, mo zia be ti mo na ndö ti ala pepe.”

Jérémie 6:28

Ala kue ayeke azo ti ngangu li, li ti ala akpengba ahon ndoni; li ti ala akpengba tongana bengba wen nga na wen. Ala yeke du mvene na li ti azo, ala kue ayeke azo ti bubango ye.

Jérémie 9:8

So tënë ti yanga ti KOTA GBIA laa: Ndali ti ye tongaso, fade mbi yeke ga na tere ti ala pepe? Mara ti azo tongaso, mbi yeke kiri na ala peko ti sioni so ala sara so pepe?”

Ezekiel 22:9

Na ndo ti mo, azo ayeke du mvene na li ti amba ti ala ti pusu amba ti ala ni ti tuku mene. Azo ti mo ayeke te akobe ti ayanda na li ti ahoto; ala yeke sara aye ti potopoto na popo ti ala.

Awayango-sandaga 19:16

Ala du mvene na li ti azo ti kodro ti ala pepe. Ala bi tënë na li ti mba ti ala titene a fâ ngbanga ti kuâ na li ti lo pepe. Mbi laa mbi yeke KOTA GBIA.

Malashii 2:10

E kue, e yeke gi na babâ oko pepe? Gi Nzapa oko laa asara e kue pepe? Ngbanga ti nyen si e yeke ka amba ti e na popo ti e? Ngbanga ti nyen si e yeke buba lege ti *mbuki so Nzapa aleke ni na akotara ti e?

Matthieu 10:17

Ala sara hange, ngbanga ti so fade azo ayeke gue na ala na gbe ti awafango-ngbanga. Fade azo ni ayeke pika ala na fimbo na ya ti ada ti sambelango Nzapa.

Matthieu 10:21

Fade azo ayeke mu a-ita ti ala titene azo afâ ala; babâ ayeke mu nga molenge ti lo titene azo afâ lo; amolenge ayeke ga wato ti babâ na mama ti ala ti mu ala titene azo afâ ala.

Nzoni Tënë so Luc asu na mbeti 21:16

Ababâ ti ala, amama ti ala, a-ita ti ala, asongo ti ala na amba ti ala so ala na ala aye tere ayeke ka ala; a yeke fâ ambeni zo mingi na popo ti ala.

1 Tesalonike 4:6

Na ya ti tënë so, ayeke nzoni zo oko asara mbeni ye ti songo be wala ye ti kirikiri na mba ti lo pepe. E tene tënë so na ala awe, e gboto mê ti ala na ndö ni awe: azo so asara mara ti asioni ye tongaso, fade Kota Gbia ayeke zia peko ni angba senge pepe.