Jérémie 9:25 - Mbeti ti Nzapa - Tënë so amu fini

²⁵ Azo ni ayeke azo ti Ezipte, ti Judée, ti Edom, ti Amoni, ti Moab nga na azo ti benyama so kue ayeke kio kua ti tere ti li ti ala. Biani, amara kue afâ *ganza pepe, me azo ti Israel kue afâ be ti ala na ganza pepe.”

Jérémie 9:25 Iomraidhean Croise

Jérémie 25:23

– azo ti kodro ti Dedan, ti Tema, ti Buz na ala so ayeke kio kua ti tere ti li ti ala;

Jérémie 4:4

Ala fâ *ganza ndali ti KOTA GBIA, ala fâ be ti ala na ganza, ala azo ti Juda na ala, azo ti Jérusalem. Tongaso pepe, ndali ti sioni sarango ye ti ala, fade ngonzo ti mbi ayeke londo tongana wâ; wâ ni ayeke gbi ye kue si zo oko alingbi ti mingo ni pepe.”

Jérémie 49:32

Fade awato ayeke mu azambala ti azo ni nga na gba ti abagara ti azo ni tongana ye so a gbu na peko ti bira. Azo so ayeke kio kua ti tere ti li ti ala, mbi yeke kangbi ala na ando nde nde kue. Mbi yeke sara si akpale alondo mbage na mbage ti ga na ndö ti ala; so tënë ti yanga ti KOTA GBIA laa.

Ezekiel 28:10

Mo yeke kui tongana mbo, tongana ti azo so afâ *ganza pepe; awande laa ayeke fâ mo. Biani, mbi tene tënë awe; so tënë ti yanga ti Kota Gbia NZAPA laa.”

Ezekiel 31:18

“Na popo ti akeke ti Eden, keke wa laa pendere ti lo alingbi na ti mo? Konongo ti lo alingbi na ti mo? Fade a yeke sara si mo na akeke ti Eden ni azu na gbe ti sese. Kâ, mo yeke lango na popo ti azo so afâ *ganza pepe, mo na azo so akui na ya ti bira. Baa, ye so ayeke si ande na Faraon na azo ti lo so ayeke gbani gbani laa! So tënë ti yanga ti Kota Gbia NZAPA laa.”

Ezekiel 44:7

Na ndembe so ala ga ti mu na mbi kobe so ayeke ti mbi, mafuta nga na mene ti anyama so a mu na *sandaga, ala mu lege na awande so afâ *ganza pepe si ala fâ ganza ti be pepe ti li na ndo so a zia ni nde ndali ti mbi. Na sarango ye tongaso, ala sara si kota da ti mbi aga *sioni. Na lege ti asarango ye ti ala so zo alingbi ti baa na le ti lo fani use pepe so, ala buba ya ti *mbuki so abongbi mbi na ala.

Awayango-sandaga 19:27

Ala fâ yanga ti kua ti li ti ala angoro ngorongo na ni pepe, ala fâ tere ti kua ti yanga ti ala pepe.

Awayango-sandaga 26:41

Tongaso, ala yeke hinga atene, mbi nga, mbi sara ngangu li na ala si mbi tokua ala na kodro ti awato ti ala. Mbeni lâ, tongana ala fâ be ti ala na *ganza si ala sara tere ti ala kete, ala yeda titene mbi pika ala ndali ti sioni ti ala,

Amos 3:2

“Na popo ti asewa kue ti sese so, gi ala oko laa mbi soro ala. Ndani laa fade mbi yeke hunda na ala titene ala fa na mbi peko ti asioni ye so kue ala sara.”

Rome 2:28

Ye so azo ayeke baa wala ka ti ganza so ayeke na tere ti zo, so laa ayeke sara si zo aga taa zuife pepe;

Rome 2:29

me taa zuife ayeke zuife so ayeke na ya ti be ti lo kâ, taa fango ganza ayeke ganza ti be, aga na lege ti Yingo ti Nzapa, me na lege ti Ndia so a su na mbeti pepe. Taa zuife, azo laa ayeke gonda lo pepe, me Nzapa.

1 Samuel 14:6

Jonatan atene na zo so ayeke yo aye ti bira ti lo, atene: “Ga, e gue na ndo so aturugu ti Filistii so ahinga Nzapa pepe so ayeke daa. E hinga pepe, KOTA GBIA ayeke sara nzoni ye ndali ti e. Ataa e yeke mingi wala e yeke mingi pepe, mbeni ye ayeke daa pepe ti kanga lege na KOTA GBIA ti sara si e so benda.”

1 Samuel 17:26

David ahunda azo so ayeke luti nduru na tere ti lo so, atene: “Zo so ayeke fâ zo ti Filistii so si ayeke zi kamene na le ti azo ti Israel, fade a yeke sara nyen na lo? Zo ti Filistii so ahinga Nzapa pepe so, lo yeke zo wa si lo yeke gi yanga ti aturugu ti Nzapa so ayeke na fini so?”