Jérémie 8:9 - Mbeti ti Nzapa - Tënë so amu fini

⁹ So ye ti kamene ti nyen na azo ti ndara! Li ti ala aga kirikiri awe; ala ti na ya ti gbanda ti ala wani. So ala baa tënë ti KOTA GBIA tongana buba ye na le ti ala so, ndara ti nyen laa ala yeke na ni?

Jérémie 8:9 Iomraidhean Croise

2 Agbia 17:15

Ala ke andia ti KOTA GBIA, ala ke tënë ti *mbuki so lo sara na akotara ti ala, ala ke awango so lo mu na ala. Ala mu peko ti afungo nzapa si ala wani aga ye so afun awe. Ala mu peko ti sarango ye ti amara so alango nduru na ala, ataa so KOTA GBIA ake na azo ti Israel titene ala sara ye pepe tongana ti amara so.

Mbeti ti Job 5:12

Azo so ayeke sara ye na sioni mayere, lo yeke buba pialo ti ala. Ye so ala ye ti sara, ala ha gbaa.

Mbeti ti Job 5:13

Nzapa ayeke gbu azo ti ndara na lege ti sioni mayere ti ala; azo ti mvene, lo yeke kinda hio tënë ti be ti ala.

Abia (Psaumes) 19:7

Lo londo na mbeni mbage ti le ti nduzu, lo gue ngbii lo si na mbeni mbage ti le ti nduzu ni; ye kue ayeke na gbe ti ngangu ti sungo ti lo.

Ésaïe 19:11

Amakonzi ti gbata ti Soan ayeke azo ti buba mingi, azo ti ndara so ayeke mu wango na Faraon, ala yeke bongbi ti azo so li ti ala ayeke daa pepe. Asara tongana nyen laa ala tene na Faraon: “Mbi yeke molenge ti azo ti ndara, molenge ti agbia ti giriri”?

Ésaïe 29:14

Ndani laa, fade mbi yeke ngba ti sara si li ti azo so akpe na lege ti aye ti dongo be. Fade a yeke buba ndara ti azo ti ndara, a yeke honde hingango ndo ti azo ti hingango ndo.”

Ésaïe 43:27

Kozo kotara ti mo asara siokpari awe, azo ti tenengo peko ti tënë ti yanga ti mo atomboka na tere ti mbi.

Ésaïe 8:20

fade ala yeke kiri tënë na ala, atene: “E yeke kiri gi na ndö ti wango ti KOTA GBIA na tënë so lo tene.” Zo so atene tënë tongaso pepe, fade lo yeke baa lumiere ti ndaperere pepe.

Jérémie 15:6

So tënë ti yanga ti KOTA GBIA laa: Mo laa mo zia mbi, mo zia peko ti mo na mbi. Nilaa mbi yoro maboko ti mbi ti fâ mo. Mbi baa mawa ti mo alingbi awe.

Jérémie 19:7

Na ndo so, fade mbi yeke sara si poroso ti azo ti Juda na ti Jérusalem aga senge senge ye. Mbi yeke sara si ala ti na gbe ti awato ti ala si awato ni afâ ala na ya ti bira, awato ti ala ni ayeke baa mawa ti ala oko pepe. Mbi yeke sara si kuâ ti ala aga kobe ndali ti andeke ti nduzu na anyama ti sese.

Jérémie 2:8

Awayango-sandaga ahunda ndo pepe, atene: ‘KOTA GBIA ayeke na ndo wa?’ Azo so ahinga nda ti *Ndia ahinga mbi pepe. Azo ti li ti kodro ake mbi awe; awayanga-Nzapa ayeke tene peko ti tënë ti yanga ti Baal si ala mu peko ti aye so alingbi ti sara mbeni ye oko pepe.

Jérémie 49:7

Tënë na ndö ti Edom. Tënë so KOTA GBIA so ayeke na ndö ti dunia kue atene ayeke so: “Azo ti ndara ayeke na Teman mbeni pepe? Li ti azo ti hingango ndo ayeke daa mbeni pepe? Ndara ti ala afun awe?

Jérémie 6:15

Kamene alingbi fade ti gbu le ti ala ndali ti asioni ye so ala sara si zo alingbi ti baa na le ti lo fani use pepe; me kamene agbu le ti ala oko pepe. Ala hinga atene, so sioni ye laa ala yeke sara so pepe. Ndani laa KOTA GBIA atene: Ala yeke ti legeoko na tanga ti azo so ayeke ti. Na ndembe so mbi yeke ga na tere ti azo ni, ala nga, ala yeke ti.

Jérémie 6:19

Ala ma si, ala azo ti sese kue: mbi yeke sara titene kota kpale ati na ndö ti azo ni, so ayeke futa ti asioni gbungo-li ti ala laa. Ala dingi mê ti ala ti ma atënë ti mbi pepe; ala baa atënë ti ndia ti mbi tongana mbumbuse ye.

Ezekiel 7:26

Akpale ayeke si na peko ti tere, na peko ti tere, sioni sango ayeke ga na ndö ti tere, na ndö ti tere. Azo ayeke hunda na wayanga-nzapa ti tene na ala peko ti ye so lo baa na ya ti mbeni ye tongana bango-li; wayango-sandaga ayeke na ye oko pepe ti fa na azo, *akangba ayeke kiri ti mu wango pepe.

Amos 2:4

Tënë so KOTA GBIA atene ayeke so: “Mbi yeke na tënë na azo ti Juda ndali ti asioni ye ota, wala osio so ala sara: ala baa ndia ti mbi KOTA GBIA tongana mbumbuse ye, ala ke ti sara ye alingbi na ambela ti mbi; ala mu peko ti anzapa ti mvene tongana ti so akotara ti ala asara ando. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Zakarii 13:4

Na lango ni so, fade wayanga-nzapa oko oko ayeke sara kamene ti tene peko ti tënë ti yanga ti Nzapa; kamene ti tene peko ti ye so lo baa na ya ti mbeni ye tongana bango-li ayeke sara lo. Fade lo yeke kiri ti handa azo pepe na yungo yongoro bongo ti awayanga-nzapa so a sara na kua ti tere ti nyama.

Ndia ti fani use ni 4:6

Tongana ala bata andia ni si ala sara ye alingbi na ni, amara nde so ayeke ma tënë ni, fade ala yeke baa ala, azo ti Israel, tongana azo ti ndara na azo ti hingango ndo; azo ni ayeke tene: “So ndara na hingango ndo na kota mara so!”

2 Timothée 3:15

Ti londo na ndembe so mo de kete molenge ngbii asi fadeso, mo hinga Mbeti ti Nzapa; mbeti ni alingbi ti mu na mo ndara. Ndara ni ayeke fa na mo lege titene mo soo kuâ na lege so mo ma na be na Jésus Christ.