Jérémie 8:8 - Mbeti ti Nzapa - Tënë so amu fini

⁸ Ala yeke tene: “E yeke azo ti ndara, *Ndia ti *KOTA GBIA ayeke ti e.” Taa-tënë, me ye ni asara tongana nyen si gi awafango-ndia ni wani akiri ayeke buba ya ti Ndia ni so?

Jérémie 8:8 Iomraidhean Croise

Mbeti ti Job 11:12

Me zo so ahinga ndo pepe, lo yeke hinga ande ndo laoko pepe; lo yeke hinga ndo gi na lango so lele ti ngonda ahinga ndo nzoni si.

Mbeti ti Job 12:20

Azo so ahinga ti tene tënë nzoni, lo yeke zi tënë na yanga ti ala; lo yeke zi hingango nda ti ye na ambakoro.

Abia (Psaumes) 147:19

Lo fa tënë ti lo na Jacob, lo fa ambela ti lo nga na atënë ti ndia ti lo na Israel.

Amato 17:6

Ye so ayeke sara nengo ti atara ayeke amolenge ti amolenge ti ala; ye so ayeke sara gonda ti amolenge ayeke ababâ na amama ti ala.

Ésaïe 43:27

Kozo kotara ti mo asara siokpari awe, azo ti tenengo peko ti tënë ti yanga ti mo atomboka na tere ti mbi.

Jérémie 18:18

Tongaso azo ni atene: “Ala ga, e leke tënë na tere ti Jérémie. Awayango-sandaga ayeke daa, fade ala yeke ngba ti fa na e atënë ti ndia. Azo ti ndara ayeke daa, fade ala yeke mu na e awango senge. Awayanga-Nzapa atia pepe, fade ala yeke tene na e peko ti atënë ti yanga ti Nzapa senge. Ala ga, e tene asioni tënë ti buba iri ti Jérémie. Atënë so asigigi na yanga ti lo so, e dingi mê ti e ti ma ni oko pepe.”

Jérémie 19:7

Na ndo so, fade mbi yeke sara si poroso ti azo ti Juda na ti Jérusalem aga senge senge ye. Mbi yeke sara si ala ti na gbe ti awato ti ala si awato ni afâ ala na ya ti bira, awato ti ala ni ayeke baa mawa ti ala oko pepe. Mbi yeke sara si kuâ ti ala aga kobe ndali ti andeke ti nduzu na anyama ti sese.

Jérémie 2:8

Awayango-sandaga ahunda ndo pepe, atene: ‘KOTA GBIA ayeke na ndo wa?’ Azo so ahinga nda ti *Ndia ahinga mbi pepe. Azo ti li ti kodro ake mbi awe; awayanga-Nzapa ayeke tene peko ti tënë ti yanga ti Baal si ala mu peko ti aye so alingbi ti sara mbeni ye oko pepe.

Jérémie 4:22

KOTA GBIA atene: “Biani, li ti azo ti mbi ayeke daa pepe, ala hinga mbi pepe. Ala yeke amolenge so li ti ala ayeke daa pepe; ala hinga ye oko pepe. Ala yapu na sarango sioni ye; me ala hinga ti sara nzoni ye pepe.”

Jérémie 48:14

“Ala, azo ti Moab, a sara tongana nyen si ala tene: ‘E yeke angangu zo ti bira, e yeke akoli so ahinga ti tiri bira mingi’?

Osée 8:12

Ataa mbi su na mbeti atënë ti ndia gbani gbani ndali ti ala, ala yeke baa ni tongana mbeni ye so alondo na kodro wande.

Matthieu 15:6

zo ni alingbi ti gbanzi mungo ye ni na babâ wala mama ti lo senge.’ Lege so laa ala yeke buba ya ti tënë ti Nzapa ti bata lege ti ndia ti akotara ti ala!

Jean 9:41

Jésus akiri tënë na ala: “Tongana ala yeke fade awaziba, ka siokpari ayeke na li ti ala pepe. Me so ala yeke tene: ‘Le ti ala ayeke baa ndo’, andaa siokpari angba na li ti ala.”

Rome 1:22

Ala baa ti ala atene, ala yeke azo ti ndara, andaa ala ga azo ti buba awe.