Jérémie 8:3 - Mbeti ti Nzapa - Tënë so amu fini

³ Ti tanga ti asioni zo ni, ala so angba na fini, na ndo so kue mbi yeke kangbi ala daa kirikiri, ye so ala yeke ye, ayeke titene ala kui ahon titene ala ngba na fini; so tënë ti yanga ti KOTA GBIA so ayeke na ndö ti dunia kue laa.”

Jérémie 8:3 Iomraidhean Croise

1 Agbia 19:4

Ti lo, lo gue na benyama; lo tambula na ya ti lango oko si lo si kâ. So Élie asi kâ awe, lo duti na gbe ti mbeni kete keke. Lo iri kuâ titene aga amu lo, lo tene: “*KOTA GBIA, fadeso ye ni ahon ndoni awe! Mo mu fini ti mbi. Biani, mbi yeke nzoni mbi hon akotara ti mbi pepe.”

Jérémie 23:3

“Na pekoni, mbi wani, mbi yeke bongbi tanga ti ataba ti mbi na ya ti akodro so kue mbi kangbi ando ala daa. Fade mbi yeke kiri na ala na ndo ti tengo pere ti ala. Kâ, ala yeke kiri ti du mingi si ala ga gbani gbani.

Jérémie 23:8

Me azo ni ayeke tene: ‘Na iri ti KOTA GBIA so ayeke na fini, lo so lo sara si ahale ti Israel asigigi na kodro ti mbage ti Banga nga na akodro so kue lo kangbi ando ala daa. Fade ala yeke kiri ti duti na ndö ti sese ti ala wani!’ ”

Jérémie 29:14

fade mbi yeke zia lege titene ala wara mbi; so tënë ti yanga ti KOTA GBIA laa. Mbi yeke sara titene ala kiri na kozo ndo ti ala; mbi yeke zi ala na ya ti kodro so kue nga na ando so kue mbi kangbi ala ando daa ti bongbi ala na ndo oko; mbi yeke kiri na ala na ndo so a gbu ala ando daa si a gue na ala na kodro wande so’; so tënë ti yanga ti KOTA GBIA laa.

Jérémie 29:28

Lo tokua mbeti gi fafadeso na e ge na Babilone. Tënë so lo tene na ya ti mbeti ni laa: ‘Ala yeke ninga ande kâ mingi! Tongaso, alingbi ala sara ada titene ala lango daa, ala fâ ayaka titene ala te ale ti kobe ni.’ ”

Jérémie 40:12

Tongaso azo ti Juda kue alondo na ando so kue a kangbi ala lani daa, ala kiri na sese ti Juda na tere ti Gedalia, na gbata ti Mispa. Kâ, ala ko gba ti ale ti vinye na ale ti keke.

Jérémie 44:2

“Tënë so *KOTA GBIA so ayeke na ndö ti dunia kue, Nzapa ti Israel atene ayeke so: Ala baa na le ti ala akpale so kue mbi sara si aga na ndö ti Jérusalem na ambeni gbata ti Juda. Laso, agbata ni kue ati awe si azo ayeke daa mbeni pepe.

Jérémie 44:6

Nilaa mbi tuku ngonzo ti mbi nga na ngonzo ti mbi ti wâ si agbi agbata ti Juda na abalabala ti Jérusalem. Agbata ni na abalabala ni aga ndo ti gba ti atêne, aga ngonda tongana ti so a yeke baa ni laso so.’ ”

Jérémie 6:9

Tënë so *KOTA GBIA so ayeke na ndö ti dunia kue atene ayeke so: “Tongana ti so a yeke ro ale ti *vinye so angba na ya ti keke, ayeke nzoni ala ro azo ti Israel so angba na fini so. Ala gi ndo mbirimbiri tongana ti so zo ti kongo ale ti vinye ayeke gi ndo na tere ti amaboko ti keke ti vinye.”

Daniel 9:7

KOTA GBIA, mo yeke ti mo mbirimbiri, me ti e, gi kamene laa ayeke na le ti e. Ye ni laa e yeke baa laso na tere ti azo ti Juda nga na tere ti azo ti Jérusalem, na azo ti Israel kue, ataa ala so ayeke nduru wala ala so ayeke na yongoro ndo. Biani, azo ti mara ti e akangbi kirikiri na ando nde nde so mo tumba ala daa ndali ti so ala sara sioni so ake mo.

Awayango-sandaga 26:33

Ti ala, mbi yeke tokua bira na tere ti ala si mbi yeke sara titene ala kangbi na popo ti amara nde. Kodro ti ala ayeke ga ngonda si agbata ti ala ayeke buba kue.

Amos 3:1

Ala azo ti Israel, ala azo ti sewa so *KOTA GBIA asara si ala sigigi na Ezipte, ala ma tënë so lo tene na tere ti ala, lo tene:

Jonas 4:3

Fadeso, KOTA GBIA, mo zi fini ti mbi! Titene mbi kui, ayeke nzoni ahon titene mbi ngba na fini.”

Mishe 2:3

Ndani laa, tënë so *KOTA GBIA atene ayeke so: “Baa, mbi yeke leke mbeni kota kpale ti tokua na ndö ti mara ti azo tongana ala so. Fade ala lingbi ti sigigi na ya ni pepe, ala lingbi ti tambula, li ti ala na nduzu pepe, ngbanga ti so ngoi ni ayeke duti ngoi ti kota kpale.”

Ndia ti fani use ni 30:1

Moïse atene: Aye so kue mbi tene tënë ni na ala so ayeke si ande: atënë ti tufa na atënë ti dengo ba so. Na ndembe so *KOTA GBIA Nzapa ti ala ayeke kangbi ala na popo ti amara nde, fade ala yeke gbu li ti ala na ndö ti aye ni so.

Ndia ti fani use ni 30:4

Ataa a gbu ala, a gue na ala na nda ti sese, fade KOTA GBIA Nzapa ti ala ayeke gue ti mu ala kâ ti bongbi ala na ndo oko.

Aye so Nzapa afa 6:16

Ala tene na ahoto na atêne ni, atene: “Ala ti na ndö ti e. Ala honde e si lo so lo yeke duti na ndö ti mbata ti gbia so abaa e pepe, tongaso si e kpe ngonzo ti Molenge ti Taba so!

Aye so Nzapa afa 9:6

Na ndembe ni so, fade azo ayeke gi ti kui, me ala yeke kui pepe; nzara ti kuâ ayeke sara ala, me kuâ ayeke kpe ala ti hon yongoro.