Jérémie 8:15 - Mbeti ti Nzapa - Tënë so amu fini

¹⁵ E yeke ku fade titene e duti na siriri, me mbeni nzoni ye oko ayeke daa pepe. E yeke ku fade mbeni ngoi titene kobela ti e akai, me gi kota mbeto laa aga.

Jérémie 8:15 Iomraidhean Croise

Mbeti ti Job 30:26

Biani, mbi zia be ti mbi lani ti ku nzoni dutingo, me ye ti vundu laa aga. Mbi yeke ku titene ndo ahan, me ndo avuko pitipiti.

Jérémie 12:12

Na ndö ti alege so kue ayeke na benyama, azo ti bubango ye ayeke ga. Yongoro zeme ti KOTA GBIA ayeke fâ aye, ti londo na mbeni yanga ti kodro asi na mbeni yanga ni; zo oko ayeke na siriri mbeni pepe.

Jérémie 14:19

“KOTA GBIA, mo ke Juda biani awe? Be ti mo ake *Sion awe? Ngbanga ti nyen si mo zia ka na tere ti e si ka ni amu pepe so? E baa ti e lani e tene, fade e yeke duti nzoni, me ye ti nzoni oko ayeke daa pepe. E yeke ku lani ngoi titene ka ti e amu, me kota mbeto laa aga.

Jérémie 4:10

Tongaso mbi tene: ‘Ae Kota Gbia NZAPA! Biani, mo handa azo ti kodro so awe; mo handa nga azo ti Jérusalem, mo tene: Ala yeke duti na siriri! Andaa gi zeme laa ayeke na go ti e!’ ”

Jérémie 6:25

Ala sigigi ti gue na yaka pepe, ala fono na ndö ti alege pepe, ngbanga ti so wato ayeke kâ si lo yeke fâ azo; mbeto ayeke mbage na mbage kue.”

Jérémie 8:11

Ye ti ngangu asi na azo ti mbi tongana kota ka; me ala kanga ka ni na legeni pepe si ala yeke tene: ‘Ye kue ayeke nzoni! Ye kue ayeke nzoni!’ Andaa ye ayeke nzoni oko pepe.

Ezekiel 7:25

Kota mbeto ayeke ga. Ala yeke gi siriri, me ala yeke gi ni gbaa.

Mishe 1:12

Azo ti gbata ti Marot ayeke do na mbeto ndali ti anzoni ye ti ala. Biani, ye ti sioni alondo na *KOTA GBIA, ague, asi na yanga ti gbata ti Jérusalem.

1 Tesalonike 5:3

Na ndembe so azo ayeke tene ande, atene: “E yeke na siriri, mbeni ye ti sarango e ayeke daa pepe!”, gi na ndembe so laa kota kpale ayeke ti na ndö ti ala fafade tongana songo ya ti mama ti ngo so aga nduru ti du. Fade ala yeke wara lege ti sigigi na ya ni pepe.