Jérémie 7:6 - Mbeti ti Nzapa - Tënë so amu fini

⁶ tongana mbeni wande, wala nyindu, wala wali-mua ayeke na popo ti ala, ala sara ngangu na ala pepe; azo so tënë ayeke na li ti ala pepe, ala tuku mene ti ala na ndo so pepe; ala mu peko ti anzapa nde pepe, ngbanga ti ala wara kpale.

Jérémie 7:6 Iomraidhean Croise

2 Agbia 21:6

Lo gbi molenge ti lo ti koli na wâ ti mu na *sandaga; lo gi nda ti aye, lo sara mazi; lo zia azo titene ala hunda yingo ti akuâ si ala fa nda ti aye so ayeke na hondengo ni. Lo kiri lo sara sioni so ague guengo na nduzu ti ke KOTA GBIA, ye so azia ngonzo na be ti lo.

2 Agbia 24:4

nga ndali ti azo so asara sioni pepe si Manase afâ ala senge senge; mene ti ala atuku si amu ya ti gbata ti Jérusalem kue. KOTA GBIA ake ti zi tënë ni na li ti lo.

Abia (Psaumes) 106:38

Ala tuku mene ti azo so asara sioni pepe, so ti tene mene ti amolenge ti ala ti koli na ti wali; ala mu amolenge ni na sandaga na anzapa ti azo ti Kanaan si mene ni asara si kodro ni aga *sioni.

Amato 23:10

Atêne so a lu ando ti sara na maka ti yaka, mo zi ni ti pusu na dawa pepe; mo nzi mbage ti sese ti anyindu pepe.

Ésaïe 59:7

Ala yeke mu loro ti sara sioni, ala yeke kpe ti gue ti tuku mene ti zo so asara sioni pepe. Gbungo-li ti ala ayeke gi ti sara sioni; na ndö ti alege so kue ala yeke hon daa, gi sarango ngangu na zo nga na bubango ye.

Jérémie 13:10

Ala yeke mara ti asioni zo so ake ti ma tënë ti mbi. Ala ngba ti sara gi ye so be ti ala afa na ala; ala mu peko ti anzapa nde ti sara na ala, ti kuku ti kpo li ti ala na sese na dawa ti ala. Ayeke nzoni ala ga tongana kamba ti ndö ti bongo so mbeni ye ti sara na ni ayeke daa pepe!

Jérémie 19:4

Biani, azo ti Juda ado mbi, azia awe; ala buba ndo so kue awe, zo alingbi ti hinga ni mbeni pepe: na ndo ni so, ala zö dukani na ambeni nzapa nde. Ataa ala wani, ataa akotara ti ala, ataa agbia ti Juda ahinga anzapa ni so kozoni pepe. Ala sara si ndo ni asi singo na mene ti azo so tënë ayeke na li ti ala pepe.

Jérémie 2:30

Mbi pika ala gbaa; li ti ala aga daa oko pepe. Ala wani afâ awayanga-Nzapa ti ala na yongoro zeme tongana ti so bamara ayeke suru ya ti nyama.

Jérémie 2:34

Na tere ti bongo ti mo, gi mene ti azo ti mawa na ti azo so tënë ayeke na li ti ala pepe. Andaa laoko mo wara ala na fango yanga ti da ti mo pepe!

Jérémie 26:15

Ye oko, ayeke nzoni ala hinga atene, tongana ala fâ mbi, andaa ala fâ zo so tënë ayeke na li ti lo pepe. Tongaso, ngbanga ti kuâ ti mbi ayeke kiri na li ti ala, na li ti gbata so nga na li ti azo ti gbata ni. Biani, KOTA GBIA laa atokua mbi ti tene atënë so na mê ti ala.”

Jérémie 26:23

Ala gue, agbu Uria kâ na Ezipte si aga na lo na gbia Yoakim. Yoakim afâ lo; a mu kuâ ti lo si a bi na ya ti du so ayeke ndali ti azo kue.

Jérémie 35:15

Mbi mu ngoi ti mbi kue ti tokua na ala azo ti kua ti mbi, awayanga-Nzapa ti tene na ala, azo ti Juda, atene: ‘Ayeke nzoni zo oko oko azia sioni lege ti sarango ye ti lo; ala sara si sarango ye ti ala akiri aga nzoni; ala mu peko ti anzapa nde pepe ti voro ala. Tongaso, fade ala yeke ngba ti duti na ya ti kodro so mbi mu na ala, ala na akotara ti ala.’ Me ala dingi mê ti ala kete pepe, ala ma mbi pepe.

Jérémie 5:28

Ala kono mingi si tere ti ala ayeke za zango. Ala hon azo kue na sarango sioni. Ala yeke fâ ngbanga na legeni pepe; ala yeke baa tënë ti nyindu na legeni pepe; tongaso pepe, ka nyindu ni abaa nzoni. Ala yeke baa tënë ti awayere na legeni pepe.

Jérémie 7:5

Me ayeke nzoni, ala sara si lege ti dutingo ti ala na sarango ye ti ala aga nzoni: tongana azo use ague na ngbanga, alingbi ala fâ ngbanga ti azo ni na legeni;

Jérémie 7:9

So nyen! Ala yeke nzi, ala yeke fâ azo, ala yeke lango na akoli wala awali ti amba ti ala. Ala yeke de aba ti mvene, ala yeke zö dukani na *Baal, ala yeke mu peko ti anzapa so ala hinga ala kozoni pepe.

Abia ti demango tere 4:13

Me akpale so ati na ya ti kodro ni, ngbanga ti so awayanga-Nzapa asara siokpari, awayango-sandaga asara sioni mingi: ala tuku mene ti azo ti mbirimbiri ti gbata ni. Nilaa, akpale so ati na ya ti kodro ni.

Ezekiel 18:6

Lo yeke te akobe ti anzapa nde na li ti ahoto pepe, lo yeke yo le ti lo na mbage ti ayanda ti azo ti Israel pepe. Lo yeke lango na wali ti mba ti lo pepe; wali so ayeke baa ya ti lo, lo yeke duti na lo koli na wali pepe.

Ezekiel 22:7

Na ndo ti mo, azo ayeke ne babâ na mama ti ala pepe, ala yeke sara ngangu na awande, ala yeke sara ngangu na awali-mua nga na anyindu.

Awayango-sandaga 19:33

“Tongana mbeni wande aga aduti na ndo ti ala, na ya ti kodro ti ala, alingbi ala sara sioni na lo pepe.

Awayango-sandaga 25:17

Ayeke nzoni mbeni zo oko na popo ti ala asara mbana na mba ti lo pepe; ye so ayeke fa atene, ala yeke kpe mbeto ti mbi, Nzapa ti ala laa. Mbi laa mbi yeke KOTA GBIA, Nzapa ti ala.

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Matthieu 27:25

Azo ni kue akiri tënë, atene: “E ye titene ngbanga ti kuâ ti lo ati na li ti e nga na amolenge ti e!”

Matthieu 27:4

Lo tene na ala: “Mbi sara siokpari awe, ngbanga ti so mbi ka na ala mbeni zo so asara sioni oko pepe.” Me ala kiri tënë na lo, atene: “Ti e daa nyen? So abaa gi mo!”

Ndia ti fani use ni 11:28

Me tongana ala ma andia ni pepe, tongana ala zia lege so mbi fa na ala ti mu peko ti anzapa nde so ala hinga ni pepe, fade KOTA GBIA ayeke deba ala.

Ndia ti fani use ni 24:17

Moïse atene: Ala buba ya ti ngbanga ti wande wala ti nyindu pepe. Ala gbu bongo ti wali-mua ti bata ni ndali ti yongo ti ala pepe.

Ndia ti fani use ni 27:19

‘Deba aga na ndö ti zo so afâ ngbanga ti wande, ti nyindu na ti wali-mua na legeni pepe!’ Fade azo kue ayeke kiri tënë, atene: ‘Amen!’

Ndia ti fani use ni 8:19

Tongana be ti ala agirisa na KOTA GBIA Nzapa ti ala, tongana ala mu peko ti ambeni nzapa nde, tongana ala voro anzapa ni so, tongana ala kuku na gbe ti ala, mbi tene na ala laso biani: fade ala yeke kui kue.

Jacques 1:27

Mbirimbiri vorongo Nzapa so sioni ye oko ayeke daa pepe, ayeke mungo maboko na anyindu nga na awali-mua so ayeke baa pasi; mbirimbiri vorongo Nzapa ayeke nga ti ke sarango aye ti potopoto ti dunia so.