Jérémie 7:5 - Mbeti ti Nzapa - Tënë so amu fini

⁵ Me ayeke nzoni, ala sara si lege ti dutingo ti ala na sarango ye ti ala aga nzoni: tongana azo use ague na ngbanga, alingbi ala fâ ngbanga ti azo ni na legeni;

Jérémie 7:5 Iomraidhean Croise

Ésaïe 1:19

Tongana ala yeda si ala ma tënë ti mbi, fade ala yeke te anzoni kobe ti kodro ni.

Ésaïe 16:3

Azo ti Moab ahunda na Jérusalem, atene: “Mo mu na e wango, mo mu yanga biani. Taa na kota lâ, mo gbara gbe-de ti mo na ndö ti e ti bata e tongana bi so ayeke gbara gbe-de ti lo. Azo ti e so akpe so, mo honde ala, mo ka ala pepe.

Jérémie 21:12

ala asewa ti David! Tënë so KOTA GBIA atene ayeke so: Lakue na ndaperere, ayeke nzoni ala fâ ngbanga mbirimbiri. Azo so ayeke te amba ti ala na mbana so, ala zi azo ni na maboko ti ala. Tongaso pepe, fade ngonzo ti mbi ayeke londo tongana wâ so ayeke gbi ye kue; zo alingbi ti mingo ni pepe. So ayeke futa ti asioni sarango ye ti ala laa.

Jérémie 22:15

Na lege ti sarango da na keke ti sedre si mo ye ti fa atene, mo hinga ti le-gbia? Babâ ti mo ate, anyon ando, lo fâ ngbanga mbirimbiri si lo sara ye ti mbirimbiri; so asara si lo baa nzoni mingi.

Jérémie 22:3

Tënë so KOTA GBIA atene ayeke so: Ayeke nzoni ala sara ye mbirimbiri si ala baa lege ti fango ngbanga mbirimbiri. Ala zi azo so a yeke te ala na mbana na maboko ti azo so ayeke sara ngangu na azo. Awande, anyindu nga na awali-mua, ala sara pasi na ala pepe, ala sara ngangu na azo ni pepe. Azo so tënë ayeke na li ti ala pepe so, ala tuku mene ti ala na ndo so pepe!

Jérémie 26:13

Ti fadeso, ala sara si lege ti dutingo ti ala na sarango ye ti ala akiri aga nzoni; ala ma yanga ti KOTA GBIA Nzapa ti ala! Tongaso, sioni kpale so lo tene tënë ti tokuango ni na ndö ti ala, lo yeke zia lege ni.

Jérémie 7:3

Tënë so KOTA GBIA so ayeke na ndö ti dunia kue, Nzapa ti Israel, atene ayeke so: Ala sara si lege ti dutingo ti ala na sarango ye ti ala akiri aga nzoni! Tongaso si fade mbi yeke sara titene ala ngba ti duti na ya ti kodro so.

Ezekiel 18:17

Lo yeke yoro tere ti lo na ya ti ye ti kirikiri pepe. Tongana lo sara boon ti nginza na mbeni zo, lo yeke hunda mbeni nginza na ndö ni pepe, lo yeke gi ti wara ye na peko ni pepe. Lo yeke sara ye alingbi na aye so mbi fa si lo yeke tambula alingbi na atënë ti ndia ti mbi. Molenge-koli so ayeke kui ndali ti asiokpari ti babâ ti lo pepe; biani, lo yeke ngba na fini.

Ezekiel 18:5

“E mu tapande ti mbeni zo ti mbirimbiri: lo yeke sara ye na legeni nga na lege ti ndia.

Ezekiel 18:8

Tongana lo sara boon ti nginza na mbeni zo, lo yeke hunda mbeni nginza na ndö ni pepe, lo yeke gi ti wara ye na peko ni pepe; lo yeke yoro tere ti lo na ya ti ye ti kirikiri pepe, lo yeke fâ ya ti ngbanga na legeni.

Awayango-sandaga 25:17

Ayeke nzoni mbeni zo oko na popo ti ala asara mbana na mba ti lo pepe; ye so ayeke fa atene, ala yeke kpe mbeto ti mbi, Nzapa ti ala laa. Mbi laa mbi yeke KOTA GBIA, Nzapa ti ala.

Zakarii 7:7

Ando, KOTA GBIA azia mara ti atënë tongaso na yanga ti awayanga-Nzapa ti tene ni awe. Ala tene tënë ni na ngoi so Jérusalem na agbata so angoro ni ayeke na siriri si na sese ti mbage ti Mbongo nga na ti *Kodro-ti-gbeni, azo asi singo daa.

Awafango-ngbanga 21:12

Na popo ti azo ti Yabesh kue, ala wara amolenge-wali ngbangbo osio so ade ti hinga koli pepe. Ala mu amolenge-wali ni si ague na ala na bâbâ ti Silo, na sese ti Kanaan.

Awafango-ngbanga 5:1

Na lango ni so, Debora na Barak, molenge ti Abinoam ahe bia so, ala tene: