Jérémie 7:10 - Mbeti ti Nzapa - Tënë so amu fini

¹⁰ Na pekoni, ala yeke ga ti luti na le ti mbi na ya ti kota da so a di iri ti mbi daa si ala yeke tene: ‘Nzapa asoo e awe!’ si ala ngba ti sara asioni ye so kue ti gue na ni?

Jérémie 7:10 Iomraidhean Croise

1 Agbia 9:3

KOTA GBIA atene na lo: “Mbi ma sambela ti mo na vorongo tere ti mo awe. Kota da so mo sara so, mbi zia ni nde ndali ti mbi titene mbi duti daa kpu na kpu na popo ti ala. Fade le ti mbi na nzoni be ti mbi ayeke ngba daa lakue.

2 Agbia 21:4

Lo sara agbalaka ndali ti anzapa nde na ya ti kota da ti KOTA GBIA na Jérusalem, da so KOTA GBIA atene tënë ndali ni, atene: “Fade mbi yeke sara titene iri ti mbi aduti kâ.”

2 Mbai 33:4

Lo sara agbalaka ndali ti anzapa nde na ya ti kota da ti KOTA GBIA na Jérusalem, da so KOTA GBIA atene tënë ndali ni, atene: “Fade iri ti mbi yeke duti kâ kpu na kpu.”

2 Mbai 33:7

Lo sara yanda si lo zia ni na ya ti kota da ti Nzapa. Andaa Nzapa atene ando na David nga na molenge ti lo Salomon, atene: “Na ya ti kota da so nga na Jérusalem, gbata so mbi soro na popo ti agbata ti amara kue ti Israel laa mbi yeke sara titene iri ti mbi aduti daa kpu na kpu.

Amato 15:8

Be ti KOTA GBIA ake mingi *sandaga ti azo ti sioni; me be ti lo anzere na sambela ti azo ti mbirimbiri.

Ésaïe 48:2

Be ti ala anzere titene a iri ala “Azo ti gbata so ayeke nde si ayeke nzoni kue”; ala yeke luti na ndö ti Nzapa ti Israel, lo so iri ti lo ayeke “KOTA GBIA so ayeke na ndö ti dunia kue”. Ala ma tënë so si:

Jérémie 32:34

Ala zia afungo yanda ti ala na ya ti kota da so a zia nde ndali ti mbi; ala sara si da ni aga *sioni.

Jérémie 34:15

Me ti ala, ala zia ngbene lege ti sarango ye ti ala laso awe, ala sara ye so anzere na le ti mbi, ngbanga ti so ala to mbela titene zo oko oko azi mba ti lo na gbe ti ngbaa. Ala sara nga mbuki na dawa ti mbi, na ya ti kota da so a zia nde ndali ti mbi.

Jérémie 44:9

Sioni so kue ababâ ti ala, agbia ti Juda na awali ti ala asara nga na sioni so ala wani na awali ti ala asara na kodro ti Juda nga na ndö ti abalabala ti Jérusalem so, be ti ala agirisa na ni awe?

Jérémie 7:11

Kota da so a di iri ti mbi daa so, ala baa ni tongana du so azo ti nzi ayeke honde tere ti ala na ya ni? Ye so mbi wani, mbi baa laa; so tënë ti yanga ti KOTA GBIA laa.

Jérémie 7:14

Ala zia be ti ala kue na ndö ti kota da so. A di iri ti mbi na ndö ni awe; mbi mu ni ando na akotara ti ala si mbi mu nga ni na ala. Me mbi yeke buba ni legeoko tongana ti so mbi buba Silo.

Jérémie 7:30

“Biani, azo ti Juda asara ye so ayeke sioni na le ti mbi. Ala zia afungo nzapa ti ala na ya ti kota da so a di iri ti mbi na ndö ni; ala sara si da ni aga *sioni; so tënë ti yanga ti KOTA GBIA laa.

Ezekiel 20:39

Ti ala, azo ti Israel, tënë so mbi Kota Gbia NZAPA, mbi tene ayeke so: Ayeke nzoni zo oko oko ague, avoro ayanda ti lo ma! Me na pekoni, e yeke baa wala ala yeke ngba ti ke yanga ti mbi. Tongaso, iri ti mbi so ayeke nde si ayeke nzoni kue, ala yeke kiri ti sara si aga sioni pepe na lege ti amatabisi ti ala nga na lege ti vorongo ayanda ti ala.

Ezekiel 23:29

Ala yeke sara sioni mingi na mo, ala yeke nzi amosoro so mo sara kua si mo wara so. Ala yeke zi bongo na tere ti mo si ala yeke zia mo ndumbu. Tere ti mo so mo yeke sara na ye ti ndumba so, ayeke ngba na gigi. Sarango ye ti potopoto ti mo na sarango ye ti ndumba ti mo laa asara si

Ezekiel 23:37

Ala yeke awali so alango na akoli nde, maboko ti ala atuku mene. So ala voro ayanda so, so langongo na akoli nde laa. Amolenge-koli so ala du na mbi, ala fâ ala ti mu na *sandaga na ayanda ni titene amolenge ni aga kobe ti ayanda ni.

Ezekiel 23:39

Gi na lango so ala fâ amolenge ti ala ni ti mu na sandaga na ayanda, ala si na ndo so a zia ni nde ndali ti mbi, ala sara si ndo ni aga sioni; ye so ala sara taa na ya ti da ti mbi laa.

Ezekiel 33:25

Tongaso, mo tene na ala: Tënë so Kota Gbia NZAPA atene ayeke so: Ala yeke te kasa so mene angba na ya ni, ala yeke yo le ti ala na mbage ti ayanda ti ala, ala yeke fâ azo. Ala ye ti mu sese so ti ga ye ti ala tongana nyen?

Ezekiel 33:31

Tongaso ala mingi aga si ala duti na dawa ti mo. Ala ma atënë ti mo, me ala sara ye alingbi na ni pepe. Ala yeke sara ye alingbi na ye so anzere na be ti ala, ala yeke gi gi ye so ala lingbi ti wara ye na peko ni.

Ezekiel 5:11

“Fini ti mbi, Nzapa! So tënë ti yanga ti mbi, Kota Gbia NZAPA laa: Ndo so a zia ni nde ndali ti mbi, ala sara si aga *sioni na lege ti asioni sarango ye ti ala nga na lege ti afungo yanda ti ala. Mbi nga, mbi yeke gboto tere ti mbi, mbi yeke baa mawa ti ala oko pepe, mbi yeke zia zo oko pepe.

Daniel 9:18

Nzapa ti mbi, dingi mê ti mo, mo ma mbi! Zi le ti mo, mo baa bubango so gbata ti e abuba so; gbata so a di iri ti mo daa so. E voro tere ti e na mo ndali ti aye ti mbirimbiri so e sara pepe, me ndali ti kota nzoni be ti mo.

Osée 6:9

Tongana ti so *azaragina ayeke ku na lege, mbeni bongbi ti awayango-sandaga ayeke fâ azo na lege so ague na Sishem. Baa aye ti sioni mingi so ala yeke sara laa!

Amos 4:5

Mapa ti ala so mama ni ayeke daa so, ala zö ni na ndö ti gbalaka ti mu na sandaga ti mungo singila ma. Aye so ala ga na ni ti mu na mbi na be ti ala wani so, ala dekongo na tënë ni si azo kue ama; ye so ala, azo ti Israel aye laa”; so tënë ti yanga ti Kota Gbia NZAPA laa.

Sofonii 1:5

Fade mbi yeke hunzi azo so ayeke gue na li ti ada ti voro lâ, nze nga na atongoro, mbi yeke hunzi azo so ayeke voro mbi *KOTA GBIA si ala yeke deba na iri ti mbi, me na pekoni, ala yeke deba nga na iri ti yanda ti ala Milkom.

Malashii 3:15

Ti fadeso, e lingbi ti tene: azo ti baba laa ayeke duti nzoni. Ataa azo ti sioni, aye ti ala ayeke ga nzoni. Tongana ala gi yanga ti Nzapa, ye oko ayeke sara ala pepe!’ ”

Matthieu 23:13

“Mawa na ala, awafango-ndia, ala na *afarizien! Tënë ti yanga ti ala ayeke nde na sarango ye ti ala! Ala kanga lege ti *Kodro-gbia ti yayu na azo. Ala wani aye ti li na ya ti Kodro-gbia ti yayu ni pepe, me ala yeke kanga lege ni na azo so aye ti li daa. [

Jean 13:18

Mbi yeke tene tënë so ndali ti ala kue pepe; mbi hinga azo so mbi soro ala. Mbeti ti Nzapa atene: ‘Zo so mbi na lo, e yeke te kobe, lo laa lo yo gere ti lo ti do mbi.’ Alingbi tënë so aga taa-tënë.

Jean 18:28

Na ndaperere, ala mu Jésus na ndo ti Kaife, ague na lo na da ti govoronere. Amakonzi ti azuife ali na da ni pepe, ngbanga ti so ala ye ti bata tere ti ala *nzoni si ala lingbi ti te kobe ti *Pake.