Jérémie 6:7 - Mbeti ti Nzapa - Tënë so amu fini

⁷ Sioni ti lo ayeke sigigi tongana ngu so ayeke sigigi na li ti ngu. Na ya ti gbata ni kue, zo ayeke ma gi tënë ti sarango ngangu na zo nga na tënë ti bubango ye. Lakue, mbi yeke baa gi songo tere na aka.

Jérémie 6:7 Iomraidhean Croise

Amato 4:23

Mo sara hange na atënë so ayeke na be ti mo kâ, ngbanga ti so lege ti fini ti mo alondo daa.

Ésaïe 1:6

Ti londo na gere ti ala ngbii asi na li ti ala, mbeni ndo so angba nzoni ayeke daa pepe. Tere ti ala kue amboko na ka, tere ti ala kue asuru na ka, le ti aka ni azi kota, a sukula ni pepe, a kanga ni pepe, a zia yoro daa pepe.

Ésaïe 57:20

Me azo ti sioni ayeke tongana kota ngu-ingo so ayeke yingi, so alingbi ti duti kpoo pepe; *amapo ni ayeke mu potopoto nga na sarate asigigi na ni.

Jérémie 20:8

Lakue, tongana mbi yeke tene tënë, alingbi mbi dekongo ti iri azo ti soo mbi, mbi tene: “Fango zo-oo, bubango ye-oo!” Ndali ti tënë ti KOTA GBIA, azo ayeke zonga mbi lakue si ala yeke he mbi na ngia lakue.

Jérémie 30:12

So tënë ti yanga ti KOTA GBIA laa: “Ka ti mo ayeke so mingi, ka ni ayeke mu oko pepe!

Jérémie 30:13

Zo oko ti gbu koko ti mo ayeke daa pepe, mbeni ngangu yoro ti kanga na ka ti mo ayeke daa pepe.

Jérémie 30:15

Ngbanga ti nyen si mo yeke toto ndali ti kpale so asi na mo? Ndali ti ka ti mo so aso mingi so? Mbi sara si aye ni so asi na mo, ngbanga ti so sioni ti mo ahon ndoni, siokpari ti mo awu mingi.

Jérémie 32:31

Ti londo na ngoi so a leke gbata ti Jérusalem ngbii asi laso, gbata ni asara si ngonzo ti mbi na ngonzo ti mbi ti wâ alondo. Ndani laa, mbi ye ti zi gbata ni na le ti mbi.

Jérémie 8:22

Na sese ti Galaad, mafuta ti kai na kobela ayeke daa mbeni pepe? Awanganga ayeke kâ mbeni pepe? Ngbanga ti nyen si ka ti azo ti mbi ade ti mu pepe so?

Ezekiel 21:29

Ndani laa, tënë so mbi Kota Gbia NZAPA, mbi tene ayeke so: Ala sara si mbi dabe ti mbi na asioni ti ala; na lege ti asarango ye ti ala kue, ngangu li ti ala na siokpari ti ala asigigi polele. So ala sara si a kiri a dabe na asarango ye ti ala ni, fade a yeke gbu ala titene ala ga azo ti kanga.

Ezekiel 24:7

Biani, mene so Jérusalem atuku angba taa na ya ti gbata ni. Lo tuku ni na ndö ti têne so ndö ni ayeke senge; lo tuku ni na ndö ti sese pepe, wala lo tuku fuku ti sese na ndö ni pepe.

Ezekiel 45:9

Tënë so Kota Gbia NZAPA atene ayeke so: “Ala amakonzi ti Israel, ala sara ye ni ahon ndoni awe! Ala zia ti sara ngangu na azo, ti nzi aye ti azo. Ala sara ye na legeni; ala fâ ngbanga mbirimbiri; ala zia ti mu ye ti azo ti mbi na ngangu. So tënë ti yanga ti Kota Gbia NZAPA laa.

Ezekiel 7:11

Sarango ngangu na zo aga tongana keke so ayo na nduzu ti pika na zo. Mbeni ye ti ala oko ayeke ngba pepe, ataa mosoro ti ala, ataa wuluwulu ti ala, wala baba ti ala!

Ezekiel 7:23

Mo leke azingiri ti wen, ngbanga ti so fango zo asi singo na ya ti kodro ni, sarango ngangu na zo asi singo na ya ti gbata ni.

Sofonii 3:1

Mawa na gbata ti ngangu li so, gbata so *sioni ayeke na tere ti lo so, gbata ti sarango ngangu na azo so!