Jérémie 6:16 - Mbeti ti Nzapa - Tënë so amu fini

¹⁶ Tënë so KOTA GBIA atene ayeke so: Lege so ala ngba ti gue daa so, ala luti kete si: ala baa ndo, ala hunda ndo na ndö ti lege so azo amu ando so: ‘Nzoni lege ayeke na ndo wa?’ Ayeke nzoni ala mu lege ni so, tongaso si fade ala duti na siriri. Me ala kiri tënë: ‘E ye ti mu lege so pepe!’

Jérémie 6:16 Iomraidhean Croise

1 Agbia 8:36

mo KOTA GBIA so mo yeke na yayu, ayeke nzoni mo ma ala si mo zi siokpari na li ti azo ti kua ti mo nga na li ti azo ti Israel, azo ti mo. Mo fa na ala nzoni lege titene ala tambula daa. Na pekoni, sara si ngu-Nzapa apika na ndö ti sese so mo mu na ala si aga ti ala so.

2 Mbai 19:11

Fade kota wayango-sandaga Amaria ayeke duti na li ti ala ndali ti akua kue ti KOTA GBIA. Makonzi ti azo ti mara ti Juda, Zebadia, molenge ti Ismael, lo laa lo yeke duti na li ti ala ndali ti akua kue ti gbia. Azo ti mara ti Lévi laa ayeke duti na tere ti ala ti su aye kue na mbeti. Ala gbu ngangu, ala sara kua! Ayeke nzoni KOTA GBIA aduti na zo so ayeke sara nzoni ye.”

Abia (Psaumes) 116:7

Ayeke nzoni be ti mbi akiri aduti na siriri, ngbanga ti so KOTA GBIA asara anzoni ye mingi na mbi awe.

Ésaïe 2:5

*Ahale ti Jacob, ala ga e tambula na ya ti lumiere ti KOTA GBIA!

Ésaïe 28:12

Lo tene ando na ala, lo tene: “Baa, ndo ti wungo tere ti ala laa! Zo so awoko, ala zia lo, lo wu tere ti lo. Ndo ti dutingo kpoo laa.” Me ala ye ti ma pepe.

Ésaïe 30:21

Na ndembe so mo ye ti hon na mbage ti maboko ti koli wala na mbage ti maboko ti wali, mo yeke ma na peko ti mo mbeni go so ayeke tene: “Baa lege ni laa, mo mu ni!”

Ésaïe 46:9

Ala dabe ti ala na ye so ahon awe so, aye so asi ando giriri so: Biani, mbi laa mbi yeke Nzapa, mbeni nde ayeke daa pepe. Mbeni Nzapa tongana mbi ayeke daa pepe.

Ésaïe 57:2

Me fade siriri ayeke kiri ti ga si azo so ayeke sara ye na legeni ayeke lango na ndö ti gbogbo ti ala kpoo.

Ésaïe 8:20

fade ala yeke kiri tënë na ala, atene: “E yeke kiri gi na ndö ti wango ti KOTA GBIA na tënë so lo tene.” Zo so atene tënë tongaso pepe, fade lo yeke baa lumiere ti ndaperere pepe.

Jérémie 12:16

Tongana azo ni amanda lege ti dutingo ni tongana ti azo ti mbi, tongana azo ni adeba na iri ti mbi, atene: ‘KOTA GBIA ayeke na fini!’, tongana ti so a fa na ala ti deba na iri ti *Baal, fade azo ni ayeke wara ndo ti duti daa na popo ti azo ti mbi.

Jérémie 18:12

Me ala tene: “Ngbanga ti e ayeke daa pepe! E yeke ngba ti sara ye so aga na li ti e. Zo oko oko ayeke ngba ti sara sioni ye so be ti lo afa na lo.”

Jérémie 18:15

Me be ti azo ti mbi agirisa na mbi awe! Ala zö dukani na anzapa so ayeke taa Nzapa pepe. Na ndö ti alege so ala yeke hon daa, anzapa ni asara si ala ti. Lege so ando ala mu ni, anzapa ni ague na ala na mbeni lege nde; ambeni lege so azo ade asuru ni pepe.

Jérémie 2:25

‘Israel, mo sara hange! Tongana mo kpe loro tongaso, fade gbe ti poro ti mo ayeke te kue; lege ti go ti mo ayeke hole kasakasa.’ Me mo kiri tënë, mo tene: ‘Mo zia mbi na tënë ti mo so! Mbi ye gi anzapa ti awande, mbi yeke ngba ti kpe na peko ti ala’.

Jérémie 22:21

Lani mbi gboto mê ti mo na ndembe so mo duti na siriri, me mo kiri tënë: ‘Zia mê ti mbi, mbi ke awe!’ So fini ye pepe: sarango ye ti mo ngbene ye na molenge laa; laoko mo ma tënë ti mbi pepe!

Jérémie 31:21

Mo lu atêne na tere ti lege so mo yeke hon daa; mo kpo aye na nduzu na tere ti lege so mo yeke hon daa. Sara hange na lege so mo mu nga na lege so mo tambula daa. Maseka-wali Israel, mo kiri! Kiri na ya ti agbata so ayeke ti mo!

Jérémie 42:3

Ayeke nzoni KOTA GBIA, Nzapa ti mo afa na e lege so e lingbi ti mu nga na ye so e lingbi ti sara.”

Jérémie 44:16

“Ataa so mo tene tënë so na e na iri ti *KOTA GBIA, e ye ti ma mo pepe.

Jérémie 50:5

Ala yeke hunda lege ti guengo na *Sion, le ti ala ayeke baa ndo na mbage ti gbata ni. Ala yeke ga ti bongbi oko na mbi na lege ti *mbuki so angba lakue lakue, mbuki so be ti ala ayeke girisa na ni laoko pepe.

Jérémie 7:23

Yanga so mbi mu na ala ayeke so: Ayeke nzoni ala ma yanga ti mbi, tongaso si mbi yeke duti Nzapa ti ala si ala yeke duti azo ti mbi. Ala tambula mbirimbiri na lege so mbi fa na ala si ala yeke duti nzoni.

Jérémie 7:24

Me ala ke ti ma tënë ni; ala dingi mê ti ala kete pepe ti ma ni; ala sara gi ye so sioni be ti ala afa. Titene ala baa ndo na mbage ti mbi, ala zia gi peko ti ala na mbi.

Jérémie 7:3

Tënë so KOTA GBIA so ayeke na ndö ti dunia kue, Nzapa ti Israel, atene ayeke so: Ala sara si lege ti dutingo ti ala na sarango ye ti ala akiri aga nzoni! Tongaso si fade mbi yeke sara titene ala ngba ti duti na ya ti kodro so.

Nzoni Tënë so Luc asu na mbeti 16:29

Abraham atene na lo: ‘*Ndia ti Moïse na ambeti ti awayanga-Nzapa ayeke na popo ti ala: ayeke nzoni ala ma ni.’

Jean 12:35

Jésus atene na ala: “Lumiere ade na popo ti ala ndali ti kete ngoi. Ayeke nzoni ala tambula na ndembe so lumiere ni ayeke na tere ti ala, tongaso si vukongo ndo awara ala pepe, ngbanga ti so zo so atambula na ya ti vukongo ndo ahinga ndo so lo yeke gue daa pepe.

Jean 13:17

Fadeso ala hinga ye ni awe. Ti ala nzoni tongana ala sara ye alingbi na ni!

Jean 5:39

Ala yeke gi nda ti Mbeti ti Nzapa, ngbanga ti so ala baa ti ala atene na lege ni, ala yeke wara fini so angba lakue lakue. Andaa gi Mbeti so laa ayeke tene tënë na ndö ti mbi!

Awatokua 17:11

Be ti azuife ni kâ ayeke nzoni ahon ti ala ti Tesalonike; ala yamba tënë ti Nzapa na nzara ni kue na be ti ala. Na ya ti lango oko oko, ala yeke gi ya ti Mbeti ti Nzapa ti baa wala atënë so kue Paul atene so ayeke na legeni.

Rome 4:12

Lo yeke nga babâ ti azo so kue afâ ganza awe, so ti tene ala so azia be ti ala gi na ndö ti fango ganza pepe, me ala yeke sara ye na lege ti mabe tongana babâ ti e Abraham: lo ma na be na Nzapa kozoni si lo fâ ganza.

Ndia ti fani use ni 32:7

Ala dabe ti ala na ngoi ti giriri, ala gbu li ti ala na ndö ti angu so ahon awe so, ngu na ngu. Ala hunda tënë na ababâ ti ala nga na ambakoro, fade azo ni ayeke tene na ala peko ti aye so asi ando so.

Kolose 2:6

So ala yeda titene Jésus Christ aga *Kota Gbia ti ala awe, ayeke nzoni ala sara ye tongana azo so aga oko na lo.

Ahebro 11:2

Ndali ti mabe ti akotara ti e, Nzapa atene nzoni tënë ti ala.

Ahebro 6:12

Ala woko na lege ti sarango kua pepe, me ala sara ye tongana ti azo so ama na be, azo so akiri na peko pepe. Azo ni ayeke wara aye so Nzapa amu zendo ni na ala.

Awafango-ngbanga 2:17

Me azo ti Israel ama yanga ti awafango-ngbanga ti ala ni pepe. Biani, ala kuku akpo li ti ala na gbe ti anzapa nde. Gi hio tongaso, ala zia lege so akotara ti ala atambula ando daa; ambeni kotara ti ala ayeke azo so abata ndia ti KOTA GBIA; sarango ye ti ala akpa ti akotara ti ala ni pepe.