Jérémie 6:12 - Mbeti ti Nzapa - Tënë so amu fini

¹² Fade ada ti ala ayeke ga ti ambeni zo nde; ayaka ti ala na awali ti ala ayeke ga ti ambeni zo nde; so tënë ti yanga ti KOTA GBIA laa. Biani, fade mbi yeke yoro maboko ti mbi ti pika azo ti kodro ni,

Jérémie 6:12 Iomraidhean Croise

1 Mbai 21:16

David ayo le ti lo na nduzu si lo baa ange ti KOTA GBIA so ayeke luti na popo ti yayu na sese. Ange ni agbu na maboko ti lo yongoro zeme so a zi na ya ti bozo ni, lo yoro ni na mbage ti Jérusalem. David na *akangba ayu bongo ti mua, ala ti akpo li ti ala na sese.

Ésaïe 10:4

Mbeni ye ti ala ti sarango ni ayeke daa pepe, gi titene ala ba tere ti ala na popo ti azo ti kanga, wala ala ti na sese na popo ti akuâ. Ataa so kue, ngonzo ti *KOTA GBIA akai pepe, maboko ti lo angba gi na nduzu.

Ésaïe 5:25

Ndani laa ngonzo ti *KOTA GBIA alondo tongana wâ na tere ti azo ti lo. Lo yo maboko ti lo na nduzu ti pika ala. Ahoto ayingi, kuâ ti azo ni alango na ndö ti lege tongana zende. Ataa so kue, ngonzo ti KOTA GBIA akai pepe, maboko ti lo angba gi na nduzu.

Ésaïe 9:12

KOTA GBIA apika azo ti lo, me ala kiri na mbage ti lo pepe; KOTA GBIA so ayeke na ndö ti dunia kue, ala gi lo pepe.

Ésaïe 9:17

Biani, sioni ti azo ni ayeke gbi ye tongana wâ so ayeke gbi aki na akamba ti ki. Wâ ni ati na ya ti gbako si ngbongboro guru ayeke londo ti gue na nduzu.

Jérémie 15:6

So tënë ti yanga ti KOTA GBIA laa: Mo laa mo zia mbi, mo zia peko ti mo na mbi. Nilaa mbi yoro maboko ti mbi ti fâ mo. Mbi baa mawa ti mo alingbi awe.

Jérémie 21:5

Mbi wani laa mbi yeke tiri na ala, azo ti Juda, na lege ti maboko ti mbi so mbi yoro, na lege ti ngangu ti maboko ti mbi. Mbi yeke tiri na ala na lege ti ngonzo ti mbi, ngonzo ti mbi ti wâ nga na kota ngonzo ti mbi.

Jérémie 38:22

awali so kue angba na yangbo ti gbia ti Juda, fade a yeke mu ala ti gue na ala na aturugu ti kota kamba ti gbia ti Babilone; awali ni ayeke he bia so na iri ti mo, atene: ‘Ataa azo so aye mo mingi, ala handa mo alingbi ala awe! Mo linda na ya ti potopoto awe, ala do mo azia!’

Jérémie 38:23

Biani, fade a yeke mu awali ti mo na amolenge ti mo ti gue na ala na azo ti Babilone; ti mo, mo yeke kpe na maboko ti ala oko pepe. Gbia ti Babilone ayeke gbu mo ti ga zo ti kanga si lo yeke bi wâ na gbata ni.”

Jérémie 7:20

Ndani laa, tënë so Kota Gbia NZAPA atene ayeke so: “Fade mbi yeke tuku ngonzo ti mbi ti wâ na ndö ti gbata so, na ndö ti azo na anyama, na ndö ti akeke nde nde ti yaka na ale ti kobe so asigigi na sese. Ngonzo ti mbi ayeke duti tongana wâ so ayeke mingo pepe.”

Jérémie 8:10

“Ndani laa, KOTA GBIA atene: mbi yeke mu awali ti ala na ambeni zo nde; mbi yeke mu ayaka ti ala na azo si ayaka ni aga ti azo ni biani. Biani, ti londo na kete zo asi na kota zo, ala kue ayeke gi gi nzoni ti ala wani. Ti londo na wayanga-Nzapa asi na wayango-sandaga, ala kue ayeke sara gi aye ti nzi.

Abia ti demango tere 2:8

KOTA GBIA aleke na be ti lo ti kungbi kota gbagba ti bira ti azo ti Sion kue na sese. Lo gboto kamba na sese ti haka na ni; maboko ti lo ayeke ngba daa ngbii lo kungbi ni kue na sese si. Lo sara si ngangu gbagba ni na senge gbagba ni ati kue awe; so mawa! Ala use kue abuba gi legeoko.

Abia ti demango tere 3:3

Biani, ndade, ndade, ti londo na ndaperere ngbii asi na lakui, maboko ti lo ayeke na ndö ti mbi gi na pika.

Abia ti demango tere 5:11

Na ya ti gbata ti Sion, a yeke gbu awali na ngangu si ayeke lango na ala; na ya ti agbata ti kodro ti Juda, a yeke buba amaseka-wali.

Abia ti demango tere 5:2

Asese so ayeke ti e wani so, akiri aga ti awande. Ada ti lango ti e akiri aga ti azo so e hinga le ti ala laoko pepe.

Abia ti demango tere 5:3

E yeke anyindu, ababâ ti e ayeke daa mbeni pepe; amama ti e ayeke tongana awali-mua.

Ezekiel 35:3

Mo tene na ala, mo tene: Tënë so Kota Gbia NZAPA atene ayeke so: Mbi yeke ga na tere ti ala! Mbi yeke yoro maboko ti mbi ti pika mo, hoto ti Seir; mbi yeke sara si mo ga benyama biani biani.

Ezekiel 7:24

Fade mbi yeke sara titene amara so ayeke sioni ahon ndoni aga amu ada ti ala. Mbi yeke kai baba ti angangu zo, awato ni ayeke sara si ando ti vorongo anzapa ti ala aga sioni.

Mishe 2:4

Na lango ni so, fade azo ayeke he bia na iri ti ala, azo ayeke he bia ti totongo kuâ so, atene: “A mu aye ti e kue kue kue awe! A gbanzi sese ti azo ti e awe! A kangbi ya ti sese ni na popo ti awato ti e. Ngbanga ti nyen si a mu aye ni na maboko ti e so?”

Sofonii 1:13

Fade a yeke nzi amosoro ti ala, a yeke buba ada ti ala; ala yeke sara ada, me ala yeke lango na ya ni pepe; ala yeke fâ ayaka ti *vinye, me ala yeke nyon vin ni pepe.”

Sofonii 1:4

“Fade mbi yeke yoro maboko ti mbi ti pika azo ti Juda nga na azo so kue alango na Jérusalem. Mbi yeke sara si aye so azo ayeke voro na *Baal angba na ya ti kodro ni oko pepe; ataa awayango-sandaga so ayeke sara kua na lo, azo ayeke girisa iri ti ala.