Jérémie 51:5 - Mbeti ti Nzapa - Tënë so amu fini

⁵ Biani, kodro ti ala asi singo na sioni so ala sara ti ke Nzapa ti Israel, lo so lo yeke nde si lo yeke nzoni kue. – Me Nzapa, KOTA GBIA so ayeke na ndö ti dunia kue, ado Israel na Juda azia ala pepe titene ala ga tongana wali-mua. –

Jérémie 51:5 Iomraidhean Croise

1 Agbia 6:13

Fade mbi yeke duti na ya ti kota da so na popo ti azo ti Israel si mbi yeke zia azo ti Israel pepe so ayeke azo ti mbi.”

2 Agbia 21:16

Na ndö ni kue, Manase afâ gba ti azo so asara sioni oko pepe si mene ti azo ni amu ya ti gbata ti Jérusalem kue. Siokpari ti fango azo ni aga na ndö ti siokpari so lo sara ti pusu azo ti Juda ti sara ye so ayeke sioni na le ti KOTA GBIA.

Esdras 9:9

Biani, e yeke ando angbaa, me mo Nzapa ti e, mo zia e na ya ti ngbaa ni pepe. Mo sara si agbia ti Perse asara nzoni be na e; ala kiri fini na e si e lingbi ti leke kota da ti mo nga na agbagba ni so a kungbi ando na sese; e wara ndo so e lingbi ti duti daa na Jérusalem nga na sese ti Juda si sioni ye asi na e pepe.

Abia (Psaumes) 94:14

Biani, KOTA GBIA ayeke ke azo ti lo pepe, azo so aga azo ti lo, lo yeke zia ala pepe.

Ésaïe 44:21

“Jacob, dabe ti mo na tënë so: Israel, mo yeke zo ti kua ti mbi; mbi leke mo titene mo ga zo ti kua ti mbi. Fade be ti mbi ayeke girisa na mo pepe.

Ésaïe 51:15

Mbi laa mbi yeke KOTA GBIA, Nzapa ti ala. Mbi yeke yingi le ti kota ngu-ingo; mbi yeke sara si *amapo ni atoto. Iri ti mbi ayeke KOTA GBIA so ayeke na ndö ti dunia kue.

Ésaïe 62:12

Fade a yeke iri ala: “Azo so ayeke nde si ayeke nzoni kue, azo so KOTA GBIA azi ala awe”. Ti mo Jérusalem, azo ayeke kiri ti iri mo pepe, atene: “Gbata so azo ado azia”, me ala yeke iri mo, atene: “Gbata so be ti Nzapa aye”.

Jérémie 14:19

“KOTA GBIA, mo ke Juda biani awe? Be ti mo ake *Sion awe? Ngbanga ti nyen si mo zia ka na tere ti e si ka ni amu pepe so? E baa ti e lani e tene, fade e yeke duti nzoni, me ye ti nzoni oko ayeke daa pepe. E yeke ku lani ngoi titene ka ti e amu, me kota mbeto laa aga.

Jérémie 14:9

Ngbanga ti nyen si mo yeke sara ye tongana koli pepe so? Ngbanga ti nyen si mo yeke sara ye tongana mbeni ngangu koli so alingbi fade ti soo azo, me lo soo ala pepe so? Andaa KOTA GBIA, mo yeke na popo ti e, a zia e nde ndali ti mo awe; mo zia e pepe!”

Jérémie 16:18

Mbi yeke mu na ala kozoni futa fani use alingbi na sioni nga na siokpari ti ala, ngbanga ti so ala sara si kodro ti mbi aga sioni. Ye so aga ti mbi, ala sara si asi singo na afungo nzapa ti ala so ayeke na fini pepe so; ala sara si ye ti mbi ni asi singo na asioni nzapa ti ala so zo alingbi ti baa na le ti lo fani use pepe so.”

Jérémie 19:4

Biani, azo ti Juda ado mbi, azia awe; ala buba ndo so kue awe, zo alingbi ti hinga ni mbeni pepe: na ndo ni so, ala zö dukani na ambeni nzapa nde. Ataa ala wani, ataa akotara ti ala, ataa agbia ti Juda ahinga anzapa ni so kozoni pepe. Ala sara si ndo ni asi singo na mene ti azo so tënë ayeke na li ti ala pepe.

Jérémie 23:15

Tongaso, tënë so *KOTA GBIA so ayeke na ndö ti dunia kue atene na tere ti awayanga-Nzapa ayeke so: “Mbi yeke mu na ala sengo pere, ala te, mbi yeke mu na ala ngu so a tuku sioni yoro daa, ala nyon. Biani, na lege ti awayanga-Nzapa ti Jérusalem laa sioni asigigi, asua ngbii amu ya ti kodro ni kue.”

Jérémie 31:37

Tënë so KOTA GBIA atene ayeke so: Tongana zo alingbi ti gboto kamba, ti londo na sese asi na yayu ti hinga yongo ni, wala tongana zo ni alingbi ti hinga yongo ti sese na ngbonda ni kâ, tongaso fade mbi lingbi nga ti ke *ahale ti Israel kue ndali ti sioni so ala sara.”

Jérémie 46:28

Mo Israel, zo ti kua ti mbi, sara mbeto pepe! So tënë ti yanga ti KOTA GBIA laa. Biani, mbi yeke na mo. Amara so kue mbi kangbi mo lani na popo ti ala, mbi yeke fâ ala kue ti hunzi ala; me ti mo, mbi yeke hunzi mara ti mo pepe. Biani, mbi pika mo, me na legeni; mbi lingbi fade ti zia mo senge tongaso pepe!”

Jérémie 50:20

Na lango ni so, na ngoi ni kâ, azo ayeke gi ti wara sioni ye na li ti Israel, me sioni ye ni ayeke duti daa mbeni pepe; azo ayeke gi siokpari na li ti Juda, me ala yeke wara ni pepe. Biani, fade mbi yeke zi siokpari na li ti azo so mbi yeke zia ala titene ala ngba na fini; so tënë ti yanga ti KOTA GBIA laa.

Jérémie 51:19

Ti Nzapa, lo yeke tongana ala pepe, lo so lo yeke mosoro ti Israel; lo laa lo sara si dunia abaa gigi, mara ti Israel ayeke ye ti lo; iri ti lo ayeke KOTA GBIA so ayeke na ndö ti dunia kue.

Ezekiel 8:17

Nzapa ahunda mbi, atene: “Molenge ti zo, mo baa na le ti mo awe-aa? Asioni ye so zo alingbi ti baa na le ti lo fani use pepe si azo ti Juda ayeke sara ni ge so, alingbi na ala pepe. Na ndoni, ala yeke sara ngangu na azo ahon ndoni na ya ti kodro ni, ala yeke sara kue titene ngonzo ti mbi alondo. Baa, fadeso ala mu mbeni nduru maboko ti keke si ayeke ga na ni nduru na hon ti ala.

Ezekiel 9:9

KOTA GBIA akiri tënë na mbi, atene: “Sioni ti azo ti Israel na ti azo ti Juda ayeke kota ahon ndoni; mene asi singo na ya ti kodro ni, sarango ngangu na azo asi singo na ya ti gbata ni. Biani, azo ni ayeke tene: ‘KOTA GBIA ado kodro ni azia awe, lo lingbi ti baa e oko pepe.’

Osée 2:1

Me mbeni lâ, fade wungo ti azo ti Israel ayeke ga tongana mbutu ti yanga ti kota ngu-ingo; mbutu so zo alingbi ti haka ni pepe wala ti diko ni pepe. Na ndo so, Nzapa atene lani na ala: “Ala yeke mara ti mbi pepe”, gi na ndo so laa lo yeke tene na ala: “Ala yeke amolenge ti Nzapa so ayeke na fini.”

Osée 2:3

Ala tene na a-ita ti ala ti koli: “Ami!” Ala tene na a-ita ti ala ti wali: “Ruhama!”

Osée 4:1

Azo ti Israel, ala ma tënë ti *KOTA GBIA: KOTA GBIA ayeke na ngbanga na azo ti kodro, ngbanga ti so na ya ti kodro ni, tenengo taa-tënë ayeke daa pepe, ndoye ayeke daa pepe, hingango Nzapa ayeke daa pepe.

Osée 4:2

Ye so ahon ndoni na ya ti kodro ni ayeke dengo ba ti mvene, handango zo, fango zo, nzi, gingo wali wala gingo koli ti zo, tukungo mene na peko ti tere, na peko ti tere.

Mishe 7:18

Mbeni nzapa wa laa alingbi na mo? Mo laa mo yeke zi siokpari ti tanga ti azo ti mo so angba na fini, mo yeke zia be ti mo na kpengbango li ti azo ni pepe. Ndali ti yengo so mo ye na tanga ti azo ti mo so angba na fini, mo yeke sara ngonzo na tere ti ala ngbii aninga pepe, me ye so anzere na be ti mo ayeke titene mo sara nzoni be na azo.

Mishe 7:20

Mo yeke bata tënë ti yanga ti mo na *ahale ti Jacob na ti Abraham. Ye so mo deba yanga ti mo ti sara na akotara ti e ngbene ye ando laa.

Zakarii 12:6

Na lango ni so, fade mbi yeke sara titene amakonzi ti Juda aduti tongana mbeni kota le ti wâ na ya ti gbako, wala tongana mbeni *tanda so a zia wâ daa na gbe ti gba ti ale ti kobe. Fade ale ti wâ ni ayeke te mbage na mbage kue amara so kue angoro ala. Me azo ti Jérusalem ayeke ngba ti duti gi na ya ti gbata ti ala.”

Zakarii 12:8

Na lango ni so, fade KOTA GBIA ayeke bata azo ti Jérusalem: azo so ayeke na popo ti ala si ayeke na ngangu pepe, ala yeke ga azo ti ngangu tongana David. Ahale ti David ayeke duti na le ti azo ni tongana Nzapa, tongana *ange ti KOTA GBIA so ayeke tambula na dawa ti ala.

Zakarii 2:12

KOTA GBIA so ayeke na ndö ti dunia kue - lo so lo tokua mbi na amara so anzi aye ti ala kue, azo ti Sion, tënë so lo tene ayeke so: “Zo so andu ala, andaa lo ndu mboma ti le ti mbi awe.

1 Samuel 12:22

Biani, ndali ti kota iri ti lo, KOTA GBIA ayeke zia azo ti lo pepe, ngbanga ti so lo ye ti mu ala ti ga azo ti lo.